Naiˍ htangˍ 20:4 - Pyen

⁴ Pawˉluˆ kawngˉ aeˉ jiˉ changˉ uiˉ, Beˍriˆ vengˍ changˍ Pawˉluˆ beu ang yaˍ Sawˉpaˍtaˍruˆ, Hteˉsaˍlawˉniˆ vengˍ changˍ, Aˍriˍtaˍhkuˆ nae Seˍkuˍduˆ, Deˍbeˍ vengˍ changˍ Gaˍyuˆ, Aˍsiˆ ang meungˉ changˉ Tuˆhkiˆ nae Taˍroˆhpeˍ nae Tiˉmoˉseˍ yawng yaˇ.

Naiˍ htangˍ 20:4 ပူးပေါင်းရင်းမြစ်များ

Naiˍ htangˍ 14:20

Caˇ, ta peˍ uiˍ yang na cung cawtˍ piˍ yao, yang hta laˉ yao vengˍ hkaoˍ veu aeˉ laeˍ jiˍ. Kaˉ nawngˍ veu htiˍ nuing hingˉ ngang beu Pawˉluˆ Baˍnaˍbaˆ kawngˉ htuˍ yaˍ laˉ mae Deˍbeˍ vengˍ veu aeˉ laeˍ jiˍ.

Naiˍ htangˍ 14:6

Ningˉ na yaˉ yetˍ ya bae beu, Luˆkawˉniˆ ang meungˉ hkaoˉ veu ca naeˉ Luˉtaˍraˆ vengˍ, Deˍbeˍ vengˍ nae, ang tawngˍ htang veu hpangˉ nga aengˉ jiˉ.

Naiˍ htangˍ 16:1

Haeˉ mae beu, Pawˉluˆ nawˍ, Deˍbeˍ vengˍ nae Luˉtaˍraˆ vengˍ veu hkeu aeˉ jiˉ. Luˉtaˍraˆ vengˍ hkaoˍ veu Tiˉmoˉseˍ nae maengˉ jiˉ ta peˍ htiˍ hu ca jiˉ. Yang beu ang muing maˇ yumˉ naeˉ uiˉ changˉ Yuˉdaˆ ang ba hpeuˍ yao, yang beu ang vangˉ maˇ Heˍlaˍsaˆ changˉ hpeuˍ jiˍ.

Naiˍ htangˍ 16:6

Aˍsiˆ ang meungˉ hkaoˉ veu, ang buinˉ tangˍ baˍ ya maˍ naeˍ uiˉ saˍ laiˍ, ang hkawˍ laˉ ang seungˍ sangˉ yang na haenˉ tap yao, yawng Hpuˍgiˆ ang meungˉ nae Gaˍlaˍtiˆ ang meungˉ veu hpaiˍ yao lae jiˉ.

Naiˍ htangˍ 17:1

Hingˉ nawngˍ veu, Pawˉluˆ nae Siˍlaˆ yaˉ yetˍ Aˍhpiˉpawˉliˆ vengˍ nae Aˍpawˉlawˉniˆ vengˍ hingˍ na hpaiˍ yao, Hteˉsaˍlawˉniˆ vengˍ veu hkeu lae jiˉ. Hiˉ keung veu Yuˉdaˆ changˉ yawng beu Yuˉdaˆ changˉ ceuˉ hpawm lang kyaˉ ang ca.

Naiˍ htangˍ 17:13

Pawˉluˆ nawˍ, Beˍriˆ vengˍ hkaoˍ veu Hpaˍcaoˍ beu ang tangˍ maˍ biˍ yao ca naeˉ na Hteˉsaˍlawˉniˆ vengˍ veu ca naeˉ Yuˉdaˆ changˉ uiˉ ya bae yao hiˉ keung veu muiˉ yawng lae yao, changˉ ang muˉ uiˉ na htuing nga lae biˍ yao ciˍ ciˍ caeoˍ caeoˍ nae piˉ hpeuˍ laˉ jiˉ.

Naiˍ htangˍ 19:29

Hingˉ mae ha yao, vengˍ hingˍ hkaoˉ veu baˍ taepˍ baˍ yuing nae htiˍ puing hpeuˍ laˉ yao, Pawˉluˆ kawngˉ hkeˍ cangˉ naeˉ uiˉ Maˍkeˍdawˉniˆ changˉ Gaˍyuˆ nae Aˍriˍtaˍhkuˆ nae mangˉ yaˉ yetˍ na yawng kuinˍ awngˍ yao, changˉ ang byaˍ myangˉ lang kyaˉ hingˉ keung huinˍ awngˍ nga laengˉ jiˉ.

Naiˍ htangˍ 2:9

Gu aˍ Paˍtiˆ changˉ, Meˍdiˆ changˉ, Eˉlanˍ changˉ, Meˍsoˉpoˉtaˍmiˆ ang meungˉ veu duingˉ naeˉ uiˉ changˉ, Yuˉdaˆ ang meungˉ nae Kaˍpaˍdawˆkiˆ ang meungˉ veu duingˉ naeˉ uiˉ changˉ, Poˍtuˆ ang meungˉ nae Aˍsiˆ ang meungˉ veu duingˉ naeˉ uiˉ changˉ,

Naiˍ htangˍ 20:16

Pawˉluˆ nawˍ Aˍsiˆ ang meungˉ veu ang mangˍ nae baˍ ya ca naeˉ uiˉ saˍ laiˍ, Eˉfeˉsuˆ vengˍ veu baˍ saoˍ nae lae lotˍ lotˍ yao kaˉ huˍ veu lae naeˉ nae yang kuitˆ chae laeˍ jiˍ. Ang kaˍ taw nae baoˉ vaˍ, Peˍteˍkoˆteˍ nuing veu Yeˍruˆsaˍlaemˍ vengˍ veu ya ca taw naeˉ uiˉ saˍ laiˍ, yang ang vaiˍ nae lae siˉ naeˉ.

Naiˍ htangˍ 20:18

Yawng yang kawngˉ hkeu laˉ beu, Pawˉluˆ yawng na ha biˍ jiˍ. Gaˇ Aˍsiˆ ang meungˉ veu kaˉ huˍ veu hkeu lui jiˉ hingˉ nuing tangˍ yao, ga nawng kawngˉ aˉ lawˍ beun muiˉ aˉ mae ha yao cangˉ ngaeˉ nae nawng ang bae yaˇ.

Naiˍ htangˍ 21:29

Aˉ mae yao nae baoˉ vaˍ, Taˍroˆhpeˍ nae maengˉ jiˉ Eˉfeˉsuˆ changˉ htiˍ hu mangˉ na caeˉ langˉ saˍ jiˍ beu vengˍ hkaoˍ veu Pawˉluˆ kawngˉ cangˉ nga cangˉ naeˉ na yawng ya myangˉ yao, changˉ hiˉ mangˉ na ang buinˉ paˉ kyaˉ cawngˉ ang huiˍ veu Pawˉluˆ suiˍ langˉ jiˉ nae yawng kuitˆ jiˉ.

Naiˍ htangˍ 27:2

Aˍsiˆ ang meungˉ hkaoˉ veu chaˍ maeˍ lang ba htang veu ca naeˉ vengˍ uiˍ beu aeˉ naeˉ uiˉ, Aˍdaˍmuˆtiˆ vengˍ changˍ uiˍ beu heuˍ uiˍ na gu ta yao lae yaeˉ. Maˍkeˍdawˉniˆ ang meungˉ hkaoˉ veu Hteˉsaˍlawˉniˆ vengˍ changˍ Aˍriˍtaˍhkuˆ muiˉ, gu kawngˉ ngaeˉ jiˉ yaˇ.