Naiˍ htangˍ 26:3 - Pyen

³ Aˉ mae yao nae baoˉ vaˍ, Yuˉdaˆ changˉ uiˉ beu ang liˍ ang kawngˍ nae yawng hteng lang naeˉ awˍ lawng na, nang ang bae maˉ manˉ yaˇ. Hingˉ pa nae, iˉ yaˍ otˆ yao ga beu ang tangˍ ningˍ naˉ yuˉ lao nae ga nang na paˉ laˍ naeˍ yaˇ.

Naiˍ htangˍ 26:3 ပူးပေါင်းရင်းမြစ်များ

Naiˍ htangˍ 21:21

Caˇ, naˇ aˍ sangˍ yang beu ang yaˍ uiˍ na ang hkaw baˍ ya haen nae, ang liˍ ang kawngˍ ca jiˉ laˉ mae baˍ ya ha nae nang ciˍ yao, Moˉseˍ beu ang liˍ hingˍ na paek ngangˉ sao nae Changˉ ceuˉ htiˍ baˍ uiˍ kawngˉ ca naeˉ Yuˉdaˆ Changˉ ceuˉ htiˍ baˍ uiˍ na nang maˍ biˍ jiˍ nae, Yuˉdaˆ changˉ uiˉ ang byaˍ cangˍ yaˍ kyaˍ jiˍ.

Naiˍ htangˍ 24:10

Ang meungˉ kaˉ seu ang suingˉ huiˍ maˇ, Pawˉluˆ na hkaˍ muˍ hkai voˍ nae laˍ puˍ maˍ biˍ beu, Pawˉluˆ ha biˍ jiˍ. Nang ang byaˍ pi changˉ ceuˉ ningˉ uiˉ kawngˉ aˉ muˍ tatˆ myang naeˉ na ga bae yao, ga beu awˍ lawng ningˉ mawnˍ mawnˍ pyawˍ pyawˉ hkai laeˍ laˍ naeˍ yaˇ.

Naiˍ htangˍ 24:4

Caˇ, ga nang na ang mangˍ nae baˍ ya suk sak laˍ hkiˍ naeˍ uiˉ saˍ laiˍ, otˆ yao gu hkai laˍ siˍ naeˉ ang tangˍ htiˍ htaeˍ nyiˍ htaeˍ hingˍ na iˉ yaˍ naˉ laˍ beun voˍ nae ga nang na paˉ laˍ naeˍ yaˇ.

Naiˍ htangˍ 25:26

Yang beu awˍ lawng hingˉ ga beu ang suingˉ huiˍ mangˍ na ang laiˍ taemˉ laeˍ biˍ naeˍ nae ang ti htiˍ ceuˍ nae muiˉ baˍ ca. Hingˉ pa nae, gu yang na maenˍ nae naˉ htamˉ nga baoˉ vaˍ, yang beu awˍ lawng hingˉ ga htiˍ ceuˍ ceuˍ taemˉ taw hkiˍ naeˍ uiˉ saˍ laiˍ, nawng ningˉ mawk ningˉ tawngˍ naˍ veu na baˍ upˍ, ang suingˉ Aˍgiˉpaˆ veuˉ, ya caeˉ nae nang tawngˍ naˍ veu na baˍ upˍ, ga yang na suiˍ langˉ byaˇ.

Naiˍ htangˍ 26:2

Hkunˉ hawˉ hkamˉ Aˍgiˉpaˆ veuˉ, Yuˉdaˆ changˉ htiˍ baˍ uiˍ ga htaˍ veu naˍ hokˍ chiˉ laˍ naeˍ ningˉ uiˉ hkaˉ hko laˉ hko awˍ lawng, miˉ nuing nang tawngˍ naˍ veu ga ya hkaiˍ laˍ yao, ga ang pyawˉ yaˇ.

Naiˍ htangˍ 26:26

Ningˉ awˍ lawng ningˉ na ang suingˉ Aˍgiˉpaˆ bae yao, ga yang na maenˍ nae hkai biˍ yao ang kaˍ yaˇ. Ningˉ ngaˍ ang paˉ veu hpeuˍ laˉ jiˉ kanˉ baˍ nae yao, ningˉ awˍ lawng na ang suingˉ baˍ kyaˍ baˍ bae nae baˍ ca laˇ nae ga ang yumˉ yaˇ.

Naiˍ htangˍ 26:7

Gu beu changˉ ceuˉ tiˍ cheˍ nyiˍ ceuˍ uiˉ aˍ, miˍ hkiˍ nuing kawngˉ coˇ caˇ yao Hpaˍcaoˍ na koˉ koiˍ naeˍ hkaoˉ veu, saˉ caˉ hingˉ na ya naeˉ uiˉ saˍ laiˍ yawng kuitˆ yao ca ngaeˉ yaˇ. Hkunˉ hawˉ hkamˉ veuˉ kuitˆ yao chiˉ jiˉ hingˉ pa nae, Yuˉdaˆ changˉ htiˍ baˍ uiˍ ga na naˍ hokˍ chiˉ laˍ naeˍ yaˇ.

Naiˍ htangˍ 28:17

Sumˍ nuing hkeu laˉ yao, Pawˉluˆ nawˍ hiˉ keung ca naeˉ Yuˉdaˆ changˉ uiˉ hkaoˉ veu awn hoˉ uiˉ na haoˉ va jiˉ. Yawng hpawm lang beu, Pawˉluˆ yawng na ha biˍ jiˍ, Yaˍ changˍ mawngˉ namˉ yawng veuˉ, gu beu changˉ ceuˉ uiˉ na baˍ up, ang hpiˍ ang puˉ uiˉ beu ang liˍ na baˍ up, ga htiˍ ceuˍ na baˍ tiˍ si yao muiˉ, Yeˍruˆsaˍlaemˍ vengˍ hkaoˉ veu Yuˉdaˆ changˉ uiˉ ga na hpui laˍ yao, Roˉmaˆ changˉ uiˉ beu laˍ puˍ hkaoˍ veu ap nga laˍ byaˇ.

Naiˍ htangˍ 6:14

Naˍzaˍraet changˉ Yeˍsuˆ ningˉ maˇ, cawngˉ ang huiˍ ningˍ na tiˍ kangˍ yao, Moˉseˍ gu na piˍ saˍ laˍ jiˍ ang liˍ ang kawngˍ htiˍ baˍ ningˍ uiˉ na penˉ na naˇ nae yang ciˍ naeˍ na gu ya kyaˍ byaˇ nae yawng ciˍ jiˍ.