Naiˍ htangˍ 21:8 - Pyen

⁸ Nawngˍ cangˍ nuing hingˉ ngang beu gu awkˍ taw aengˉ laeˍ yao, Kaeˉsaˍriˆ vengˍ veu hkeu aeˉ yaeˉ. Cetˍ hu hingˉ hkaoˉ veu Hpiˆliˆpuˆ nae maengˉ jiˉ mawnˍ pyawˉ naeˉ uiˉ ang buinˉ tangˍ maˍ biˍ naeˍ mangˉ htiˍ hu mangˉ yumˉ veu gu awngˉ lae yao, yang kawngˉ ca yaeˉ.

Naiˍ htangˍ 21:8 ပူးပေါင်းရင်းမြစ်များ

Naiˍ htangˍ 10:1

Kaeˉsaˍriˆ vengˍ hkaoˍ veu, Kawˉneˍliˆ nae maengˉ jiˉ Iˍtaˍliˍ luk suikˆ ang muˉ na upˆ peungˍ naeˍ yinˍ cangˉ htiˍ hu ca jiˉ. Yaˇ Iˍtaˍliˍ luk suikˆ ang muˉ htiˍ tap uiˉ na up naeˉ.

Naiˍ htangˍ 16:10

Yuˍ paˍ yongˍ hkaoˍ veu yang ningˉ mae ya myangˉ peunˉ yao, Maˍkeˍdawˉniˆ changˉ na mawnˍ pyawˉ naeˉ uiˉ ang buinˉ tangˍ maˍ naeˍ uiˉ saˍ laiˍ, Hpaˍcaoˍ gu na haoˉ ngangˉ laˍ jaˇ nae ya bae yao, htiˍ chitˍ nae Maˍkeˍdawˉniˆ ang meungˉ veu ya aeˉ naeˉ uiˉ saˍ lai gu ha yae.

Naiˍ htangˍ 16:13

Vanˍ sing nuing hkeu laˉ yao, Yuˉdaˆ changˉ uiˉ ang buinˉ paˉ kyaˉ ang ca baiˉ nae gu kuitˆ yao, vengˍ ang ngiˉ langˉ baˍ htang veu aeˉ yae. Gu hiˉ keung duingˉ beu, hkaˉ laˉ naeˉ uiˉ hkaˍ ba yaˍ uiˍ na maˍ biˍ yaeˍ.

Naiˍ htangˍ 16:16

Hingˉ nawngˍ veu gu ang buinˉ paˉ kyaˉ veu lae laeˍ beu, maenˍ bawˍ ang bawˍ hkiˍ yaˍ cenˍ hkaˍ ba yaˍ htiˍ hu gu na lui yao hap yuˉ lui laˍ ngaeˉ. Hkaˍ ba yaˍ hiˍ maˇ maenˍ bawˍ ang bawˍ hkiˍ ang tawk hkiˍ nae yao yang beu yumˉ suingˉ mangˉ muiˉ ang byaˍ ca pang laˉ jiˉ.

Naiˍ htangˍ 18:22

Kaeˉsaˍriˆ vengˍ veu hkeu lae yao, yang Yeˍruˆsaˍlaemˍ vengˍ veu lae yao Hkritˆ yanˍ ang muˉ na myangˉ nga lae lang peunˉ yao, Anˍtiˉokˆ vengˍ veu aeˉ laeˍ jiˍ.

Naiˍ htangˍ 20:13

Gu aˍ heuˍ ta yao Aˍsoˆ vengˍ veu kaˉ huˍ veu lae naeˉ. Pawˉluˆ nawˍ kaˉ ba yawˍ yao, hiˉ keung veu hkeu lae beu gu kawngˉ heuˍ ta naeˉ nae yang haenˍ htaˍ yao chiˉ jiˉ.

Naiˍ htangˍ 20:6

Hkaoˍ munˉ hkaoˉ veu tangˍ chiˍ baˍ kan nae uiˉ poiˍ peunˍ yao, gu Hpiˉliˉpiˆ vengˍ veu heuˍ ta awkˍ laeˍ yae. Haeˉ mae yao, ngaˍ nuing hkeu beu, Taˍroˆaˆ vengˍ veu yawng kawngˉ hkeu lae yao, hiˉ keung veu cetˍ nuing ca yaeˉ.

Naiˍ htangˍ 21:16

Kaeˉsaˍriˆ vengˍ veu ca naeˉ uiˉ taˍ peˍ htiˍ baˍ uiˍ gu kawngˉ htuˍ yaˍ laˉ mae lae yao, Maˍnaˍsonˍ nae maengˉ jiˉ changˉ hiˉ mangˉ kawngˉ yuˍ naeˍ nae, gu na yang kawngˉ suiˍ yao sa lae langˍ ngaeˉ. Yaˇ ta peˍ hpeuˍ yaeˍ mangˍ ngangˍ jiˉ uiˉ changˉ htiˍ hu yaˇ.

Naiˍ htangˍ 23:23

Haeˉ mae beu, cong veoˉ longˉ maˇ, luk suikˆ yinˍ cangˉ nyiˍ hu yaˉ yetˍ na hao nga biˍ yao, Miˉ hkiˍ kaoˍ naˍ riˍ veu Kaeˉsaˍriˆ vengˍ veu aeˉ naeˉ uiˉ saˍ laiˍ, ang hkuing hanˉ naeˉ uiˉ luk suitˆ nyiˍ pakˍ hu, aˍ mawngˍ ta naeˉ uiˉ luk suitˆ cetˍ cheˍ hu nae, keungˍ paˍ naeˍ uiˉ luk suitˆ nyiˍ pakˍ hu haenˍ htaˍ yao ca voˍ.

Naiˍ htangˍ 27:1

Iˍtaˍliˍ ang meungˉ veu gu heuˍ ta yao ya lae naeˉ na ang suingˉ mangˉ kuitˆ chae laeˍ beu, Pawˉluˆ nawˍ awˍ htaˍ veu hpeuˍ laˉ jiˉ changˉ na, Awˇguˇtuˆ luk suitˆ htiˍ tap na chaˍ lang naeˉ Yuˉluˆ nae maengˉ jiˉ saen cangˉ mangˉ beu laˍ puˍ hkaoˍ veu ap yao piˍ jiˍ.

Naiˍ htangˍ 28:11

Sumˍ ha hkeu naeˉ nawngˍ veu, Aˍleˍsaˍduˆ vengˍ changˍ beu heuˍ htiˍ mangˍ mangˍ na gu ta yao awkˍ yao aeˉ laeˍ. Heuˍ hiˍ maˇ, chawˍ nyamˍ peunˉ na beu tiˍ hkeu cunˉ hawˆ saoˍ yao ca jiˉ. Heuˍ hiˍ mangˉ beu ang tuˍ veu awˍ hang hingˉ ngaˍ, ta pawˉ lang pawˉ ang bongˉ aiˉ nae ang maengˉ ya jiˉ.

Naiˍ htangˍ 28:16

Yawng Roˉmaˆ vengˍ veu hkeu lae beu, Pawˉluˆ nawˍ yang na hawˍ naeˍ luk suitˆ htiˍ hu mangˉ kawngˉ htuˍ yaˍ laˉ mae ya ca naeˉ uiˉ aˉ hkvangˍ ya jiˉ.

Naiˍ htangˍ 6:5

Yawng ciˍ nae na changˉ ang muˉ uiˉ hkaˉ hko laˉ hko nuing ba capˆ yao changˉ hingˉ uiˉ na cheˉ yuˉ jiˉ. Yumˉ naeˉ uiˉ nae Ang hkawˍ laˉ ang seungˍ sangˉ htiˍ puing nae ca naeˉ Saˍteˍhpanˍ htiˍ hu nae, Hpiˆliˆpuˆ, Pawˉhkawˍ, Niˆkaˍnawˍ, Tiˉmonˍ, Paˍmeˍnaˆ nae Yuˉdaˆ ang liˍ yuˉ naeˉ Anˍtiˉokˆ vengˍ changˍ Niˆkawˆlaˆ yawng na cheˉ yuˉ jiˉ.

Naiˍ htangˍ 9:30

Hingˉ awˍ lawng na yumˉ naeˉ saˉ naeˉ uiˉ changˉ yaˍ kyaˍ beu, yang na Kaeˉsaˍriˆ vengˍ veu suiˍ aengˉ yao Taˍsuˆ vengˍ veu hkeu yang na piˉ aeˉ laeˍ jiˍ.