Naiˍ htangˍ 24:5 - Pyen

⁵ Changˉ niˇ maˇ ang haiˉ uiˉ changˉ hpeuˍ yao, nuingˉ chaˍ htaˍ veu cawtˍ Yuˉdaˆ changˉ uiˉ hkaˉ hko laˉ hko hpap laˉ naeˉ uiˉ saˍ laiˍ htuing biˍ naeˍ mangˉ yaˇ. Hao na hpakˍ nga aengˉ jiˉ Naˍzaˍraet ang muˉ hkaoˉ veu muiˉ, yaˇ awn hoˉ htiˍ hu mangˉ yaˇ.

Naiˍ htangˍ 24:5 ပူးပေါင်းရင်းမြစ်များ

Naiˍ htangˍ 15:5

Caˇ, Hpaˍriˆsaeˉ ang muˉ hkaoˉ veu Yeˍsuˆ na yumˉ naeˉ changˉ htiˍ baˍ uiˍ hta laˉ yao ciˍ jiˍ yang, Changˉ ceuˉ htiˍ baˍ uiˍ na ang hkaw haen na biˍ yao, Moˉseˍ beu ang liˍ ang kawngˍ laˍ mae ya ha naeˉ uiˉ saˍ laiˍ ang tangˍ ya piˍ naeˍ nae ha biˍ jiˍ.

Naiˍ htangˍ 21:28

Iˉsaˍreˍlaˆ changˉ htiˍ baˍ yawng veuˉ, pawngˍ lui laˍ bao. Changˉ niˇ maˇ, gu changˉ ceuˉ uiˉ na baˍ upˍ, ang liˍ ang kawngˍ na baˍ upˍ, ca kyaˉ ningˉ na baˍ upˍ, ningˉ uiˉ na hu buinˉ naeˉ uiˉ saˍ laiˍ aˉ keung veu ca naeˉ changˉ uiˉ na maˍ biˍ naeˍ mangˉ changˉ htiˍ hu yaˇ. Ningˉ htaˍ veu muiˉ yang Changˉ ceuˉ htiˍ baˍ uiˍ na ang buinˉ paˉ kyaˉ cawngˉ ang huiˍ veu suiˍ langˉ yao, ang seungˍ sangˉ ningˉ na chaˍ kaeˍ kyaˍ taeng nga byaˇ nae ha biˍ jiˍ.

Naiˍ htangˍ 22:22

Ciˍ tangˍ ningˍ veu tiˍ hkeu yawng yang beu tangˍ na kyapˆ nae ca yao naˉ jiˉ. Haeˉ mae beu, yawng ang tangˍ kaˍ haengˍ nae ciˍ yao haoˉ jiˉ. Niˉ mae uiˉ changˉ na nuingˉ chaˍ htaˍ nawˆ paek taw bao. Yang teˍ yaˍ yao baˍ kuingˍ nae yawng ciˍ jiˍ.

Naiˍ htangˍ 24:14

Caˇ, gaˇ nang na ningˉ mae pawngˉ hkai maen laˍ naˇ. Hao na hpakˍ yao aengˉ jiˉ ang muˉ nae yawng ciˍ naeˍ kaˉ ba ang liˍ ningˍ keung gaˇ gu beu aˉ hpiˍ a puˉ uiˉ beu Hpaˍcaoˍ na koˉ koiˍ naeˍ yaˇ. Kaˉ ba ang liˍ ang kawngˍ ang laiˍ nae pa rawˉ hpaet uiˉ beu ang laiˍ hkaoˍ veu hkaˍ taemˉ jiˉ uiˉ ang laiˍ na ga ang yumˉ yaˇ.

Naiˍ htangˍ 24:4

Caˇ, ga nang na ang mangˍ nae baˍ ya suk sak laˍ hkiˍ naeˍ uiˉ saˍ laiˍ, otˆ yao gu hkai laˍ siˍ naeˉ ang tangˍ htiˍ htaeˍ nyiˍ htaeˍ hingˍ na iˉ yaˍ naˉ laˍ beun voˍ nae ga nang na paˉ laˍ naeˍ yaˇ.

Naiˍ htangˍ 25:7

Pawˉluˆ hkeu lui beu, Yeˍruˆsaˍlaemˍ vengˍ veu ca yao lui jiˉ Yuˉdaˆ changˉ htiˍ baˍ uiˉ, yang na cung cawtˍ biˍ yao, yawng saˉ hkiˉ baˍ piˍ hu taw yao muiˉ, huiˍ sutˆ nae uiˉ naˍ hokˍ yang htaˍ veu chiˉ jiˉ.

Naiˍ htangˍ 26:5

Tawngˍ hpanˍ ngang beu nae yawng ga beu lawng na ang bae nae yao, gu beu koˉ koiˍ naeˍ ang liˍ hkaoˍ veu Hpaˍriˆsaeˉ nae maengˉ jiˉ ang liˍ ang haenˍ na caiˍ naeˍ htiˍ muˍ na ga chaˍ lang naeˉ nae yawng saˉ hkiˉ hkamˉ siˉ baoˉ vaˍ, ang kaˍ yaˇ.

Naiˍ htangˍ 28:22

Caˇ, aˉ keung veu muiˉ ca naeˉ uiˉ changˉ yawng ngaˍ, hao na hpakˍ nga aengˉ jiˉ changˉ ang muˉ hingˉ na naˍ hokˍ chiˉ naeˉ awˍ lawng gu ya bae yao, nang kuitˆ yao chiˉ jiˉ hingˉ nang hkai laˍ naeˍ na gu kyaˍ siˍ naeˉ yaˇ nae hkai laeˍ biˍ jiˍ.

Naiˍ htangˍ 5:17

Haeˉ mae beu, yit pa rawˉ hek ang kaeˍ nae yawng beu Saˍduˆkaeˉ changˉ ang muˉ hkaoˉ veu ca naeˉ uiˉ changˉ hkoiˉ naeˉ uiˉ nuing ba nae,

Naiˍ htangˍ 6:13

Yawng ngaˍ, tiˍ keˍ keˍ yao sak seˍ hkamˉ naeˉ uiˉ changˉ htiˍ ba na haoˉ yao chiˉ lang jiˉ. Sak seˍ hkamˉ naeˉ uiˉ changˉ uiˉ, Changˉ niˉ maˇ cawngˉ ang huiˍ ang seungˍ sangˉ na nae ang liˍ ang kawngˍ na muiˉ baˍ saˍ baˍ nyamˍ nae ciˍ yao ca naeˉ nae ha biˍ jiˍ.