Naiˍ htangˍ 20:16 - Pyen

¹⁶ Pawˉluˆ nawˍ Aˍsiˆ ang meungˉ veu ang mangˍ nae baˍ ya ca naeˉ uiˉ saˍ laiˍ, Eˉfeˉsuˆ vengˍ veu baˍ saoˍ nae lae lotˍ lotˍ yao kaˉ huˍ veu lae naeˉ nae yang kuitˆ chae laeˍ jiˍ. Ang kaˍ taw nae baoˉ vaˍ, Peˍteˍkoˆteˍ nuing veu Yeˍruˆsaˍlaemˍ vengˍ veu ya ca taw naeˉ uiˉ saˍ laiˍ, yang ang vaiˍ nae lae siˉ naeˉ.

Naiˍ htangˍ 20:16 ပူးပေါင်းရင်းမြစ်များ

Naiˍ htangˍ 12:13

Yumˉ tawngˍ naˍ veu langˉ kaw hingˉ keung Peˍtruˆ hkawk nga beu, Roˇdeˍ nae maengˉ jiˉ yaˍ cenˍ hkaˍ ba yaˍ htiˍ hu lui yao naˉ lui jiˉ.

Naiˍ htangˍ 16:6

Aˍsiˆ ang meungˉ hkaoˉ veu, ang buinˉ tangˍ baˍ ya maˍ naeˍ uiˉ saˍ laiˍ, ang hkawˍ laˉ ang seungˍ sangˉ yang na haenˉ tap yao, yawng Hpuˍgiˆ ang meungˉ nae Gaˍlaˍtiˆ ang meungˉ veu hpaiˍ yao lae jiˉ.

Naiˍ htangˍ 18:19

Haeˉ mae beu, yawng Eˉfeˉsuˆ vengˍ veu hkeu yao, yang yaˉ yetˍ na hingˉ keung veu chiˉ saˍ jiˍ. Yang Yuˉdaˆ changˉ ceuˉ hpawm lang kyaˉ veu awngˉ lae yao Yuˉdaˆ changˉ uiˉ kawngˉ sing cat lang ga jiˉ.

Naiˍ htangˍ 18:21

Caˇ, yawng na hpakˍ lang beu, yang ciˍ jiˍ, Hpaˍcaoˍ a loˍ ca baoˉ vaˍ, nawng kawngˉ ga htiˍ cangˍ laˉ lae vaˍ nae ha biˍ jiˍ. Haeˉ mae beu, yang heuˍ ta yao Eˉfeˉsuˆ vengˍ hkaoˍ veu awkˍ taw aengˉ jiˉ.

Naiˍ htangˍ 19:1

Aˍpawˉluˆ nawˍ, Kawˉrenˍhtuˆ vengˍ hkaoˍ veu ca beu, Pawˉluˆ ang htaˍ kaˍ seuˍ ang meungˉ htiˍ baˍ uiˍ na hpaiˍ yao, Eˉfeˉsuˆ vengˍ veu hkeu aeˉ jiˉ. Hiˉ keung veu, ta peˍ uiˍ htiˍ baˍ uiˍ na yang ya myangˉ yao yawng na ha biˍ jiˍ yang,

Naiˍ htangˍ 19:21

Ningˉ uiˉ hpeuˍ peunˍ laˉ naeˉ nawngˍ veu, Pawˉluˆ yang beu nuing ba hkaoˉ veu kuitˆ yao chiˉ jiˉ. Maˍkeˍdawˉniˆ ang meungˉ nae Aˍhkaˍyaˆ ang meungˉ na hpaiˍ peunˍ nga laengˉ yao, Yeˍruˆsaˍlaemˍ vengˍ veu lae naeˉ. Yang ciˍ jiˍ, Ga hingˉ keung veu hkeu peunˉ lae yao Roˉmaˆ vengˍ veu muiˉ ga ya aeˉ naeˉ nae ciˍ jiˍ.

Naiˍ htangˍ 2:1

Peˍteˍkoˆteˍ poiˍ nuing hkeu laˉ yao yumˉ naeˉ uiˉ changˉ hkaˉ hko laˉ hko htiˍ tawngˍ veu chawnˉ lang jiˉ.

Naiˍ htangˍ 20:13

Gu aˍ heuˍ ta yao Aˍsoˆ vengˍ veu kaˉ huˍ veu lae naeˉ. Pawˉluˆ nawˍ kaˉ ba yawˍ yao, hiˉ keung veu hkeu lae beu gu kawngˉ heuˍ ta naeˉ nae yang haenˍ htaˍ yao chiˉ jiˉ.

Naiˍ htangˍ 20:18

Yawng yang kawngˉ hkeu laˉ beu, Pawˉluˆ yawng na ha biˍ jiˍ. Gaˇ Aˍsiˆ ang meungˉ veu kaˉ huˍ veu hkeu lui jiˉ hingˉ nuing tangˍ yao, ga nawng kawngˉ aˉ lawˍ beun muiˉ aˉ mae ha yao cangˉ ngaeˉ nae nawng ang bae yaˇ.

Naiˍ htangˍ 20:22

Ya muiˉ gaˇ, Ang hkawˍ laˉ hkaoˉ veu aˉ miˍ na naˉ yuˉ yao, Yeˍruˆsaˍlaemˍ vengˍ veu aeˉ ngaeˉ yaˇ. Hiˉ keung veu ga aˉ mae hpeuˍ laˍ naeˉ na baˍ bae.

Naiˍ htangˍ 20:4

Pawˉluˆ kawngˉ aeˉ jiˉ changˉ uiˉ, Beˍriˆ vengˍ changˍ Pawˉluˆ beu ang yaˍ Sawˉpaˍtaˍruˆ, Hteˉsaˍlawˉniˆ vengˍ changˍ, Aˍriˍtaˍhkuˆ nae Seˍkuˍduˆ, Deˍbeˍ vengˍ changˍ Gaˍyuˆ, Aˍsiˆ ang meungˉ changˉ Tuˆhkiˆ nae Taˍroˆhpeˍ nae Tiˉmoˉseˍ yawng yaˇ.

Naiˍ htangˍ 20:6

Hkaoˍ munˉ hkaoˉ veu tangˍ chiˍ baˍ kan nae uiˉ poiˍ peunˍ yao, gu Hpiˉliˉpiˆ vengˍ veu heuˍ ta awkˍ laeˍ yae. Haeˉ mae yao, ngaˍ nuing hkeu beu, Taˍroˆaˆ vengˍ veu yawng kawngˉ hkeu lae yao, hiˉ keung veu cetˍ nuing ca yaeˉ.

Naiˍ htangˍ 21:4

Hiˉ keung veu ta peˍ htiˍ baˍ uiˍ na gu saˉ myangˉ yao, cetˍ nuing veu tiˍ hkeu ca yaeˉ. Taˍ peˍ hingˍ uiˉ aˍ, Pawˉluˆ Yeˍruˆsaˍlaemˍ vengˍ veu baˍ ya lae naeˉ uiˉ saˍ laiˍ, Ang hkawˍ laˉ nawˍ ta peˍ uiˍ na ha biˍ jiˍ.

Naiˍ htangˍ 24:17

Ang pi iˉ yaˍ mangˍ nae caeˉ langˉ yao, ga beu changˉ ceuˍ ang saˍ ang baeˍ na pawngˍ naeˍ uiˉ htiˍ baˍ nae, Hpaˍcaoˍ na tanˍ seuˍ uiˍ ga hanˉ yao langˉ byaˇ.