Naiˍ htangˍ 26:18 - Pyen

¹⁸ Yawng mi nuing myangˉ laˉ yao, vuingˉ vangˉ naeˉ na paek taw saˍ yao, ang chit veu laˉ naeˉ yaˇ. Ningˉ htaˍ veu muiˉ, Saˍtanˍ beu laˍ htiˍ hingˍ na paek taw saˍ yao Hpaˍcaoˍ kawngˉ laˉ naeˉ yaˇ. Hingˉ pa nae yao yawng naˍ hokˍ poiˉ naeˉ na muiˉ ya yao ga na yumˉ laˍ naeˍ hkaoˉ veu seungˍ laˍ sangˉ laˉ jiˍ changˉ uiˉ kawngˉ htuˍ yaˍ laˉ mae ya ca naeˉ yaˇ.

Naiˍ htangˍ 26:18 ပူးပေါင်းရင်းမြစ်များ

Naiˍ htangˍ 2:38

Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Naiˍ htangˍ 3:19

Haeˉ mae yao, Hpaˍcaoˍ nawng beu naˍ hokˍ hingˍ na poiˉ lawtˍ laˍ taw naeˉ uiˉ saˍ laiˍ, naˍ hokˍ na kuitˆ puiˉ laeˍ yao nuing ba penˉ laeˍ bao.

Naiˍ htangˍ 5:31

Iˉsaˍreˍlaˆ changˉ uiˉ naˍ hokˍ na kuitˆ puiˉ laeˍ yao, naˍ hokˍ poiˉ taw naeˉ uiˉ saˍ laiˍ, Hpaˍcaoˍ nawˍ yawng na up peungˍ naeˍ mangˉ hpeuˍ yao, htaiˍ awkˍ naeˍ mangˉ hpeuˍ biˍ naeˍ, yang beu laˍ maˍ kaˍ seu yang na chiˍ ta laeˍ saˍ biˍ byaˇ.

Naiˍ htangˍ 10:43

Yang na hkaˉ yumˉ naeˉ uiˉ changˉ hkaˉ hko laˉ hko, yang beu ang maengˉ pa nae, naˍ hokˍ poiˉ naeˉ na ya naeˉ yaˇ nae Hpaˍcaoˍ beu pa rawˉ hpaet hkaˉ hko laˉ hko uiˉ yang awˍ lawng na sak seˍ hkamˉ yao chiˉ jiˉ nae, Peˍtruˆ ciˍ sangˍ jiˍ.

Naiˍ htangˍ 13:47

Aˉ mae yao nae baoˉ vaˍ, Lok ningˉ cawtˍ beu tiˍ hkeu nang paˉ nae htaiˍ awkˍ naeˍ uiˉ na ya naeˉ uiˉ saˍ laiˍ, Changˉ ceuˉ htiˍ baˍ uiˍ saˍ laiˍ ang chit hpeuˍ naeˍ uiˉ ga nang na chiˉ laiˍ yaˇ nae. Ang suingˉ Hpaˍcaoˍ gaˉ yetˍ na ningˉ mae ciˍ tangˍ piˍ laˍ jiˍ yaˇ nae Pawˉluˆ ha biˍ jiˍ.

Naiˍ htangˍ 15:9

Hpaˍcaoˍ nawˍ yawng na nae gu na baˍ piˍ peungˍ lang laˍ. Yumˉ naeˉ pa nae, yawng na naˍ hokˍ poiˉ nga biˍ yao yawng beu nuing ba na muiˉ yang piˉ seungˍ piˉ sangˉ nga laˉ byaˇ.

Naiˍ htangˍ 20:21

Hpaˍcaoˍ tawngˍ na veu naˍ hokˍ na kuitˆ puiˉ laeˍ na baˍ upˍ, gu beu Yeˍsuˆ Hkritˆ na yumˉ naeˉ na baˍ upˍ, Yuˉdaˆ changˉ nae Changˉ ceuˉ htiˍ baˍ uiˍ na ga saˉ hkiˉ hkamˉ peunˉ jiˉ awˍ lawng na muiˉ nawng bae byaˇ.

Naiˍ htangˍ 20:32

Gaˇ, ya muiˉ nawng na Hpaˍcaoˍ beu laˍ puˍ hkaoˍ veu nae yang beu ang buinˉ huiˍ naeˍ tangˍ hkaoˍ veu ap laˍ naeˍ yaˇ. Ang buinˉ huiˍ naeˍ ang tangˍ hingˍ nga, nawng na huiˍ laˉ mawng laˉ laˍ hkiˍ yao, seungˍ sangˉ ngangˉ laˉ jiˉ changˉ uiˉ kawngˉ htuˍ yaˍ laˉ mae nawng na ca kyaˉ piˍ laˍ hkiˍ naeˍ yaˇ.

Naiˍ htangˍ 26:19

Hingˉ pa nae ang suingˉ Aˍgiˉpaˆ veuˉ, buingˍ htaˍ veu hpuiˉ yao piˉ huˍ laˍ jiˍ hingˉ ceuˉ na ga ba naˍ yuˉ naeˉ baˍ aˍ.

Naiˍ htangˍ 26:23

Yawng ciˍ naeˍ hingˉ, Hkrit maˇ ya tuk ya hpan yao, siˉ jiˉ hkaoˉ veu yaˇ kaˉ huˍ veu teˍ laˉ laeˍ naeˍ pa nae, Yuˉdaˆ changˉ uiˉ Changˉ ceuˉ htiˍ baˍ uiˍ na ang chit pa naeˉ awˍ lawng maˍ biˍ upˍ biˍ naeˍ yaˇ nae Pawˉluˆ ciˍ jiˍ.