Naiˍ htangˍ 24:11 - Pyen

¹¹ Ang tuˍ mawt naeˉ uiˉ saˍ laiˍ ga Yeˍruˆsaˍlaemˍ vengˍ veu lae yao, htiˍ cheˍ nyiˍ nuing htaˍ veu baˍ hkeungˉ suing nae na nang ang ya bae yaˇ.

Naiˍ htangˍ 24:11 ပူးပေါင်းရင်းမြစ်များ

Naiˍ htangˍ 21:18

Kaˉ nawngˍ veu htiˍ nuing hingˉ ngang beu, Pawˉluˆ nawˍ gu kawngˉ htuˍ yaˍ lawˉ, Yaˍkok kawngˉ lae yao, awn hoˉ yaˍ mangˍ uiˍ hkaˉ hko laˉ hko muiˉ hpawm lang yao ca jiˉ.

Naiˍ htangˍ 22:30

Nawngˍ cangˍ nuing hingˉ ngang beu, Yuˉdaˆ changˉ uiˉ Pawˉluˆ htaˍ veu naˍ hokˍ chiˉ jiˉ na maenˍ nae ya bae naeˉ uiˉ saˍ laiˍ, yinˍ cangˉ longˉ mangˉ, Pawˉluˆ na hpui jiˉ hingˉ hpuiˉ taw biˍ yao, yit pa rawˉ hek ang huiˍ nae Yuˉdaˆ awn hoˉ ang muˉ uiˍ na haoˉ chawnˉ lang biˍ yao, Pawˉluˆ na suiˍ aengˉ yao, yawng kawngˉ nuingˉ veu chiˉ jiˉ.

Naiˍ htangˍ 23:11

Hingˉ hkiˍ aˍ, Ang suingˉ Hpaˍcaoˍ Pawˉluˆ htang veu cung nga yao ciˍ jiˍ, Nuing ba baˍ kangˍ jo. Yeˍruˆsaˍlaemˍ vengˍ hkaoˍ veu ga beu awˍ lawng nang saˉ hkiˉ ya hkamˉ naeˉ lawˉ Roˉmaˆ vengˍ veu muiˉ saˉ hkiˉ ya hkamˉ naeˉ nae yang na ha biˍ jiˍ.

Naiˍ htangˍ 23:23

Haeˉ mae beu, cong veoˉ longˉ maˇ, luk suikˆ yinˍ cangˉ nyiˍ hu yaˉ yetˍ na hao nga biˍ yao, Miˉ hkiˍ kaoˍ naˍ riˍ veu Kaeˉsaˍriˆ vengˍ veu aeˉ naeˉ uiˉ saˍ laiˍ, ang hkuing hanˉ naeˉ uiˉ luk suitˆ nyiˍ pakˍ hu, aˍ mawngˍ ta naeˉ uiˉ luk suitˆ cetˍ cheˍ hu nae, keungˍ paˍ naeˍ uiˉ luk suitˆ nyiˍ pakˍ hu haenˍ htaˍ yao ca voˍ.

Naiˍ htangˍ 24:1

Hingˉ nawngˍ veu ngaˍ nuing hkeungˉ yao, yit pa rawˉ hek ang kaeˍ Aˍnaˍniˆ kawngˉ awn hoˉ yaˍ mangˍ htiˍ baˍ uiˍ, Teˍraˍtuˆluˆ nae maengˉ jiˉ ciˍ tangˍ ang hkiˍ nae mangˉ htiˍ hu kawngˉ hiˉ keung veu laˉ jiˉ. Yawng ngaˍ ang meungˉ kaˉ seu ang suingˉ ang huiˍ mangˍ tawngˍ naˍ veu Pawˉluˆ na, naˍ hokˍ chiˉ yao yang beu awˍ lawng hingˉ hkai biˍ jiˍ.

Naiˍ htangˍ 24:17

Ang pi iˉ yaˍ mangˍ nae caeˉ langˉ yao, ga beu changˉ ceuˍ ang saˍ ang baeˍ na pawngˍ naeˍ uiˉ htiˍ baˍ nae, Hpaˍcaoˍ na tanˍ seuˍ uiˍ ga hanˉ yao langˉ byaˇ.