Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Naiˍ htangˍ 21:7 - Pyen

7 Gu Tuˆruˆ vengˍ veu hta yao, heuˍ ta naeˉ kaˉ ba hingˉ lin ngangˉ beu, Paˍtawˆleˆ vengˍ veu hkeu lae yaeˉ. Hiˉ keung veu ca naeˉ yumˉ naeˉ saˉ naeˉ uiˉ changˉ kawngˉ bawˍ aeˉ yao, yawng kawngˉ htiˍ nuing ca yaeˉ.

အခန်းကိုကြည့်ပါ။ ကော်ပီ




Naiˍ htangˍ 21:7
13 ပူးပေါင်းရင်းမြစ်များ  

Hingˉ nyamˍ hkaoˍ veu yumˉ naeˉ saˉ naeˉ uiˉ changˉ htiˍ pakˍ nyiˍ cheˍ hu laˉ mae hpawm lang yao ca jiˉ changˉ kawngˉ nuingˉ veu Peˍtruˆ hta laˉ yao hkai jiˉ yang,


Ang suingˉ Heˍrot nawˍ Tuˆruˆ vengˍ changˍ nae Siˉdonˍ vengˍ changˍ uiˍ na nuing ba inˍ jiˍ. Haeˉ mae yao, yawng ngaˍ nuing ba htiˍ suiˍ laˍ mae taeng nga laeˍ yao yang kawngˉ laˉ jiˉ. Ang suingˉ yumˉ hingˉ na hak sa naeˉ Baˍlaˍtuˆ nae maengˉ jiˉ mangˉ na yawng kaˉ huˍ veu sing capˆ lang yao, ang suingˉ na yaˍ laeˍ teungˉ laeˍ lang naeˉ uiˉ saˍ laiˍ yawng paˉ jiˉ. Aˉ mae yao nae baoˉ vaˍ, yawng ngaˍ caˍ seuˍ tangˉ seuˍ saˍ laiˍ hkunˉ hawˉ hkamˉ Heˍrot upˆ peungˍ nae na ya puing naeˉ pa yaˇ.


Kaeˉsaˍriˆ vengˍ veu hkeu lae yao, yang Yeˍruˆsaˍlaemˍ vengˍ veu lae yao Hkritˆ yanˍ ang muˉ na myangˉ nga lae lang peunˉ yao, Anˍtiˉokˆ vengˍ veu aeˉ laeˍ jiˍ.


Yang yumˉ veu gu iˉ yaˍ mangˍ nae ca yao, Aˍgaˍbuˆ nae maengˉ jiˉ Hpaˍcaoˍ beu pa rawˉ hpaet htiˍ hu mangˉ Yuˉdaˆ ang meungˉ veu ca yao hiˉ keung veu hkeu laˉ jiˉ.


Gu Yeˍruˆsaˍlaemˍ vengˍ veu hkeu lae beu, yaˍ changˍ mawngˉ namˉ uiˉ gu na mawnˍ mawnˍ saˍ saˉ hap yuˉ langˍ ngaeˉ.


Pawˉluˆ nawˍ yawng na laˍ puˍ kuinˍ lang jiˉ ang tangˍ ciˍ peunˍ lang yao, yang kanˉ vaˍ jiˍ hkaoˉ veu Changˉ ceuˉ htiˍ baˍ uiˍ saˍ laiˍ Hpaˍcaoˍ peunˍ cawngˉ jiˉ uiˉ kanˉ htiˍ baˍ uiˍ awˍ lawng, htiˍ ceuˍ peunˉ yao htiˍ ceuˍ yawng na maˍ biˍ jiˍ.


Kuˇpaˉruˆ cunˉ hingˉ na ya myangˉ beu, laˍ saiˍ kaˍ seu gu aeˉ naeˉ nawngˍ veu, Suˉriˆ ang meungˉ veu ta aengˉ yao, Tuˆruˆ vengˍ veu saoˍ yaeˍ. Aˉ mae yao nae baoˉ vaˍ, heuˍ htaˍ veu tangˉ nga biˍ jiˍ ang keungˍ uiˍ na hingˉ keung veu yuˉ kla saiˍ yaeˍ.


Kaˉ nawngˍ veu baˍ mangˍ nae, ang suingˉ Aˍgiˉpaˆ nae yang hkaˍ ba Baˍraˍniˆ nawˍ, ang suingˉ Hpeˍtuˆ na hap yuˉ naeˉ nae Kaeˉsaˍriˆ vengˍ veu hkeu lui jiˉ.


Suˉraˍkokˆ vengˍ veu hkeu aeˉ yao, hiˉ keung gu sumˍ nuing veu tiˍ hkeu ca yaeˉ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ