Naiˍ htangˍ 2:38 - Pyen

³⁸ Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Naiˍ htangˍ 2:38 ပူးပေါင်းရင်းမြစ်များ

Naiˍ htangˍ 10:43

Yang na hkaˉ yumˉ naeˉ uiˉ changˉ hkaˉ hko laˉ hko, yang beu ang maengˉ pa nae, naˍ hokˍ poiˉ naeˉ na ya naeˉ yaˇ nae Hpaˍcaoˍ beu pa rawˉ hpaet hkaˉ hko laˉ hko uiˉ yang awˍ lawng na sak seˍ hkamˉ yao chiˉ jiˉ nae, Peˍtruˆ ciˍ sangˍ jiˍ.

Naiˍ htangˍ 10:48

Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ voˍ nae, Peˍtruˆ yawng na ha biˍ jiˍ. Haeˉ mae beu, changˉ uiˉ yang na ang mangˍ nae ca sangˍ laˍ beun nae paˉ jiˉ.

Naiˍ htangˍ 13:38

Ningˉ pa nae, yaˍ changˉ mawngˉ namˉ htiˍ baˍ yawng veuˉ, ningˉ na bae bu. Changˉ ningˉ mangˉ pa nae naˍ hokˍ poiˉ taw naeˉ uiˉ awˍ lawng nawng na hkai bae laˍ naeˍ yaˇ.

Naiˍ htangˍ 16:15

Hkaˍ ba yaˍ hiˍ maˇ, yang beu yumˉ changˉ uiˉ kaˉ hko laˉ hko baˆtiˆsamˍ hkamˉ yuˉ peunˉ naeˉ nawngˍ veu, yang gu na upˍ laˍ jiˍ yang, Gaˇ Ang suingˉ Hpaˍcaoˍ hkaoˍ veu saˉ caˉ yiˍ naenˉ naeˉ uiˉ changˉ hpeuˍ byaˇ nae nawng kuitˆ baoˉ vaˍ, ga beu yumˉ hiˉ keung ca lui voˍ nae ciˍ yao, gu na yang ya caeˉ paˉ laˍ naeˍ. (Tawngˍ tin veu gu aˍ yang haoˉ yuˉ laˍ naeˍ na hap yuˉ yaeˉ).

Naiˍ htangˍ 17:30

Caeˉ laˉ saˍ jiˍ hkaoˉ veu nawngˍ baˍ bae nae vaˍ jiˍ kanˉ htiˍ baˍ uiˍ na, Hpaˍcaoˍ baˍ cuiˍ yaˍ yao muiˉ, ya muiˉ aˍ, aˉ keung veu ca naeˉ changˉ uiˉ naˍ hokˍ na kuitˆ puiˉ laeˍ naeˍ uiˉ saˍ laiˍ Hpaˍcaoˍ ang tangˍ piˍ jiˍ.

Naiˍ htangˍ 20:21

Hpaˍcaoˍ tawngˍ na veu naˍ hokˍ na kuitˆ puiˉ laeˍ na baˍ upˍ, gu beu Yeˍsuˆ Hkritˆ na yumˉ naeˉ na baˍ upˍ, Yuˉdaˆ changˉ nae Changˉ ceuˉ htiˍ baˍ uiˍ na ga saˉ hkiˉ hkamˉ peunˉ jiˉ awˍ lawng na muiˉ nawng bae byaˇ.

Naiˍ htangˍ 22:16

Ya muiˉ naˇ ba ceuˉ ha yao hawˍ yao cangˉ ngaeˇ. Hta laˉ bao. Yeˍsuˆ beu ang maengˉ na puin naeˉ hkaoˉ veu baˆtiˆsamˍ hkamˉ yuˉ yao, nang beu naˍ hokˍ htiˍ baˍ uiˍ na chiˍ laeˍ bao nae ga na ciˍ sangˍ lang ngaeˉ.

Naiˍ htangˍ 26:18

Yawng mi nuing myangˉ laˉ yao, vuingˉ vangˉ naeˉ na paek taw saˍ yao, ang chit veu laˉ naeˉ yaˇ. Ningˉ htaˍ veu muiˉ, Saˍtanˍ beu laˍ htiˍ hingˍ na paek taw saˍ yao Hpaˍcaoˍ kawngˉ laˉ naeˉ yaˇ. Hingˉ pa nae yao yawng naˍ hokˍ poiˉ naeˉ na muiˉ ya yao ga na yumˉ laˍ naeˍ hkaoˉ veu seungˍ laˍ sangˉ laˉ jiˍ changˉ uiˉ kawngˉ htuˍ yaˍ laˉ mae ya ca naeˉ yaˇ.

Naiˍ htangˍ 26:20

Kaˉ huˍ veu Daˍmaˍsaetˆ vengˍ changˍ uiˍ na baˍ upˍ, hingˉ nawngˍ veu Yeˍruˆsaˍlaemˍ vengˍ nae Yuˉdaˆ ang meungˉ hkaˉ hko laˉ hko uiˉ beu na baˍ up, Changˉ ceuˉ htiˍ baˍ uiˍ beu na muiˉ baˍ upˍ, ga ang buinˉ maˍ biˍ yaeˍ. Yawng ngaˍ aˍ sangˍ yang beu naˍ hokˍ na kuitˆ puiˉ laeˍ yao, Hpaˍcaoˍ kawngˉ hpap nga langˉ laeˍ yao, naˍ hokˍ na kuitˆ puiˉ laeˍ jiˍ uiˉ kanˉ na kuingˉ lang naeˉ uiˉ kanˉ na vaˍ taw naeˉ uiˉ saˍ laiˍ ga yawng na maˍ biˍ yaeˍ.

Naiˍ htangˍ 3:19

Haeˉ mae yao, Hpaˍcaoˍ nawng beu naˍ hokˍ hingˍ na poiˉ lawtˍ laˍ taw naeˉ uiˉ saˍ laiˍ, naˍ hokˍ na kuitˆ puiˉ laeˍ yao nuing ba penˉ laeˍ bao.

Naiˍ htangˍ 5:31

Iˉsaˍreˍlaˆ changˉ uiˉ naˍ hokˍ na kuitˆ puiˉ laeˍ yao, naˍ hokˍ poiˉ taw naeˉ uiˉ saˍ laiˍ, Hpaˍcaoˍ nawˍ yawng na up peungˍ naeˍ mangˉ hpeuˍ yao, htaiˍ awkˍ naeˍ mangˉ hpeuˍ biˍ naeˍ, yang beu laˍ maˍ kaˍ seu yang na chiˍ ta laeˍ saˍ biˍ byaˇ.

Naiˍ htangˍ 8:12

Hta yao muiˉ, Hpaˍcaoˍ beu ang meungˉ hingˉ ngaˍ Yeˍsuˆ Hkritˆ beu ang maengˉ na chaˍ lang naeˉ mawnˍ pyawˉ naeˉ uiˉ ang buinˉ tangˍ awˍ lawng Hpiˆliˆpuˆ maˍ naeˍ na yawng yumˉ nga langˉ yao, kaˍ hpaˍ yaˍ hkaˍ ba yaˍ baˆtiˆsamˍ hkamˉ yuˉ jiˉ.

Naiˍ htangˍ 8:20

Peˍtruˆ yang na ha biˍ jiˍ yang, Hpaˍcaoˍ beu lapˍ sawngˍ na hpuˉ piˍ yao ya naeˉ nae nang kuitˆ naeˉ pa nae, nang beu hpuˉ hingˉ nang kawngˉ htuˍ yaˍ laˉ mae kangˍ nga aengˉ bu.