Naiˍ htangˍ 26:20 - Pyen

²⁰ Kaˉ huˍ veu Daˍmaˍsaetˆ vengˍ changˍ uiˍ na baˍ upˍ, hingˉ nawngˍ veu Yeˍruˆsaˍlaemˍ vengˍ nae Yuˉdaˆ ang meungˉ hkaˉ hko laˉ hko uiˉ beu na baˍ up, Changˉ ceuˉ htiˍ baˍ uiˍ beu na muiˉ baˍ upˍ, ga ang buinˉ maˍ biˍ yaeˍ. Yawng ngaˍ aˍ sangˍ yang beu naˍ hokˍ na kuitˆ puiˉ laeˍ yao, Hpaˍcaoˍ kawngˉ hpap nga langˉ laeˍ yao, naˍ hokˍ na kuitˆ puiˉ laeˍ jiˍ uiˉ kanˉ na kuingˉ lang naeˉ uiˉ kanˉ na vaˍ taw naeˉ uiˉ saˍ laiˍ ga yawng na maˍ biˍ yaeˍ.

Naiˍ htangˍ 26:20 ပူးပေါင်းရင်းမြစ်များ

Naiˍ htangˍ 11:18

Ningˉ awˍ lawng ningˉ na yawng ya kyaˍ beu, yawng htiˍ ceuˍ nae muiˉ baˍ hkai. Yawng Hpaˍcaoˍ na chiˍ mawng yao ciˍ jiˍ yang, haeˉ mae baoˉ vaˍ, Changˉ ceuˉ htiˍ baˍ uiˍ muiˉ Ang hkawˍ laˉ yaˍ teˍ yaˍ naeˍ uiˉ saˍ laiˍ, Hpaˍcaoˍ yawng beu naˍ hokˍ na kuitˆ puiˉ laeˍ naeˍ uiˉ saˍ laiˍ aˉ hkvangˍ piˍ naeˍ nae ha biˍ jiˍ.

Naiˍ htangˍ 15:19

Hingˉ pa nae, Hpaˍcaoˍ kawngˉ hpap yao laˉ laeˍ naeˍ Changˉ ceuˉ htiˍ baˍ uiˍ na tiˍ suk tiˍ sak biˍ naeˍ ningˉ ngaˍ baˍ yaˍ.

Naiˍ htangˍ 17:30

Caeˉ laˉ saˍ jiˍ hkaoˉ veu nawngˍ baˍ bae nae vaˍ jiˍ kanˉ htiˍ baˍ uiˍ na, Hpaˍcaoˍ baˍ cuiˍ yaˍ yao muiˉ, ya muiˉ aˍ, aˉ keung veu ca naeˉ changˉ uiˉ naˍ hokˍ na kuitˆ puiˉ laeˍ naeˍ uiˉ saˍ laiˍ Hpaˍcaoˍ ang tangˍ piˍ jiˍ.

Naiˍ htangˍ 2:38

Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Naiˍ htangˍ 20:21

Hpaˍcaoˍ tawngˍ na veu naˍ hokˍ na kuitˆ puiˉ laeˍ na baˍ upˍ, gu beu Yeˍsuˆ Hkritˆ na yumˉ naeˉ na baˍ upˍ, Yuˉdaˆ changˉ nae Changˉ ceuˉ htiˍ baˍ uiˍ na ga saˉ hkiˉ hkamˉ peunˉ jiˉ awˍ lawng na muiˉ nawng bae byaˇ.

Naiˍ htangˍ 26:17

Yuˉdaˆ changˉ uiˉ nae Changˉ ceuˉ htiˍ baˍ uiˍ mi nuing ya myangˉ laˉ naeˉ uiˉ saˍ laiˍ, Yuˉdaˆ changˉ uiˉ kawngˉ ga nang na piˉ aeˉ laˍ yao, yawng beu laˍ puˍ hkaoˍ veu nang na piˉ caeˉ laˍ naeˍ yaˇ.

Naiˍ htangˍ 26:19

Hingˉ pa nae ang suingˉ Aˍgiˉpaˆ veuˉ, buingˍ htaˍ veu hpuiˉ yao piˉ huˍ laˍ jiˍ hingˉ ceuˉ na ga ba naˍ yuˉ naeˉ baˍ aˍ.

Naiˍ htangˍ 3:19

Haeˉ mae yao, Hpaˍcaoˍ nawng beu naˍ hokˍ hingˍ na poiˉ lawtˍ laˍ taw naeˉ uiˉ saˍ laiˍ, naˍ hokˍ na kuitˆ puiˉ laeˍ yao nuing ba penˉ laeˍ bao.

Naiˍ htangˍ 9:15

Caˇ, Ang suingˉ Yeˍsuˆ yang na ha biˍ jiˍ yang, Aeˉ bao, aˉ mae yao nae baoˉ vaˍ, changˉ hiˉ maˇ, Changˉ ceuˉ htiˍ baˍ uiˍ kawngˉ nae ang suingˉ mae nuing suiˍ huˍ veu na baˍ upˍ, ga beu ang maengˉ na maˍ yao lae naeˉ uiˉ yaˇ ga cheˉ yuˉ jiˉ mangˉ hpeuˍ naeˍ yaˇ.

Naiˍ htangˍ 9:35

Luˆdaˆ vengˍ nae Saˍronˍ ang meungˉ hkaoˉ veu ca naeˉ uiˉ changˉ hkaˉ hko laˉ hko pyo laˉ jiˉ changˉ hiˉ mangˉ na ya myangˉ yao, Ang suingˉ Yeˍsuˆ na yumˉ laˉ laeˍ jiˍ.