Naiˍ htangˍ 3:19 - Pyen

¹⁹ Haeˉ mae yao, Hpaˍcaoˍ nawng beu naˍ hokˍ hingˍ na poiˉ lawtˍ laˍ taw naeˉ uiˉ saˍ laiˍ, naˍ hokˍ na kuitˆ puiˉ laeˍ yao nuing ba penˉ laeˍ bao.

Naiˍ htangˍ 3:19 ပူးပေါင်းရင်းမြစ်များ

Naiˍ htangˍ 1:6

Haeˉ mae yawng hpawm lang yao ca beu, yawng ciˍ jiˍ hingˉ ngaˍ, Ang suingˉ veuˉ, ya muiˉ naˇ Iˉsaˍreˍlaˆ changˉ ceuˉ uiˉ na ang meungˉ hingˉ piˍ laeˍ naeˍ la nae Yeˍsuˆ na naˉ jiˉ.

Naiˍ htangˍ 11:18

Ningˉ awˍ lawng ningˉ na yawng ya kyaˍ beu, yawng htiˍ ceuˍ nae muiˉ baˍ hkai. Yawng Hpaˍcaoˍ na chiˍ mawng yao ciˍ jiˍ yang, haeˉ mae baoˉ vaˍ, Changˉ ceuˉ htiˍ baˍ uiˍ muiˉ Ang hkawˍ laˉ yaˍ teˍ yaˍ naeˍ uiˉ saˍ laiˍ, Hpaˍcaoˍ yawng beu naˍ hokˍ na kuitˆ puiˉ laeˍ naeˍ uiˉ saˍ laiˍ aˉ hkvangˍ piˍ naeˍ nae ha biˍ jiˍ.

Naiˍ htangˍ 11:21

Ang suingˉ Hpaˍcaoˍ beu laˍ htiˍ tanˉ hkoˇ yawng kawngˉ htuˍ yaˍ laˉ mae ca yao, changˉ ang byaˍ yumˉ saˉ laˉ yao Ang suingˉ Yeˍsuˆ kawngˉ hpap yao lui laeˍ jiˍ.

Naiˍ htangˍ 15:3

Haeˉ mae yao, Hkritˆ yanˍ ang muˉ yawng na piˉ aeˉ beu, yawng ngaˍ Hpiˆniˆ ang meungˉ nae Saˍmaˍriˆ ang meungˉ na hpaiˍ jiˍ. Haeˉ mae beu, Changˉ ceuˉ htiˍ baˍ uiˍ nuing ba penˉ laˉ laeˍ jiˍ awˍ lawng na hkai bae biˍ yao, yumˉ naeˉ saˉ naeˉ uiˉ changˉ uiˉ mawnˍ saˉ jiˉ.

Naiˍ htangˍ 17:26

Yaˇ nuingˉ chaˍ htaˍ veu ku ti ti ca naeˉ uiˉ saˍ laiˍ, changˉ ceuˉ hkaˉ hko laˉ hko na changˉ htiˍ hu hkaoˉ veu naˇ peungˍ cawngˉ saˍ jiˍ. Yawng saˍ laiˍ cheˉ laeˍ taw naeˉ uiˉ ang nyamˍ na baˍ upˍ, yawng ca kyaˉ uiˉ na baˍ upˍ, yang haenˍ hangˉ yao chiˉ byaˇ.

Naiˍ htangˍ 2:38

Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Naiˍ htangˍ 28:27

Aˉ mae yao nae baoˉ vaˍ, changˉ ningˉ uiˉ ceuˉ beu nuing ba hingˉ ang kaenˍ pa nae, yawng mae nuing hingˉ mit yao, laˍ suingˍ baˍ ya kyaˍ. Yawng ningˉ mae baˍ hpeuˍ uˉ vaˍ, yawng beu mae nuing myangˉ hkiˍ yao, laˍ suingˍ ya kyaˍ hkiˍ naeˍ. Nuing ba hkaoˉ veu ya bae yao, yawng nuing ba penˉ laeˍ baoˉ vaˍ, ga yawng na piˉ ca buiˍ laeˍ naeˍ nae ha biˍ jiˍ.

Naiˍ htangˍ 3:20

Ningˉ mae ha baoˉ vaˍ, Ang suingˉ Hpaˍcaoˍ kawngˉ lui jiˉ mawnˍ pyawˉ naeˉ uiˉ ang nyamˍ hkeu lui yao, nawng saˍ laiˍ cheˉ yuˉ yao chiˉ jiˉ Yeˍsuˆ nae maengˉ jiˉ Hkrit htiˍ hu mangˉ na yang sa luiˍ laˍ naeˍ yaˇ.

Naiˍ htangˍ 3:21

Hpaˍcaoˍ nawˍ tawngˍ hpanˍ ngang beu nae yang beu ang seungˍ ang sangˉ pa rawˉ hpaet uiˉ na cuˉ yao ciˍ saˍ jiˍ lawˉ, ang ceuˉ hkaˉ hko laˉ hko na ang suiˍ taengˍ taw laeˍ beu hkeu Yeˍsuˆ buingˍ htaˍ htaˍ veu ya ca naeˉ.