Naiˍ htangˍ 19:10 - Pyen

¹⁰ Yang nyiˍ nuing pi veu hkeu ningˉ mae ha yao, Aˍsiˆ ang meungˉ hkaoˉ veu hkaˉ ca naeˉ uiˉ changˉ hkaˉ hko laˉ hko, Yuˉdaˆ changˉ na baˍ upˍ, Changˉ ceuˉ htiˍ baˍ uiˍ na baˍ upˍ, Ang suingˉ Yeˍsuˆ beu ang tangˍ hingˍ na ya kyaˍ jiˍ.

Naiˍ htangˍ 19:10 ပူးပေါင်းရင်းမြစ်များ

Naiˍ htangˍ 13:12

Ningˉ mae hpeuˍ laˉ jiˉ hingˉ na ang suingˉ huiˍ mangˍ ya bae beu, yang yumˉ jiˉ. Aˉ mae yao nae baoˇ, Hpaˍcaoˍ maˍ biˍ jiˍ tangˍ hingˍ na yang manˍ jiˍ.

Naiˍ htangˍ 16:6

Aˍsiˆ ang meungˉ hkaoˉ veu, ang buinˉ tangˍ baˍ ya maˍ naeˍ uiˉ saˍ laiˍ, ang hkawˍ laˉ ang seungˍ sangˉ yang na haenˉ tap yao, yawng Hpuˍgiˆ ang meungˉ nae Gaˍlaˍtiˆ ang meungˉ veu hpaiˍ yao lae jiˉ.

Naiˍ htangˍ 18:11

Yang hiˉ keung htiˍ nuing pi nae hkoˍ ha ca yao, yawng na Hpaˍcaoˍ beu ang buinˉ tangˍ maˍ biˍ jiˍ.

Naiˍ htangˍ 18:4

Cu sin Yuˉdaˆ changˉ ceuˉ uiˉ hpawm lang kyaˉ veu, Yuˉdaˆ changˉ uiˉ na baˍ up, Heˍlaˍsaˆ changˉ uiˉ na baˍ up, maˍ taw naeˉ uiˉ saˍ laiˍ yawng na sing cat sangˍ jiˍ.

Naiˍ htangˍ 19:20

Hingˉ pa nae, changˉ uiˉ aˍ Hpaˍcaoˍ beu ang tangˍ hingˍ ciˍ laˉ yao, changˉ ang byaˍ uiˍ htaˍ chae nae tanˉ hkoˉ huiˍ naeˍ ang tangˍ hingˍ na yumˉ laˉ jiˉ.

Naiˍ htangˍ 19:22

Yang na pawngˍ naeˍ uiˉ htiˍ baˍ hkaoˍ veu, Tiˉmoˉseˍ nae Eˉraˍtaˆ nyiˍ hu yaˉ yetˍ na Maˍkeˍdawˉniˆ ang meungˉ veu yang piˉ aeˉ peunˉ yao, yang ang to Aˍsiˆ ang meungˉ veu tiˍ hkaoˍ tiˍ nyamˍ ca saˍ jiˍ.

Naiˍ htangˍ 19:8

Hingˉ nawngˍ veu, Pawˉluˆ nawˍ Yuˉdaˆ changˉ ceuˉ hpawm lang kyaˉ veu awngˉ nga laengˉ yao, nuing ba hatˆ naeˉ hkaoˉ veu sumˍ ha veu tiˍ hkeu maˍ biˍ jiˍ. Yawng kawngˉ sin cat lang yao Hpaˍcaoˍ beu ang meungˉ hingˉ na yumˉ laˉ naeˉ uiˉ saˍ laiˍ yang coˇ caˇ yao maˍ biˍ jiˍ.

Naiˍ htangˍ 2:9

Gu aˍ Paˍtiˆ changˉ, Meˍdiˆ changˉ, Eˉlanˍ changˉ, Meˍsoˉpoˉtaˍmiˆ ang meungˉ veu duingˉ naeˉ uiˉ changˉ, Yuˉdaˆ ang meungˉ nae Kaˍpaˍdawˆkiˆ ang meungˉ veu duingˉ naeˉ uiˉ changˉ, Poˍtuˆ ang meungˉ nae Aˍsiˆ ang meungˉ veu duingˉ naeˉ uiˉ changˉ,

Naiˍ htangˍ 20:18

Yawng yang kawngˉ hkeu laˉ beu, Pawˉluˆ yawng na ha biˍ jiˍ. Gaˇ Aˍsiˆ ang meungˉ veu kaˉ huˍ veu hkeu lui jiˉ hingˉ nuing tangˍ yao, ga nawng kawngˉ aˉ lawˍ beun muiˉ aˉ mae ha yao cangˉ ngaeˉ nae nawng ang bae yaˇ.

Naiˍ htangˍ 20:31

Ningˉ pa nae, hawˍ yao ca voˍ. Ga nawng hkaˉ hko laˉ hko na sumˍ nuing pi veu tiˍ hkeu, muˍ hkiˍ nuing kawngˉ baˍ saoˍ baˍ duingˍ nae mae hpuiˉ taw naeˉ hkaoˉ veu saˍ tiˍ piˍ laˍ naeˍ na kuitˆ puiˉ laeo.

Naiˍ htangˍ 6:9

Haeˉ mae beu, changˉ htiˍ baˍ uiˍ hta laˉ yao Saˍteˍhpanˍ na hteng lang ga jiˉ. Yawng ngaˍ caeˉ naeˉ uiˉ changˉ nae ha naeˉ Yuˉdaˆ changˉ ceuˉ hpawm lang kyaˉ na chaˍ lang naeˉ changˉ uiˉ aˍ, Kuˆreˍneˍ changˍ, Aˍleˍsaˍdraˉ changˉ, Kiˉliˉkiˆ changˉ nae Aˍsiˆ meungˉ changˉ uiˉ yaˇ.