Naiˍ htangˍ 26:11 - Pyen

¹¹ Yuˉdaˆ changˉ ceuˉ hpawm lang kyaˉ uiˉ hkaoˉ veu ga yawng na ang byaˍ cangˍ ciˍ yangˍ yao, yawng beu Hpaˍcaoˍ na baˍ saˍ baˍ nyamˍ nae ciˍ taw luiˍ naeˍ uiˉ saˍ laiˍ ga ya caeˉ vaˍ saiˍ. Nuing ba inˍ naeˍ hkaoˉ veu, hao meungˉ hao manˉ uiˉ beu vengˍ veu tiˍ hkeu ga yawng na hkanˍ yaˍ chuiˍ yaˍ yaeˍ.

Naiˍ htangˍ 26:11 ပူးပေါင်းရင်းမြစ်များ

Naiˍ htangˍ 13:45

Caˇ, Yuˉdaˆ changˉ uiˉ aˍ, changˉ ang muˉ uiˉ na myangˉ nga beu, hkoiˉ naeˉ uiˉ nuing ba htiˍ puing ca jiˉ. Pawˉluˆ ciˍ jiˍ hingˉ na yawng buingˉ haoˉ yao, yang na baˍ saˍ baˍ nyamˍ maˍ manˉ nae ciˍ jiˍ.

Naiˍ htangˍ 18:6

Yawng ngaˍ, yang na haenˉ tap yao haiˉ naeˉ uiˉ tangˍ ciˍ beu, Pawˉluˆ yang beu hkaˍ lao hingˉ na kyangˍ nga laeˍ yao ciˍ jiˍ, nawng beu ang si hingˉ nawng ang tuˍ htaˍ veu hkeu lui bu. Ga htaˍ veu baˍ ca laˇ. Miˉ nuing htaˍ veu gaˇ Changˉ ceuˉ htiˍ baˍ uiˍ kawngˉ aengˉ naˇ nae, ha biˍ jiˍ.

Naiˍ htangˍ 22:19

Haeˉ mae beu, ga ha laeˍ biˍ yaeˍ, Ang suingˉ veuˉ, nang na yumˉ naeˉ uiˉ changˉ uiˉ na ga htawngˉ hkaoˉ veu kan na yao, Yuˉdaˆ changˉ ceuˉ hpawm lang kyaˉ cu kyaˉ uiˉ beu, ga yawng na tuiˍ jiˍ awˍ lawng yawng ang bae yaˇ.

Naiˍ htangˍ 22:5

Yit pa rawˉ hek ang kaeˍ nae Yuˉdaˆ awn hoˉ uiˉ muiˉ ga saˍ laiˍ saˉ hkiˉ hkamˉ yao ang kaˍ yaˇ. Yawng kawngˉ Daˍmaˍsaetˆ vengˍ veu ca naeˉ Yuˉdaˆ changˉ uiˉ na hpui naeˉ uiˉ saˍ laiˍ ga ang laiˍ hap yuˉ byaˇ. Ang laiˍ hingˍ uiˉ aˍ, Yeˍruˆsaˍlaemˍ vengˍ veu ca naeˉ yumˉ naeˉ uiˉ changˉ na hpui yao ciˍ yangˍ biˍ yao ang kaˍ yaˇ.

Naiˍ htangˍ 9:1

Haeˉ mae beu, Sawˉluˆ nawˍ Ang suingˉ Yeˍsuˆ beu ta peˍ uiˍ na saeˍ naeˍ hingˉ naeˍ naˇ ciˍ yao, kaˍ yuˉ taw laeˍ yao hawkˆ nga cangˉ naeˉ.