Naiˍ htangˍ 24:14 - Pyen

¹⁴ Caˇ, gaˇ nang na ningˉ mae pawngˉ hkai maen laˍ naˇ. Hao na hpakˍ yao aengˉ jiˉ ang muˉ nae yawng ciˍ naeˍ kaˉ ba ang liˍ ningˍ keung gaˇ gu beu aˉ hpiˍ a puˉ uiˉ beu Hpaˍcaoˍ na koˉ koiˍ naeˍ yaˇ. Kaˉ ba ang liˍ ang kawngˍ ang laiˍ nae pa rawˉ hpaet uiˉ beu ang laiˍ hkaoˍ veu hkaˍ taemˉ jiˉ uiˉ ang laiˍ na ga ang yumˉ yaˇ.

Naiˍ htangˍ 24:14 ပူးပေါင်းရင်းမြစ်များ

Naiˍ htangˍ 10:43

Yang na hkaˉ yumˉ naeˉ uiˉ changˉ hkaˉ hko laˉ hko, yang beu ang maengˉ pa nae, naˍ hokˍ poiˉ naeˉ na ya naeˉ yaˇ nae Hpaˍcaoˍ beu pa rawˉ hpaet hkaˉ hko laˉ hko uiˉ yang awˍ lawng na sak seˍ hkamˉ yao chiˉ jiˉ nae, Peˍtruˆ ciˍ sangˍ jiˍ.

Naiˍ htangˍ 13:15

Ang liˍ ang kawngˍ ang laiˍ hingˍ nae pa rawˉ hpaet uiˉ beu ang laiˍ hingˍ hao hpatˆ peunˉ yao, Yuˉdaˆ changˉ ceuˉ hpawm lang kyaˉ veu ang kaeˍ htiˍ baˍ uiˍ, yaˉ yetˍ kawngˉ changˉ piˉ lae yao, yaˍ changˍ mawngˉ namˉ htiˍ baˍ yawng veuˉ, changˉ ningˉ uiˉ na kaˍ piˍ seuˍ ang tangˍ ang ca nae baoˇ piˍ htaengˍ vo nae ha biˍ jiˍ.

Naiˍ htangˍ 15:5

Caˇ, Hpaˍriˆsaeˉ ang muˉ hkaoˉ veu Yeˍsuˆ na yumˉ naeˉ changˉ htiˍ baˍ uiˍ hta laˉ yao ciˍ jiˍ yang, Changˉ ceuˉ htiˍ baˍ uiˍ na ang hkaw haen na biˍ yao, Moˉseˍ beu ang liˍ ang kawngˍ laˍ mae ya ha naeˉ uiˉ saˍ laiˍ ang tangˍ ya piˍ naeˍ nae ha biˍ jiˍ.

Naiˍ htangˍ 19:23

Ang nyamˍ hingˍ hkaoˉ veu Ang suingˉ beu ang liˍ ang kawngˍ hingˍ pa nae Eˉfeˉsuˆ vengˍ hkaoˍ veu suk sak naeˉ uiˉ ang byaˍ taw laˉ jiˉ.

Naiˍ htangˍ 19:9

Caˇ, yawng hkaoˉ veu changˉ htiˍ baˍ baˍ nuing ba kaenˍ hka yao baˍ yumˍ. Yawng changˉ ningˉ mawk veu mae kaˍ huˍ veu Kaˉ ba ang liˍ ang kawngˍ lawng hingˉ na baˍ saˍ baˍ nyamˍ nae ciˍ jiˍ. Haeˉ mae beu, yang yawng kawngˉ awkˍ taw aengˉ yao, ta peˍ uiˍ na suiˍ yao Tuˆraˍnuˆ beu cawngˉ hkaoˉ veu cu nuing sing cat lang ga jiˉ.

Naiˍ htangˍ 22:14

Haeˉ mae beu, yang ciˍ jiˍ, Naˇ Hpaˍcaoˍ beu a loˍ na ya bae naeˍ uiˉ saˍ laiˍ na baˍ upˍ, sui naeˉ pawng naeˉ mangˉ htiˍ hu na ya myangˉ naeˉ na baˍ upˍ, yang beu miˍ tuˍ hkaoˉ veu ciˍ taw luiˍ nae ang tangˍ na ya kyaˍ naeˍ na baˍ upˍ, gu beu ang hpiˍ ang puˉ uiˉ beu Hpaˍcaoˍ nawˍ nang na cheˉ yuˉ laˍ byaˇ.

Naiˍ htangˍ 24:22

Ang suingˉ Hpeˍliˆ nawˍ, Kaˉ ba ang liˍ na ang bae nae pa, yang ang nyamˍ hingˍ na sat nga biˍ yao ciˍ jiˍ, Yinˍ cangˉ longˉ Luˆsiˆ hkeu lui beu, nawng awˍ lawng hingˉ ga tatˆ chae laˍ vaˍ nae, yawng na ha biˍ jiˍ.

Naiˍ htangˍ 24:5

Changˉ niˇ maˇ ang haiˉ uiˉ changˉ hpeuˍ yao, nuingˉ chaˍ htaˍ veu cawtˍ Yuˉdaˆ changˉ uiˉ hkaˉ hko laˉ hko hpap laˉ naeˉ uiˉ saˍ laiˍ htuing biˍ naeˍ mangˉ yaˇ. Hao na hpakˍ nga aengˉ jiˉ Naˍzaˍraet ang muˉ hkaoˉ veu muiˉ, yaˇ awn hoˉ htiˍ hu mangˉ yaˇ.

Naiˍ htangˍ 25:8

Pawˉluˆ yang beu awˍ lawng uiˉ hkaiˍ biˍ yao ciˍ jiˍ, Yuˉdaˆ changˉ uiˉ beu ang liˍ na baˍ up, Ang buinˉ paˉ kyaˍ cawngˉ ang huiˍ na baˍ up, Ang suingˉ kaeˉ saˍ na gaˇ htiˍ ceuˍ nae muiˉ baˍ tiˍ si nae ha biˍ jiˍ.

Naiˍ htangˍ 26:22

Caˇ, miˉ nuing veu tiˍ hkeu Hpaˍcaoˍ pawngˍ laˍ yao ga ningˉ keung veu ya cung yao, changˉ hkawˍ changˉ iˉ hkaˉ hko laˉ hko na saˉ hkiˉ hkamˉ yao ca ngaeˉ. Aˉ mae ya hpeuˍ laˍ naeˉ uiˉ awˍ lawng Hpaˍcaoˍ beu pa rawˉ hpaet uiˉ aˍ Moˉseˍ ciˍ jiˍ hingˉ lawˉ yaˇ ga ciˍ naeˍ.

Naiˍ htangˍ 26:27

Hkunˉ hawˉ hkamˉ Aˍgiˉpaˆ veuˉ, Hpaˍcaoˍ pa rawˉ hpaet beu ang tangˍ na nang yumˉ naeˉ laˍ, nang yumˉ naeˉ nae ga ang bae yaˇ nae ha biˍ jiˍ.

Naiˍ htangˍ 26:4

Kaˉ huˍ veu, ga yaˍ keˍ yaˍ beu nae tangˍ yao, ga beu changˉ ceuˉ hkaoˉ veu na baˍ up, Yeˍruˆsaˍlaemˍ vengˍ veu na baˍ up, ga vaˍ naeˍ ang liˍ ang kawngˍ ningˍ uiˉ na Yuˉdaˆ changˉ uiˉ hkaˉ hko laˉ hko ang bae yaˇ.

Naiˍ htangˍ 26:6

Hpaˍcaoˍ nawˍ gu beu ang hpiˍ ang puˉ uiˉ na piˍ jiˍ saˉ caˉ hingˉ na ga kuitˆ yao ca naeˉ pa, ya muiˉ aˉ muˍ tatˆ naeˉ na ya hkamˉ naeˉ uiˉ saˍ laiˍ, ga ningˉ keung veu cung yao ca gaeˉ yaˇ.

Naiˍ htangˍ 28:22

Caˇ, aˉ keung veu muiˉ ca naeˉ uiˉ changˉ yawng ngaˍ, hao na hpakˍ nga aengˉ jiˉ changˉ ang muˉ hingˉ na naˍ hokˍ chiˉ naeˉ awˍ lawng gu ya bae yao, nang kuitˆ yao chiˉ jiˉ hingˉ nang hkai laˍ naeˍ na gu kyaˍ siˍ naeˉ yaˇ nae hkai laeˍ biˍ jiˍ.

Naiˍ htangˍ 28:23

Haeˉ mae yao, yawng nuing hpat lang ga jiˉ. Hpat lang ga jiˉ nuing hkeu laˉ yao, Pawˉluˆ ca naeˉ hingˉ keung veu changˉ ang byaˍ laˉ chawnˉ hko jiˉ. Haeˉ mae beu, yaˇ saw hta beu tangˍ yao muˍ hkiˍ beu tiˍ hkeu Hpaˍcaoˍ beu ang meungˉ awˍ lawng saˉ hkiˉ hkamˉ yao, yawng Yeˍsuˆ na yumˉ laˉ naeˉ uiˉ saˍ laiˍ Moˉseˍ beu ang liˍ ang kawngˍ hingˍ nae pa rawˉ hpaet uiˉ beu ang laiˍ na cuˉ yao, yawng na maˍ biˍ jiˍ.

Naiˍ htangˍ 3:13

Aˍbraˍhamˍ, Iˉcak, Yaˍkok yawng beu Hpaˍcaoˍ gu ang hpiˍ puˉ uiˉ beu Hpaˍcaoˍ nawˍ yang beu yaˍ cenˍ Yeˍsuˆ mangˉ na laˍ htiˍ tanˉ hkoˉ piˉ taw laˉ byaˇ. Ang suingˉ hiˉ mangˉ na nawng ngaˍ ang suingˉ Piˉlatˆ laˍ puˍ hkaoˍ veu ap yao ang suingˉ hiˉ maˇ poiˉ awkˍ laeˍ naeˍ nae kuitˆ yao muiˉ nawng ngaˍ Piˉlatˆ mae kaˍ huˍ veu yang na paek taw saˍ byaˇ.

Naiˍ htangˍ 5:30

Gu beu ang hpiˍ ang puˉ uiˉ beu Hpaˍcaoˍ nawˍ, nawng laˍ kang htaˍ veu htaˍ kap yao siˉ jiˉ Yeˍsuˆ na muiˉ piˉ teˍ laˉ laeˍ byaˇ.

Naiˍ htangˍ 7:32

Ang suingˉ Hpaˍcaoˍ beu ang tangˍ taw laˉ yao, Gaˇ nawng ang puˉ uiˉ beu Hpaˍcaoˍ, Aˍbraˍhamˍ, Iˉcak, Yaˍkok yawng beu Hpaˍcaoˍ mangˍ yaˇ nae ha biˍ jiˍ. Haeˉ mae beu Moˉseˍ hkae did did yao, ba hu laeˍ caw nae ca jiˉ.

Naiˍ htangˍ 9:2

Yang yit pa rawˉ hek ang kaeˍ kawngˉ ang liˍ paˉ lae jiˉ. Nae yao, Daˍmaˍsaetˆ vengˍ veu ca naeˉ hpawm lang kyaˉ htiˍ baˍ uiˍ na piˍ seuˍ saˍ laiˍ ang laiˍ paˉ jiˉ. Yang ba ceuˉ ha yao ningˉ mae ha naeˉ nae baoˉ vaˍ, Ang suingˉ Yeˍsuˆ beu Kaˉ ba ang liˍ ningˍ na awngˉ lae jiˉ uiˉ, kaˍ hpaˍ yaˍ na baˍ upˍ hka ba yaˍ na baˍ upˍ, hkaˉ myangˉ naeˉ uiˉ changˉ na yang hpui yao, Yeˍruˆsaˍlaemˍ vengˍ veu ya suiˍ laˉ naeˉ uiˉ saˍ laiˍ yaˇ.