Naiˍ htangˍ 20:1 - Pyen

¹ Baˍ taepˍ baˍ yuing nae hingˉ kyap nga aengˉ yao, Pawˉluˆ nawˍ, ta peˍ uiˍ na haoˉ yao kaˍ piˍ peunˍ yao, yawng na hpakˍ lang yao Maˍkeˍdawˉniˆ ang meungˉ veu lae jiˉ.

Naiˍ htangˍ 20:1 ပူးပေါင်းရင်းမြစ်များ

Naiˍ htangˍ 11:26

Yang na ya myangˉ beu, Anˍtiˉokˆ vengˍ veu suiˍ langˉ jiˉ. Yaˇ yetˍ aˍ htiˍ nuing pi lumˉ lumˉ Hkritˆ yanˍ ang muˉ kawngˉ hpawm lang yao, changˉ ang muˉ uiˉ na maˍ biˍ jiˍ. Taˍ peˍ htiˍ baˍ uiˍ na Hkritˆ yanˍ nae haoˉ naeˉ uiˉ ang maengˉ na, Anˍtiˉokˆ vengˍ veu maengˉ taw laˉ jiˉ.

Naiˍ htangˍ 16:12

Hingˉ vengˍ hiˍ keung ca yao awkˍ taw aengˉ yao, Hpiˆliˆpiˆ vengˍ veu hkeu lae yaeˉ. Vengˍ hingˍ nga Maˍkeˍdawˉniˆ ang meungˉ hkaoˉ veu Roˉmaˆ changˉ uiˉ chiˉ jiˉ vengˍ ang huiˍ hpeuˍ jiˍ. Gu hiˉ keung iˉ yaˍ ang mangˍ ca saˍ yaeˍ.

Naiˍ htangˍ 16:9

Muˍ hkiˍ beu Pawˉluˆ nawˍ, yuˍ paˍ yongˍ hkaoˍ veu Maˍkeˍdawˉniˆ changˉ htiˍ hu cung yao ca naeˉ na ya myangˉ jiˉ. Pawˉluˆ na paˉ yao ciˍ jiˍ yang, Maˍkeˍdawˉniˆ ang meungˉ veu laˉ yao gu na pawngˍ lao nae ha biˍ jiˍ.

Naiˍ htangˍ 19:21

Ningˉ uiˉ hpeuˍ peunˍ laˉ naeˉ nawngˍ veu, Pawˉluˆ yang beu nuing ba hkaoˉ veu kuitˆ yao chiˉ jiˉ. Maˍkeˍdawˉniˆ ang meungˉ nae Aˍhkaˍyaˆ ang meungˉ na hpaiˍ peunˍ nga laengˉ yao, Yeˍruˆsaˍlaemˍ vengˍ veu lae naeˉ. Yang ciˍ jiˍ, Ga hingˉ keung veu hkeu peunˉ lae yao Roˉmaˆ vengˍ veu muiˉ ga ya aeˉ naeˉ nae ciˍ jiˍ.

Naiˍ htangˍ 20:10

Haeˉ mae beu, Pawˉluˆ lungˍ nga aengˉ yao, changˉ hiˉ mangˉ htaˍ veu bawk kumˉ ngangˉ yao, yang na hpaˉ laˉ nae ciˍ jiˍ, Aˍ kuitˍ man laeˍ jo. Yang hkaoˉ veu a sak ang ca suiˍ yaˇ nae yawng na ha biˍ jiˍ.

Naiˍ htangˍ 20:2

Yang Maˍkeˍdawˉniˆ ang meungˉ hingˉ na hpaiˍ yao, yumˉ naeˉ saˉ naeˉ uiˉ changˉ na kaˍ ang byaˍ piˍ htaengˍ peunˍ yao, Heˍlaˍsaˆ ang meungˉ veu hkeu lae jiˉ.

Naiˍ htangˍ 20:3

Pawˉluˆ hiˉ keung veu sumˍ ha laˍ mawk ca peunˉ yao, heuˍ ta yao Suˉriˆ ang meungˉ veu aeˉ laeˍ naeˍ nae ca jiˉ. Haeˉ mae beu, Yuˉdaˆ changˉ uiˉ yang na saeˍ naeˍ uiˉ kanˉ sing lang jiˉ pa nae, Maˍkeˍdawˉniˆ ang meungˉ kaˉ seu aeˉ laeˍ naeˍ nae yang kuitˆ yao chiˉ jiˉ.

Naiˍ htangˍ 20:37

Yawng hkaˉ hko laˉ hko kaˍ haengˍ nae ungˉ yao Pawˉluˆ na nuingˉ chuiˍ veu hpaˉ kap yao yang na hawmˉ jiˉ.