Naiˍ htangˍ 26:13 - Pyen

¹³ Kaˉ ba veu nuing kawngˉ kawngˉ yuing ngang beu, buingˍ htaˍ veu miˍ nuing ta chae nae haengˍ naeˍ ang chit yangˍ, ga nae ga kawngˉ htuˍ yaˍ laˉ mae aeˉ jiˉ changˉ uiˉ na cawtˍ htawngˉ nga laˍ naeˍ na ga ya myangˉ ngaeˉ.

Naiˍ htangˍ 26:13 ပူးပေါင်းရင်းမြစ်များ

Naiˍ htangˍ 22:6

Ga aeˉ yao Daˍmaˍsaetˆ vengˍ htang veu hkeu aeˉ beu, nuing kawngˉ kawngˉ yuing hingˉ nyamˍ veu, buingˍ htaˍ veu ang chit ang haenˍ uiˍ tiˍ chitˍ nae ga na ang chit hingˉ htawngˉ laˍ ngaeˉ.

Naiˍ htangˍ 22:9

Ga kawngˉ aeˉ yao ca jiˉ uiˉ changˉ ngaˍ, ang chit hingˉ na ya myangˉ yao muiˉ, ga na hkaˍ muˍ hkai laˍ naeˍ na yawng ngaˍ baˍ ya kyaˍ.

Naiˍ htangˍ 26:12

Hkunˉ hawˉ hkamˉ veuˉ, ga ningˉ mae vaˍ yao ca naeˉ hkaoˉ veu, Yit pa rawˉ hek ang huiˍ uiˍ ga na kanˉ ningˉ ap nga laˍ yao aˉ hkvangˍ piˍ laˍ jiˍ pa nae, ga Daˍmaˍsaetˆ vengˍ veu lae yaeˉ.

Naiˍ htangˍ 26:14

Gu hkaˉ hko laˉ hko nuingˉ chaˍ htaˍ veu heung nga aengˉ beu, Heˍbraeˉ tangˍ ciˍ yao ningˉ mae ha laˍ naeˍ ang tangˍ na ga ya kyaˍ yaeˍ. Sawˉluˆ veuˉ, Sawˉluˆ veuˉ, baˍ ceuˉ ha yao ga na hkanˍ yaˍ chuiˍ yaˍ laˍ naeˇ. Aˍ myangˍ na chuik naeˉ tamˉ hpeˍ hingˍ na nang htaek baoˉ vaˍ, nang naˇ ya daˉ naeˉ nae ha laˍ ngaeˉ.

Naiˍ htangˍ 9:3

Yang Daˍmaˍsaetˆ vengˍ veu aeˉ beu, vengˍ htang veu hkeu aeˉ yao, buingˍ htaˍ veu ang chit yangˍ yang na tiˍ chitˍ nae htawngˉ luiˍ biˍ jiˍ.