Naiˍ htangˍ 21:34 - Pyen

³⁴ Changˉ ang muˉ hkaoˉ veu, htiˍ pakˍ htiˍ ceuˍ haoˉ yao ca jiˉ. Ningˉ mae ciˍ ciˍ caeoˍ caeoˍ ha naeˉ pa nae, maenˍ nae baˍ bae hkaemˍ nae yao Pawˉluˆ na luk suikˆ uiˉ yumˉ veu suiˍ laenˉ voˍ nae yinˍ cangˉ mangˉ ang tangˍ piˍ jiˍ.

Naiˍ htangˍ 21:34 ပူးပေါင်းရင်းမြစ်များ

Naiˍ htangˍ 19:32

Hpawm lang naeˉ ang muˉ uiˉ, baˍ taepˍ baˍ yuing nae hpeuˍ yao, htiˍ hu htiˍ ceuˍ haoˉ jiˉ. Yawng ba ceuˉ lawng na hpawm lang jiˉ na muiˉ baˍ bae.

Naiˍ htangˍ 21:37

Luk suikˆ uiˉ beu yumˉ veu Pawˉluˆ na suiˍ awngˍ ngangˉ laeˍ naeˍ nae ha beu, yawng yinˍ cangˉ mangˉ na ha biˍ jiˍ. Nang na ga hkaˍ muˍ hkai laˍ yao ang kaˍ laˍ nae naˉ jiˉ. Nae yao yinˍ cangˉ mangˉ ha biˍ jiˍ. Naˇ Heˍlaˍsaˆ tangˍ ang ciˍ hkiˍ laˍ.

Naiˍ htangˍ 22:24

Haeˉ mae beu, luk suikˆ saen cangˉ maˇ, Pawˉluˆ na luk suikˆ yumˉ hiˉ keung veu piˉ suiˍ laengˉ yao, ba ceuˉ ha yao hao awˍ lawng ningˉ mae ciˍ yao haoˉ naeˉ jeuˇ nae ya bae naeˉ uiˉ saˍ laiˍ, yang na tuiˍ yao naˉ hu nae ang tangˍ piˍ jiˍ.

Naiˍ htangˍ 22:30

Nawngˍ cangˍ nuing hingˉ ngang beu, Yuˉdaˆ changˉ uiˉ Pawˉluˆ htaˍ veu naˍ hokˍ chiˉ jiˉ na maenˍ nae ya bae naeˉ uiˉ saˍ laiˍ, yinˍ cangˉ longˉ mangˉ, Pawˉluˆ na hpui jiˉ hingˉ hpuiˉ taw biˍ yao, yit pa rawˉ hek ang huiˍ nae Yuˉdaˆ awn hoˉ ang muˉ uiˍ na haoˉ chawnˉ lang biˍ yao, Pawˉluˆ na suiˍ aengˉ yao, yawng kawngˉ nuingˉ veu chiˉ jiˉ.

Naiˍ htangˍ 23:10

Ningˉ mae hteng lang ga yao, changˉ hingˉ uiˉ aˍ Pawˉluˆ na chit lakˍ chit pya naˇ nae hkaw cangˉ longˉ mangˉ kuitˆ manˍ laeˍ yao, yang luk suitˆ htiˍ baˍ uiˍ na piˉ aeˉ yao Pawˉluˆ na yawng beu laˍ puˍ hkaoˍ veu yatˍ yuˍ peunˍ yao, luk suitˆ uiˉ yumˉ veu suiˍ laengˉ voˍ nae, yang ang tangˍ piˍ jiˍ.

Naiˍ htangˍ 23:16

Yawng ningˉ mae kuitˆ yao chiˉ jiˉ na Pawˉluˆ beu ang miˍ ang yaˍ kaˍ hpaˍ yaˍ luk suitˆ htiˍ baˍ uiˍ ya kyaˍ yao luk suikˆ ang tap veu awngˉ nga laengˉ yao Pawˉluˆ na hkai kyaˍ lae biˍ jiˍ.

Naiˍ htangˍ 23:32

Naˉ seuˉ laˉ mae taeˉ veu Pawˉluˆ na Kaeˉsaˍriˆ vengˍ veu suiˍ laenˉ yao, aˍ mawngˍ ta naeˉ luk suitˆ uiˉ kawngˉ htuˍ yaˍ laˉ mae aeˉ laeˍ jiˍ. Awˍ htaˍ veu luk suitˆ uiˉ aˍ yawng yumˉ veu aeˉ laeˍ jiˍ.

Naiˍ htangˍ 25:26

Yang beu awˍ lawng hingˉ ga beu ang suingˉ huiˍ mangˍ na ang laiˍ taemˉ laeˍ biˍ naeˍ nae ang ti htiˍ ceuˍ nae muiˉ baˍ ca. Hingˉ pa nae, gu yang na maenˍ nae naˉ htamˉ nga baoˉ vaˍ, yang beu awˍ lawng hingˉ ga htiˍ ceuˍ ceuˍ taemˉ taw hkiˍ naeˍ uiˉ saˍ laiˍ, nawng ningˉ mawk ningˉ tawngˍ naˍ veu na baˍ upˍ, ang suingˉ Aˍgiˉpaˆ veuˉ, ya caeˉ nae nang tawngˍ naˍ veu na baˍ upˍ, ga yang na suiˍ langˉ byaˇ.