Naiˍ htangˍ 18:5 - Pyen

⁵ Siˍlaˆ nae Tiˉmoˉseˍ Maˍkeˍdawˉniˆ ang meungˉ veu awkˍ taw luiˍ yao, Pawˉluˆ kawngˉ hkeu lui beu, ya caeˉ ang buinˉ maˍ yao, Yeˍsuˆ nawˍ Hkrit mangˍ yaˇ nae coˇ caˇ yao saˉ hkiˉ hkamˉ jiˉ.

Naiˍ htangˍ 18:5 ပူးပေါင်းရင်းမြစ်များ

Naiˍ htangˍ 10:42

Gu aˍ, changˉ niˉ mawk na ang buinˉ maˍ naeˍ uiˉ yang gu na ang tangˍ piˍ laˍ byaˇ. Ningˉ htaˍ veu muiˉ, teˍ yaˍ yao ca naeˉ uiˉ changˉ na baˍ upˍ, siˉ peunˉ jiˉ changˉ na baˍ up, Yeˍsuˆ nawˍ aˉ muˍ tatˆ naeˉ mangˉ hpeuˍ yao Hpaˍcaoˍ yang na cheˉ yao chiˉ jiˉ awˍ lawng sak seˍ hkamˉ naeˉ uiˉ muiˉ, yang gu na ang tangˍ piˍ laˍ jiˍ yaˇ.

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 16:1

Haeˉ mae beu, Pawˉluˆ nawˍ, Deˍbeˍ vengˍ nae Luˉtaˍraˆ vengˍ veu hkeu aeˉ jiˉ. Luˉtaˍraˆ vengˍ hkaoˍ veu Tiˉmoˉseˍ nae maengˉ jiˉ ta peˍ htiˍ hu ca jiˉ. Yang beu ang muing maˇ yumˉ naeˉ uiˉ changˉ Yuˉdaˆ ang ba hpeuˍ yao, yang beu ang vangˉ maˇ Heˍlaˍsaˆ changˉ hpeuˍ jiˍ.

Naiˍ htangˍ 16:12

Hingˉ vengˍ hiˍ keung ca yao awkˍ taw aengˉ yao, Hpiˆliˆpiˆ vengˍ veu hkeu lae yaeˉ. Vengˍ hingˍ nga Maˍkeˍdawˉniˆ ang meungˉ hkaoˉ veu Roˉmaˆ changˉ uiˉ chiˉ jiˉ vengˍ ang huiˍ hpeuˍ jiˍ. Gu hiˉ keung iˉ yaˍ ang mangˍ ca saˍ yaeˍ.

Naiˍ htangˍ 16:9

Muˍ hkiˍ beu Pawˉluˆ nawˍ, yuˍ paˍ yongˍ hkaoˍ veu Maˍkeˍdawˉniˆ changˉ htiˍ hu cung yao ca naeˉ na ya myangˉ jiˉ. Pawˉluˆ na paˉ yao ciˍ jiˍ yang, Maˍkeˍdawˉniˆ ang meungˉ veu laˉ yao gu na pawngˍ lao nae ha biˍ jiˍ.

Naiˍ htangˍ 17:3

Hkritˆ nawˍ tuk naeˉ hpan naeˉ hingˉ na ya hkamˉ yao, siˉ kyaˉ veu ya teˍ laˉ laeˍ nae, yawng naˉ bae beu tiˍ hkeu maˍ biˍ jiˍ. Ga nawng na hkai yao piˉ kyaˍ laˍ jiˍ ningˉ ngaˍ, Hkrit mangˍ yaˇ nae ciˍ jiˍ.

Naiˍ htangˍ 18:28

Aˉ mae yao nae baoˉ vaˍ, Yeˍsuˆ nawˍ Hkritˆ mangˍ yaˇ nae, Camˉ lik hkaoˉ veu yang maenˍ nae hpuiˉ yao maˍ biˍ yao, changˉ hkaˉ hko laˉ hko uiˉ tawngˍ naˍ veu Yuˉdaˆ changˉ htiˍ baˍ na hteng lang naeˉ hkaoˉ veu yang kaˍ yaˍ jiˍ.

Naiˍ htangˍ 2:36

Hingˉ pa nae Iˉsaˍreˍlaˆ changˉ hkaˉ hko laˉ hko ningˉ na maenˍ nae bae voˍ. Nawng laˍ kang htaˍ veu htaˍ siˍ jiˉ Yeˍsuˆ ningˉ mangˉ na Hpaˍcaoˍ nawˍ Ang suingˉ piˉ hpeuˍ laˉ jiˉ. Yaˇ Hpaˍcaoˍ sa luiˍ naeˍ nae satˉ caˉ chiˉ jiˉ Hkrit mangˍ yaˇ nae Peˍtruˆ ciˍ jiˍ.

Naiˍ htangˍ 20:21

Hpaˍcaoˍ tawngˍ na veu naˍ hokˍ na kuitˆ puiˉ laeˍ na baˍ upˍ, gu beu Yeˍsuˆ Hkritˆ na yumˉ naeˉ na baˍ upˍ, Yuˉdaˆ changˉ nae Changˉ ceuˉ htiˍ baˍ uiˍ na ga saˉ hkiˉ hkamˉ peunˉ jiˉ awˍ lawng na muiˉ nawng bae byaˇ.

Naiˍ htangˍ 20:23

Caˇ, hao hpui laˍ yao hkanˍ yaˍ chuiˍ yaˍ laˍ naeˍ uiˉ saˍ laiˍ ga na hawˍ laˍ yao cangˉ ngaeˉ yaˇ nae, cu vengˍ hkaoˍ veu Ang hkawˍ laˉ ang seungˍ sangˉ mangˉ ga na piˉ bae hko laˍ byaˇ.

Naiˍ htangˍ 20:24

Caˇ, ga ya yaw naeˍ hingˉ kaˉ ba na tawnˍ tin veu tiˍ hkeu ga yawˍ peunˍ yao, Ang suingˉ Yeˍsuˆ ga na kanˉ piˍ laˍ jiˍ lawˉ, Hpaˍcaoˍ beu ang buinˉ na chaˍ lang naeˉ uiˉ mawnˍ pyawˉ naeˉ uiˉ ang buinˉ tangˍ na saˉ hkiˉ hkamˉ peunˉ baoˉ vaˍ, ga beu a sak ningˉ ang huˍ ang hka nae gaˇ baˍ sawnˍ.

Naiˍ htangˍ 4:20

Gaˉ yetˍ aˍ myangˉ jiˉ bae jiˉ kanˉ uiˉ na baˍ maˍ baˍ upˍ nae baˍ ca taw nae tawpˍ laeˍ jiˍ.

Naiˍ htangˍ 9:22

Sawˉluˆ nawˍ ang hkawˍ laˉ kanˉ kaˉ seu ya caeˉ ca yao ya caeˉ huiˍ laˉ yao, Yeˍsuˆ nawˍ Hkrit mangˍ yaˇ nae maenˍ nae maˍ yao, Daˍmaˍsaetˆ vengˍ veu ca naeˉ changˉ uiˉ aˉ mae tawpˍ laeˍ ceuˇ nae yawng baˍ kuitˍ taw lae.