Naiˍ htangˍ 18:18 - Pyen

¹⁸ Hingˉ nawngˍ veu Pawˉluˆ Kawˉrenˍhtuˆ vengˍ veu iˉ yaˍ mangˍ ca laeˍ yao, yumˉ naeˉ saˉ naeˉ uiˉ changˉ na hpakˍ nga lang yao Suˉriˆ ang meungˉ veu heuˍ ta yao lae jiˉ. Piˉkiˉlaˆ nae Aˍkuˉlaˆ, yaˉ yetˍ muiˍ yang kawngˉ lae jiˉ. Yang saˉ caˉ chiˉ jiˉ lawˉ, Keˍcheˍ vengˍ veu hkeungˉ beu, yang beu ang tuˍ yangˍ seuk tiˍ laeˍ jiˍ.

Naiˍ htangˍ 18:18 ပူးပေါင်းရင်းမြစ်များ

Naiˍ htangˍ 1:15

Hingˉ nyamˍ hkaoˍ veu yumˉ naeˉ saˉ naeˉ uiˉ changˉ htiˍ pakˍ nyiˍ cheˍ hu laˉ mae hpawm lang yao ca jiˉ changˉ kawngˉ nuingˉ veu Peˍtruˆ hta laˉ yao hkai jiˉ yang,

Naiˍ htangˍ 15:23

Yaˉ yetˍ hanˉ nangˉ laeˍ jiˍ ang laiˍ hingˍ hkaoˉ veu ningˉ mae taemˉ jiˉ. Naiˍ htangˍ uiˍ hkaoˉ veu awn hoˉ ang kaeˍ htiˍ baˍ uiˍ nae, Anˍtiˉokˆ vengˍ, Suˉriˆ ang meungˉ nae Kiˉliˉkiˆ ang meungˉ veu duingˉ naeˉ Changˉ ceuˉ htiˍ baˍ uiˍ hkaoˉ veu yumˉ naeˉ saˉ naeˉ uiˉ changˉ htiˍ baˍ uiˍ na hak naeˉ uiˉ ang tangˍ sangˍ yao fakˍ laˍ laiˍ.

Naiˍ htangˍ 15:41

Pawˉluˆ nawˍ Suˉriˆ ang meungˉ nae Kiˉliˉkiˆ ang meungˉ hingˉ na hpaiˍ nga laengˉ yao, Hkritˆ yanˍ ang muˉ htiˍ baˍ uiˍ yiˍ naenˉ hkiˍ naeˍ uiˉ saˍ laiˍ kaˍ piˍ htaengˍ jiˍ.

Naiˍ htangˍ 18:2

Hiˉ keung veu, Poˍtuˆ ang meungˉ changˉ Aˍkuˉlaˆ nae maengˉ jiˉ Yuˉdaˆ changˉ htiˍ hu mangˉ na yang ya myangˉ lang jiˉ. Changˉ hiˉ maˇ, Yuˉdaˆ changˉ hkaˉ hko laˉ hko Roˉmaˆ vengˍ hkaoˍ veu ya awkˍ taw aengˉ naeˉ nae, ang suingˉ ang huiˍ Kaˍlawˉdiˆ ang tangˍ piˍ jiˍ pa nae, yang hkaˍ ba Piˉkiˉlaˆ yaˉ yetˍ Iˍtaˍliˍ ang meungˉ hiˉ keung veu hkeu lui lang jiˉ.

Naiˍ htangˍ 18:26

Yaˇ Yuˉdaˆ changˉ ceuˉ hpawm lang kyaˉ hkaoˉ veu nuing ba hatˆ naeˉ hkaoˉ veu tangˍ yao maˍ biˍ jiˍ. Piˉkiˉlaˆ nae Aˍkuˉlaˆ yaˉ yetˍ yang maˍ biˍ naeˍ ang tangˍ hingˍ na ya kyaˍ beu, yang na haoˉ yao Hpaˍcaoˍ beu awˍ lawng hingˉ maenˍ nae maˍ keung laeˍ biˍ jiˍ.

Naiˍ htangˍ 18:27

Aˍpawˉluˆ nawˍ Aˍhkaˍyaˆ ang meungˉ kaˉ seu hpaiˍ yao lae siˉ beu, yumˉ naeˉ saˉ naeˉ uiˉ changˉ yang na kaˍ piˍ htaengˍ yao, hingˉ pakˍ kaˍ seu ca naeˉ uiˉ yang na hap yuˉ naeˉ uiˉ saˍ laiˍ ta peˍ uiˍ na ang laiˍ taemˉ yao piˍ jiˍ. Hiˉ keung veu ca naeˉ uiˉ changˉ ngaˍ, Hpaˍcaoˍ beu ang buinˉ pa nae yumˉ saˉ laˉ jiˉ. Yang hiˉ keung veu hkeu lae beu, yawng na ang byaˍ pawngˍ van jiˉ.

Naiˍ htangˍ 21:23

Ningˉ pa nae, Nang na gu hkai laˍ jiˍ laˉ mae hao voˍ. Saˉ caˉ caˍ jiˉ uiˉ changˉ gu kawngˉ hanˍ hu ang ca yaˇ.

Naiˍ htangˍ 21:24

Yawng na haoˉ nga yao, yawng kawngˉ htuˍ yaˍ laˉ mae seungˍ sangˉ laˉ naeˉ uiˉ ang liˍ na ha aeˉ voˍ. Yawng ang tuˍ seuk tuiˉ laeˍ naeˍ uiˉ saˍ laiˍ, yawng saˍ laiˍ ang huˍ kanˍ aeˉ bu. Haeˉ mae ha baoˉ vaˍ, nang beu awˍ lawng changˉ niˉ mawk ningˉ ya kyaˍ jiˉ lawˉ baˍ ca jiˉ maˍ nae ya bae yao, nang ang to ang liˍ ang kawngˍ veu maenˍ nae yawˍ yao ca naeˍ na ya bae naeˉ yaˇ.

Naiˍ htangˍ 21:3

Kuˇpaˉruˆ cunˉ hingˉ na ya myangˉ beu, laˍ saiˍ kaˍ seu gu aeˉ naeˉ nawngˍ veu, Suˉriˆ ang meungˉ veu ta aengˉ yao, Tuˆruˆ vengˍ veu saoˍ yaeˍ. Aˉ mae yao nae baoˉ vaˍ, heuˍ htaˍ veu tangˉ nga biˍ jiˍ ang keungˍ uiˍ na hingˉ keung veu yuˉ kla saiˍ yaeˍ.