Naiˍ htangˍ 26:17 - Pyen

¹⁷ Yuˉdaˆ changˉ uiˉ nae Changˉ ceuˉ htiˍ baˍ uiˍ mi nuing ya myangˉ laˉ naeˉ uiˉ saˍ laiˍ, Yuˉdaˆ changˉ uiˉ kawngˉ ga nang na piˉ aeˉ laˍ yao, yawng beu laˍ puˍ hkaoˍ veu nang na piˉ caeˉ laˍ naeˍ yaˇ.

Naiˍ htangˍ 26:17 ပူးပေါင်းရင်းမြစ်များ

Naiˍ htangˍ 13:50

Caˇ, Yuˉdaˆ changˉ uiˉ aˍ, Hpaˍcaoˍ na saˍ nyamˉ naeˉ uiˉ laˍ htiˍ ang ca uiˉ hkaˍ ba yaˍ htiˍ baˍ uiˍ nae, vengˍ hingˍ hkaoˉ veu ca naeˉ awn hoˉ htiˍ baˍ uiˍ na htuing nga biˍ jiˍ. Pawˉluˆ nae Baˍnaˍbaˆ na hkanˍ yaˍ chuiˍ yaˍ naeˍ na yawng ya caeˉ vaˍ yao, yaˉ yetˍ na ang meungˉ hingˉ naiˍ hkaoˍ veu hkeˍ taw jiˉ.

Naiˍ htangˍ 16:39

Yawng yaˉ yetˍ kawngˉ laˉ yao, yawng beu ang si hingˉ uiˉ poiˉ a lao nae paˉ jiˉ. Haeˉ mae yao, yaˉ yetˍ na yuˉ awkˍ luiˍ yao, vengˍ hingˍ hkaoˉ veu awkˍ taw aengˉ voˍ nae paˉ jiˉ.

Naiˍ htangˍ 17:10

Yumˉ naeˉ saˉ naeˉ changˉ uiˉ muiˉ, Pawˉluˆ nae Siˍlaˆ yaˉ yetˍ na Beˍriˆ vengˍ veu muˍ hkiˍ beu piˉ aeˉ jiˉ. Yaˉ yetˍ hiˉ keung veu hkeu aeˉ beu, Yuˉdaˆ changˉ ceuˉ hpawm lang kyaˉ veu awngˉ aeˉ jiˉ.

Naiˍ htangˍ 17:14

Haeˉ mae beu, yumˉ naeˉ saˉ naeˉ uiˉ changˉ ngaˍ, Pawˉluˆ na chaˍ maeˍ langˍ ba veu tiˍ hkeu ang vaiˍ nae piˉ lae jiˉ. Caˇ, Siˍlaˆ nae Tiˉmoˉseˍ yaˉ yetˍ na hiˉ keung veu ca saˍ biˍ jiˍ.

Naiˍ htangˍ 18:10

Ga nang kawngˉ ang ca yaˇ. Nang na tiˍ daˍ la naeˍ uiˉ changˉ baˍ saˍ baˍ nyamˍ nae ha laˍ naeˍ uiˉ baˍ aˍ. Aˉ mae yao nae baoˉ vaˍ, vengˍ ningˍ hkaoˉ veu ga beu changˉ ang byaˍ ang ca yaˇ nae, yang na ha biˍ jiˍ.

Naiˍ htangˍ 25:3

Yawng ciˍ jiˍ, Ang buinˉ na cuˉ yao, Pawˉluˆ na Yeˍruˆsaˍlaemˍ vengˍ veu iˉ yaˍ sa luiˍ lao nae, ang suingˉ Hpeˍtuˆ na paˉ jiˉ. Aˉ mae yao nae baoˉ vaˍ, kaˉ ba veu yawng caw yao Pawˉluˆ na saeˍ lang naeˉ nae yawng kuitˆ yao chiˉ jiˉ.

Naiˍ htangˍ 28:28

Hingˉ pa nae, Hpaˍcaoˍ beu htaiˍ awkˍ naeˍ hingˉ Changˉ ceuˉ htiˍ baˍ uiˍ na yang biˍ yao, yawng ang naˉ yaˇ nae nawng bae bu nae, Pawˉluˆ ha biˍ jiˍ.

Naiˍ htangˍ 9:15

Caˇ, Ang suingˉ Yeˍsuˆ yang na ha biˍ jiˍ yang, Aeˉ bao, aˉ mae yao nae baoˉ vaˍ, changˉ hiˉ maˇ, Changˉ ceuˉ htiˍ baˍ uiˍ kawngˉ nae ang suingˉ mae nuing suiˍ huˍ veu na baˍ upˍ, ga beu ang maengˉ na maˍ yao lae naeˉ uiˉ yaˇ ga cheˉ yuˉ jiˉ mangˉ hpeuˍ naeˍ yaˇ.