Naiˍ htangˍ 2:22 - Pyen

²² Iˉsaˍreˍlaˆ changˉ yawng veuˉ, ciˍ tangˍ ningˍ na naˉ bao. Nawng bae jiˉ hingˉ lawˉ Hpaˍcaoˍ maˇ Naˍzaˍraet changˉ Yeˍsuˆ na cuˉ yao kanˉ ang huiˍ uiˍ nae manˍ kyaˍ uiˍ naˍ mek laek hkaˍ naˍ uiˍ na yang awˍ lawng nawng maenˍ nae ang bae yaˇ.

Naiˍ htangˍ 2:22 ပူးပေါင်းရင်းမြစ်များ

Naiˍ htangˍ 13:16

Haeˉ mae beu, Pawˉluˆ hta laˉ yao laˍ puˍ kang nae aˍ ciˍ caeoˍ jo nae ha biˍ yao, Iˉsaˍreˍlaˆ changˉ ceuˉ uiˉ nae Hpaˍcaoˍ na hkae naeˉ uiˉ changˉ ceuˉ htiˍ baˍ yawng veuˉ, naˉ baoˍ.

Naiˍ htangˍ 14:27

Yaˉ yetˍ hkeu laˉ beu, Hkritˆ yanˍ ang muˉ na haoˉ chawnˉ jiˉ. Hpaˍcaoˍ yaˉ yetˍ na cuˉ yao ha jiˉ uiˉ kanˉ na baˍ upˍ, Changˉ ceuˉ htiˍ baˍ uiˍ yumˉ taw naeˉ uiˉ saˍ laiˍ, Hpaˍcaoˍ langˉ kaw hpawng biˍ jiˍ na baˍ upˍ, yaˉ yetˍ ha biˍ jiˍ.

Naiˍ htangˍ 2:19

Buingˍ htaˍ htaˍ kaˍ seu manˍ kyaˍ htiˍ baˍ uiˍ na baˍ upˍ, tawngˍ kaˍ nuingˉ chaˍ htaˍ veu ca naeˉ siˍ, miˍ htawˍ nae miˍ hkaoˍ naˍ mek laek hkaˍ na uiˍ naˍ baˍ upˍ ga maˍ biˍ naeˍ yaˇ.

Naiˍ htangˍ 2:43

Naiˍ htangˍ yawng na manˍ kyaˍ ang byaˍ nae na mek laek hkaˍ naˍ ang byaˍ uiˍ na ha yao, changˉ ang byaˍ uiˍ manˍ yao ca jiˉ.

Naiˍ htangˍ 21:28

Iˉsaˍreˍlaˆ changˉ htiˍ baˍ yawng veuˉ, pawngˍ lui laˍ bao. Changˉ niˇ maˇ, gu changˉ ceuˉ uiˉ na baˍ upˍ, ang liˍ ang kawngˍ na baˍ upˍ, ca kyaˉ ningˉ na baˍ upˍ, ningˉ uiˉ na hu buinˉ naeˉ uiˉ saˍ laiˍ aˉ keung veu ca naeˉ changˉ uiˉ na maˍ biˍ naeˍ mangˉ changˉ htiˍ hu yaˇ. Ningˉ htaˍ veu muiˉ yang Changˉ ceuˉ htiˍ baˍ uiˍ na ang buinˉ paˉ kyaˉ cawngˉ ang huiˍ veu suiˍ langˉ yao, ang seungˍ sangˉ ningˉ na chaˍ kaeˍ kyaˍ taeng nga byaˇ nae ha biˍ jiˍ.

Naiˍ htangˍ 22:8

Ang suingˉ veuˉ, naˇ aˍ sangˍ mangˉ nae naˉ beu, yang ciˍ ngaeˉ, Gaˇ nang hkanˍ yaˍ chuiˍ yaˍ laˍ naeˍ Naˍzaˍraet changˉ Yeˍsuˆ mangˉ yaˇ nae hkai laeˍ langˍ ngaeˉ.

Naiˍ htangˍ 24:5

Changˉ niˇ maˇ ang haiˉ uiˉ changˉ hpeuˍ yao, nuingˉ chaˍ htaˍ veu cawtˍ Yuˉdaˆ changˉ uiˉ hkaˉ hko laˉ hko hpap laˉ naeˉ uiˉ saˍ laiˍ htuing biˍ naeˍ mangˉ yaˇ. Hao na hpakˍ nga aengˉ jiˉ Naˍzaˍraet ang muˉ hkaoˉ veu muiˉ, yaˇ awn hoˉ htiˍ hu mangˉ yaˇ.

Naiˍ htangˍ 26:26

Ningˉ awˍ lawng ningˉ na ang suingˉ Aˍgiˉpaˆ bae yao, ga yang na maenˍ nae hkai biˍ yao ang kaˍ yaˇ. Ningˉ ngaˍ ang paˉ veu hpeuˍ laˉ jiˉ kanˉ baˍ nae yao, ningˉ awˍ lawng na ang suingˉ baˍ kyaˍ baˍ bae nae baˍ ca laˇ nae ga ang yumˉ yaˇ.

Naiˍ htangˍ 26:9

Naˍzaˍraet changˉ Yeˍsuˆ hingˉ na haenˉ taw naeˉ uiˉ saˍ laiˍ ang byaˍ ceuˍ ha kyaˉ yaˇ nae ga maˉ manˉ ang kuitˆ laeˍ myang yaˇ.

Naiˍ htangˍ 3:12

Peˍtruˆ hingˉ na myangˉ yao, changˉ ang byaˍ uiˍ na yang ha biˍ jiˍ yang, Iˉsaˍreˍlaˆ changˉ yawng veuˉ, ba ceuˉ ha yao ningˉ awˍ lawng na nawng manˍ yao ca ngaeˇ. Changˉ ningˉ mangˉ kaˉ ba yawˍ hkiˍ jiˍ ningˉ ngaˍ gaˉ yetˍ beu laˍ htiˍ tanˉ hkoˉ nae cheˉ naeˉ kam naeˉ hingˉ hkaoˉ veu ha taw biˍ jiˍ uiˉ baˍ aˍ. Ba ceuˉ ha yao gaˉ yetˍ na hu chawk chawk langˍ ngaeˇ.

Naiˍ htangˍ 3:6

Peˍtruˆ ciˍ jiˍ yang, Ga beu hpuˉ suiˉ htiˍ ceuˍ piˍ laˍ seuˍ baˍ ca. Hta yao muiˉ, ga beu ca naeˉ ningˉ nang na piˍ laˍ vaˍ. Naˍzaˍraet changˉ Yeˍsuˆ Hkritˆ beu ang maengˉ hkaoˉ veu hta laˉ yao kaˉ ba yawˍ aengˉ baoˇ nae ha biˍ jiˍ.

Naiˍ htangˍ 4:10

nawng hkaˉ hko laˉ hko nae Iˉsaˍreˍlaˆ changˉ uiˉ hkaˉ hko laˉ hko ningˉ na bae bu. Nawng laˍ kang htaˍ veu htaˍ siˍ yao siˉ kyaˉ veu piˉ teˍ laˉ laeˍ jiˍ Hpaˍcaoˍ mangˉ Naˍzaˍraet changˉ Yeˍsuˆ Hkritˆ beu ang maengˉ pa nae, changˉ ningˉ uiˉ hpa yat pyo laˉ yao, nawng tawngˍ naˍ veu cung yao ca ngaeˉ yaˇ.

Naiˍ htangˍ 5:35

Haeˉ mae beu, yang ciˍ jiˍ yang, Iˉsaˍreˍlaˆ changˉ yawng veuˉ, changˉ ningˉ uiˉ na nawng aˉ mae ha naeˉ nawng saˍ tiˍ maenˍ nae ca bu.

Naiˍ htangˍ 6:14

Naˍzaˍraet changˉ Yeˍsuˆ ningˉ maˇ, cawngˉ ang huiˍ ningˍ na tiˍ kangˍ yao, Moˉseˍ gu na piˍ saˍ laˍ jiˍ ang liˍ ang kawngˍ htiˍ baˍ ningˍ uiˉ na penˉ na naˇ nae yang ciˍ naeˍ na gu ya kyaˍ byaˇ nae yawng ciˍ jiˍ.