Naiˍ htangˍ 24:1 - Pyen

¹ Hingˉ nawngˍ veu ngaˍ nuing hkeungˉ yao, yit pa rawˉ hek ang kaeˍ Aˍnaˍniˆ kawngˉ awn hoˉ yaˍ mangˍ htiˍ baˍ uiˍ, Teˍraˍtuˆluˆ nae maengˉ jiˉ ciˍ tangˍ ang hkiˍ nae mangˉ htiˍ hu kawngˉ hiˉ keung veu laˉ jiˉ. Yawng ngaˍ ang meungˉ kaˉ seu ang suingˉ ang huiˍ mangˍ tawngˍ naˍ veu Pawˉluˆ na, naˍ hokˍ chiˉ yao yang beu awˍ lawng hingˉ hkai biˍ jiˍ.

Naiˍ htangˍ 24:1 ပူးပေါင်းရင်းမြစ်များ

Naiˍ htangˍ 12:21

Ang suingˉ Heˍrot mangˉ muiˉ hpat yao chiˉ jiˉ nuing veu hkeu yao, ang suingˉ mangˉ beu ang kaˍ tum hingˉ na tum nga laeˍ yao, paˍ langˍ veu duingˉ yao yawng na maˍ biˍ jiˍ.

Naiˍ htangˍ 21:27

Cetˍ nuing hingˉ saˉ puing laˉ beu, Aˍsiˆ ang meungˉ veu laˉ jiˉ Yuˉdaˆ changˉ htiˍ baˍ uiˉ aˍ, Pawˉluˆ na ang buinˉ paˉ kyaˉ cawngˉ ang huiˍ hkaoˍ veu ya myangˉ yao, changˉ ang muˉ uiˉ na htuing lae biˍ jiˍ. Haeˉ mae beu, yawng Pawˉluˆ na hpui peunˉ yao haoˉ yao ciˍ jiˍ yang,

Naiˍ htangˍ 23:2

Haeˉ mae beu, yit pa lawˍ hek ang kaeˍ Aˍnaˍniˆ maˇ, Yang miˍ tu veu htak nga laeˍ bu nae, Pawˉluˆ htang veu cung yao ca naeˉ uiˉ na ha biˍ jiˍ.

Naiˍ htangˍ 23:24

Ningˉ htaˍ veu muiˉ, Pawˉluˆ ta naeˍ aˍ mawngˍ htiˍ baˍ uiˍ na maenˍ nae haenˍ hangˉ yao, ang meungˉ ang suingˉ huiˍ Hpeˍliˆ kawngˉ yawng na maenˍ na sa aeˉ voˍ nae, yaˉ yetˍ na ang tangˍ piˍ jiˍ.

Naiˍ htangˍ 23:30

Changˉ niˉ mangˉ na saeˍ naeˍ nae hao haenˍ yao ca jiˉ na ga ya kyaˍ beu, sawk sawk nae yang na nang kawngˉ sa laˍ yao, yang na naˍ hokˍ chiˉ naeˉ uiˉ changˉ, nang tawngˍ naˍ veu yang lawng hingˉ na ciˍ naeˍ uiˉ saˍ laiˍ ga yawng na ang tangˍ piˍ yaeˍ yaˇ nae taemˉ yao piˍ yaeˍ.

Naiˍ htangˍ 23:33

Aˍ mawngˍ ta naeˉ luk suitˆ uiˉ aˍ, Kaeˉsaˍriˆ vengˍ veu hkeu lae beu, ang suingˉ huiˍ mangˍ na ang laiˍ piˍ yao, Pawˉluˆ na muiˉ yang kawngˉ suiˍ luingˉ yao chiˉ jiˉ.

Naiˍ htangˍ 23:35

Ang meungˉ veu ang suingˉ huiˍ mangˍ ciˍ jiˍ, Nang na naˍ hokˍ chiˉ laˍ naeˍ uiˉ hkeu laˉ beu, nang hkai kyaˉ hkaˉ ca jiˉ uiˉ ga naˉ laˍ naeˍ yaˇ nae ha biˍ jiˍ. Peunˉ na yao Pawˉluˆ na Heˍrot beu yumˉ hkaoˉ veu lawngˉ nga voˍ nae ang tangˍ piˍ jiˍ.

Naiˍ htangˍ 24:11

Ang tuˍ mawt naeˉ uiˉ saˍ laiˍ ga Yeˍruˆsaˍlaemˍ vengˍ veu lae yao, htiˍ cheˍ nyiˍ nuing htaˍ veu baˍ hkeungˉ suing nae na nang ang ya bae yaˇ.

Naiˍ htangˍ 24:2

Pawˉluˆ na ang suingˉ mangˉ haoˉ yao chiˉ jiˉ beu, Teˍraˍtuˆluˆ yang htaˍ veu naˍ hokˍ chiˉ yao ciˍ jiˍ. Laˍ htiˍ ang huiˍ ang suingˉ Hpeˍliˆ veuˉ, nang pa nae gu ca buiˍ duingˉ buiˍ naeˍ hkaoˉ veu ya ca yao, nang beu pingˍ nyaˍ ningˍ paˉ nae changˉ ceuˉ ningˉ saˍ laiˍ, ang liˍ ang kawngˍ ningˍ maenˍ laˉ naeˉ uiˉ saˍ laiˍ nang vaˍ naeˍ yaˇ.

Naiˍ htangˍ 25:15

Ga Yeˍruˆsaˍlaemˍ vengˍ hkaoˍ veu ca beu, yit pa rawˉ hek ang huiˍ uiˍ aˍ Yuˉdaˆ awn hoˉ yaˍ mangˍ htiˍ baˍ uiˍ, yang beu awˍ lawng hingˉ hkai laˍ yao, yang na aˉ muˍ tatˆ bu nae, yawng ga na paˉ laeˍ naeˍ yaˇ.

Naiˍ htangˍ 25:2

Haeˉ mae beu, yit pa rawˉ hek ang huiˍ uiˍ nae Yuˉdaˆ changˉ uiˉ beu awn hoˉ htiˍ baˍ uiˍ Pawˉluˆ awˍ lawng baˍ maenˍ nae uiˉ ang suingˉ Hpeˍtuˆ na hkai biˍ jiˍ.