Naiˍ htangˍ 19:8 - Pyen

⁸ Hingˉ nawngˍ veu, Pawˉluˆ nawˍ Yuˉdaˆ changˉ ceuˉ hpawm lang kyaˉ veu awngˉ nga laengˉ yao, nuing ba hatˆ naeˉ hkaoˉ veu sumˍ ha veu tiˍ hkeu maˍ biˍ jiˍ. Yawng kawngˉ sin cat lang yao Hpaˍcaoˍ beu ang meungˉ hingˉ na yumˉ laˉ naeˉ uiˉ saˍ laiˍ yang coˇ caˇ yao maˍ biˍ jiˍ.

Naiˍ htangˍ 19:8 ပူးပေါင်းရင်းမြစ်များ

Naiˍ htangˍ 1:3

Yang hkamˉ siˉ jiˉ nawngˍ ngeu, hanˍ cheˍ nuing hkaoˉ veu, ta peˍ uiˍ na yang ang to hingˉ piˉ myangˉ yao, Hpaˍcaoˍ beu ang meungˉ lawng hingˉ upˍ yao maˍ biˍ jiˍ. Yang a sak teˍ yaˍ yao caˉ suing ngaeˉ lawng na yumˉ naeˉ uiˉ saˍ laiˍ sak seˍ ang byaˍ ceuˍ ha yao piˉ myangˉ jiˉ.

Naiˍ htangˍ 13:14

Haeˉ mae beu, Yaˉ yetˍ Peˍraˍgeˍ vengˍ veu ca yao, Piˆsiˇdiˆ ang meungˉ Anˍtiˉokˆ vengˍ veu hkeu lui jiˉ. Vanˍ sin nuing veu yaˉ yetˍ Yuˉdaˆ changˉ ceuˉ hpawm lang kyaˉ veu lae yao duingˉ lae jiˉ.

Naiˍ htangˍ 13:46

Pawˉluˆ nae Baˍnaˍbaˆ yaˉ yetˍ nuing ba hatˆ naeˉ hkaoˉ veu ciˍ jiˍ yang, Hpaˍcaoˍ beu ang tangˍ ningˍ nawng na kaˉ huˍ veu ya upˍ kyaˍ laˍ naeˍ yaˇ. Caˇ, nawng ngaˍ Hpaˍcaoˍ beu ang tangˍ na paek taw saˍ yao, tuingˍ co tuingˍ cat a sak na ya yao baˍ kuingˍ lang nae nawng tawˉ nawng kuitˆ laeˍ yao, gaˉ yetˍ Changˉ ceuˉ htiˍ baˍ uiˍ kawngˉ lae naˇ.

Naiˍ htangˍ 14:1

Yaˉ yetˍ Iˉkawˉniˆ vengˍ veu hkeu yao, Yuˉdaˆ changˉ ceuˉ hpawm lang kyaˉ hkaoˉ veu htuˍ yaˍ laˉ mae awngˉ lae jiˉ. Hiˉ keung yaˉ yetˍ maenˍ nae maˍ biˍ yao, Yuˉdaˆ changˉ nae Heˍlaˍsaˆ changˉ uiˉ ang byaˍ yumˉ saˉ laˉ jiˉ.

Naiˍ htangˍ 17:17

Haeˉ mae yao, yaˇ Yuˉdaˆ changˉ ceuˉ hpawm lang kyaˉ veu Yuˉdaˆ changˉ nae Hpaˍcaoˍ na koˉ koiˍ naeˍ uiˉ changˉ na baˍ upˍ, cu nuing katˆ hkaoˉ veu myangˉ lang naeˉ changˉ uiˉ na baˍ up, sing lang cat lang yao ca jiˉ.

Naiˍ htangˍ 18:19

Haeˉ mae beu, yawng Eˉfeˉsuˆ vengˍ veu hkeu yao, yang yaˉ yetˍ na hingˉ keung veu chiˉ saˍ jiˍ. Yang Yuˉdaˆ changˉ ceuˉ hpawm lang kyaˉ veu awngˉ lae yao Yuˉdaˆ changˉ uiˉ kawngˉ sing cat lang ga jiˉ.

Naiˍ htangˍ 18:26

Yaˇ Yuˉdaˆ changˉ ceuˉ hpawm lang kyaˉ hkaoˉ veu nuing ba hatˆ naeˉ hkaoˉ veu tangˍ yao maˍ biˍ jiˍ. Piˉkiˉlaˆ nae Aˍkuˉlaˆ yaˉ yetˍ yang maˍ biˍ naeˍ ang tangˍ hingˍ na ya kyaˍ beu, yang na haoˉ yao Hpaˍcaoˍ beu awˍ lawng hingˉ maenˍ nae maˍ keung laeˍ biˍ jiˍ.

Naiˍ htangˍ 18:4

Cu sin Yuˉdaˆ changˉ ceuˉ uiˉ hpawm lang kyaˉ veu, Yuˉdaˆ changˉ uiˉ na baˍ up, Heˍlaˍsaˆ changˉ uiˉ na baˍ up, maˍ taw naeˉ uiˉ saˍ laiˍ yawng na sing cat sangˍ jiˍ.

Naiˍ htangˍ 19:10

Yang nyiˍ nuing pi veu hkeu ningˉ mae ha yao, Aˍsiˆ ang meungˉ hkaoˉ veu hkaˉ ca naeˉ uiˉ changˉ hkaˉ hko laˉ hko, Yuˉdaˆ changˉ na baˍ upˍ, Changˉ ceuˉ htiˍ baˍ uiˍ na baˍ upˍ, Ang suingˉ Yeˍsuˆ beu ang tangˍ hingˍ na ya kyaˍ jiˍ.

Naiˍ htangˍ 19:7

Yawng hkaˉ hko laˉ hko htiˍ cheˍ nyiˍ hu laˉ mawk ca jiˉ.

Naiˍ htangˍ 19:9

Caˇ, yawng hkaoˉ veu changˉ htiˍ baˍ baˍ nuing ba kaenˍ hka yao baˍ yumˍ. Yawng changˉ ningˉ mawk veu mae kaˍ huˍ veu Kaˉ ba ang liˍ ang kawngˍ lawng hingˉ na baˍ saˍ baˍ nyamˍ nae ciˍ jiˍ. Haeˉ mae beu, yang yawng kawngˉ awkˍ taw aengˉ yao, ta peˍ uiˍ na suiˍ yao Tuˆraˍnuˆ beu cawngˉ hkaoˉ veu cu nuing sing cat lang ga jiˉ.

Naiˍ htangˍ 20:31

Ningˉ pa nae, hawˍ yao ca voˍ. Ga nawng hkaˉ hko laˉ hko na sumˍ nuing pi veu tiˍ hkeu, muˍ hkiˍ nuing kawngˉ baˍ saoˍ baˍ duingˍ nae mae hpuiˉ taw naeˉ hkaoˉ veu saˍ tiˍ piˍ laˍ naeˍ na kuitˆ puiˉ laeo.

Naiˍ htangˍ 28:23

Haeˉ mae yao, yawng nuing hpat lang ga jiˉ. Hpat lang ga jiˉ nuing hkeu laˉ yao, Pawˉluˆ ca naeˉ hingˉ keung veu changˉ ang byaˍ laˉ chawnˉ hko jiˉ. Haeˉ mae beu, yaˇ saw hta beu tangˍ yao muˍ hkiˍ beu tiˍ hkeu Hpaˍcaoˍ beu ang meungˉ awˍ lawng saˉ hkiˉ hkamˉ yao, yawng Yeˍsuˆ na yumˉ laˉ naeˉ uiˉ saˍ laiˍ Moˉseˍ beu ang liˍ ang kawngˍ hingˍ nae pa rawˉ hpaet uiˉ beu ang laiˍ na cuˉ yao, yawng na maˍ biˍ jiˍ.