Naiˍ htangˍ 17:4 - Pyen

⁴ Yuˉdaˆ changˉ htiˍ baˍ baˍ uiˍ, yumˉ saˉ laˉ yao Pawˉluˆ nae Siˍlaˆ yaˉ yetˍ kawngˉ pawˉ saw laˉ jiˉ. Hpaˍcaoˍ na koˉ koiˍ naeˍ Heˍlaˍsaˆ changˉ uiˉ ang byaˍ yumˉ saˉ laˉ yao, ang maengˉ ang ca hkaˍ ba yaˍ htiˍ baˍ uiˍ muiˉ yumˉ yao byaˍ laˍ jiˉ.

Naiˍ htangˍ 17:4 ပူးပေါင်းရင်းမြစ်များ

Naiˍ htangˍ 13:43

Hpawm lang kyaˉ veu changˉ uiˉ hpakˍ ngangˍ lang beu, Yuˉdaˆ changˉ uiˉ nae Hpaˍcaoˍ na koˉ koiˍ naeˍ Yuˉdaˆ ang liˍ ang kawngˍ caiˍ yaˍ naeˍ uiˉ changˉ ang byaˍ Pawˉluˆ nae Baˍnaˍbaˆ kawngˉ hkeˍ aeˉ jiˉ. Hpaˍcaoˍ beu ang buinˉ hkaoˉ veu yiˍ naenˉ hkiˍ naeˍ uiˉ saˍ laiˍ, yaˉ yetˍ yawng na maˍ biˍ yao yawng na kaˍ piˍ jiˍ.

Naiˍ htangˍ 13:50

Caˇ, Yuˉdaˆ changˉ uiˉ aˍ, Hpaˍcaoˍ na saˍ nyamˉ naeˉ uiˉ laˍ htiˍ ang ca uiˉ hkaˍ ba yaˍ htiˍ baˍ uiˍ nae, vengˍ hingˍ hkaoˉ veu ca naeˉ awn hoˉ htiˍ baˍ uiˍ na htuing nga biˍ jiˍ. Pawˉluˆ nae Baˍnaˍbaˆ na hkanˍ yaˍ chuiˍ yaˍ naeˍ na yawng ya caeˉ vaˍ yao, yaˉ yetˍ na ang meungˉ hingˉ naiˍ hkaoˍ veu hkeˍ taw jiˉ.

Naiˍ htangˍ 14:1

Yaˉ yetˍ Iˉkawˉniˆ vengˍ veu hkeu yao, Yuˉdaˆ changˉ ceuˉ hpawm lang kyaˉ hkaoˉ veu htuˍ yaˍ laˉ mae awngˉ lae jiˉ. Hiˉ keung yaˉ yetˍ maenˍ nae maˍ biˍ yao, Yuˉdaˆ changˉ nae Heˍlaˍsaˆ changˉ uiˉ ang byaˍ yumˉ saˉ laˉ jiˉ.

Naiˍ htangˍ 14:4

Caˇ, vengˍ changˍ htiˍ baˍ uiˍ, nyiˍ muˍ hpeuˍ laˉ yao, htiˍ baˍ uiˉ aˍ Yuˉdaˆ changˉ uiˉ kaˉ seu ca yao, htiˍ baˍ uiˉ aˍ naiˍ htangˍ uiˍ kaˉ seu ca jiˉ.

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 15:27

Hingˉ pa nae, ang laiˍ hkaoˍ veu taemˉ jiˉ awˍ lawng ningˉ na nawng na maˍ laˍ naeˍ uiˉ saˍ laiˍ Yuˉdaˆ nae Siˍlaˆ na nawng kawngˉ sa luiˍ laˍ yaeˍ.

Naiˍ htangˍ 15:32

Yuˉdaˆ nae Siˍlaˆ yaˉ yetˍ muiˍ, pa rawˉ hpaet hpeuˍ naeˍ pa nae, yumˉ naeˉ saˉ naeˉ uiˉ changˉ uiˉ na ang byaˍ maˍ biˍ jiˍ hkaoˉ veu, kaˍ piˍ yao yawng na yiˍ naenˉ laˉ biˍ jiˍ.

Naiˍ htangˍ 15:40

Yumˉ naeˉ saˉ naeˉ changˉ uiˉ aˍ, Ang buinˉ piˍ naeˍ mangˉ Ang suingˉ Hpaˍcaoˍ beu laˍ puˍ hkaoˍ veu sa kap ha peunˉ naeˉ nawngˍ veu, Pawˉluˆ nawˍ, Siˍlaˆ na cheˉ yuˉ yao awkˍ taw aengˉ jiˉ.

Naiˍ htangˍ 16:3

Pawˉluˆ nawˍ Tiˉmoˉseˍ na yang kawngˉ suiˍ yao lae siˉ naeˉ. Yang beu ang vangˉ Heˍlaˍsaˆ changˉ hpeuˍ naeˍ na hingˉ keung veu ca naeˉ Yuˉdaˆ changˉ uiˉ bae yao, Pawˉluˆ Tiˉmoˉseˍ na ang hkaw haen biˍ jiˍ.

Naiˍ htangˍ 17:10

Yumˉ naeˉ saˉ naeˉ changˉ uiˉ muiˉ, Pawˉluˆ nae Siˍlaˆ yaˉ yetˍ na Beˍriˆ vengˍ veu muˍ hkiˍ beu piˉ aeˉ jiˉ. Yaˉ yetˍ hiˉ keung veu hkeu aeˉ beu, Yuˉdaˆ changˉ ceuˉ hpawm lang kyaˉ veu awngˉ aeˉ jiˉ.

Naiˍ htangˍ 17:12

Haeˉ mae yao, yawng hkaoˉ veu Yuˉdaˆ changˉ ang byaˍ yumˉ saˉ laˉ jiˉ. Mun hpungˇ ang ca Heˍlaˍsaˆ changˉ ceuˉ hkaˍ ba yaˍ nae kaˍ hpaˍ yaˍ htiˍ baˍ uiˍ muiˉ, yumˉ saˉ laˉ jiˉ uiˉ byaˍ yao hkeˍ laˍ jiˉ.

Naiˍ htangˍ 17:14

Haeˉ mae beu, yumˉ naeˉ saˉ naeˉ uiˉ changˉ ngaˍ, Pawˉluˆ na chaˍ maeˍ langˍ ba veu tiˍ hkeu ang vaiˍ nae piˉ lae jiˉ. Caˇ, Siˍlaˆ nae Tiˉmoˉseˍ yaˉ yetˍ na hiˉ keung veu ca saˍ biˍ jiˍ.

Naiˍ htangˍ 17:17

Haeˉ mae yao, yaˇ Yuˉdaˆ changˉ ceuˉ hpawm lang kyaˉ veu Yuˉdaˆ changˉ nae Hpaˍcaoˍ na koˉ koiˍ naeˍ uiˉ changˉ na baˍ upˍ, cu nuing katˆ hkaoˉ veu myangˉ lang naeˉ changˉ uiˉ na baˍ up, sing lang cat lang yao ca jiˉ.

Naiˍ htangˍ 17:34

Changˉ htiˍ baˍ baˍ uiˍ, yumˉ saˉ laˉ yao Pawˉluˆ kawngˉ pawˉ laˉ jiˉ. Changˉ hingˉ uiˉ htiˍ baˍ hkaoˍ veu, Daˍyawˉnaˍsiˆ nae maengˉ jiˉ Aˍreˍ miˉ kuingˍ ang suingˉ huiˍ htiˍ hu, Daˍmaˍriˆ nae maengˉ jiˉ hkaˍ ba yaˍ htiˍ hu nae awˍ htaˍ veu changˉ uiˉ muiˉ ang ca.

Naiˍ htangˍ 18:4

Cu sin Yuˉdaˆ changˉ ceuˉ uiˉ hpawm lang kyaˉ veu, Yuˉdaˆ changˉ uiˉ na baˍ up, Heˍlaˍsaˆ changˉ uiˉ na baˍ up, maˍ taw naeˉ uiˉ saˍ laiˍ yawng na sing cat sangˍ jiˍ.

Naiˍ htangˍ 19:10

Yang nyiˍ nuing pi veu hkeu ningˉ mae ha yao, Aˍsiˆ ang meungˉ hkaoˉ veu hkaˉ ca naeˉ uiˉ changˉ hkaˉ hko laˉ hko, Yuˉdaˆ changˉ na baˍ upˍ, Changˉ ceuˉ htiˍ baˍ uiˍ na baˍ upˍ, Ang suingˉ Yeˍsuˆ beu ang tangˍ hingˍ na ya kyaˍ jiˍ.

Naiˍ htangˍ 2:44

Yumˉ naeˉ saˉ naeˉ changˉ hkaˉ hko laˉ hko htiˍ muˍ laˍ mae taeng laeˍ yao, yawng beu ang keungˍ ang kawˉ uiˉ htuˍ yaˍ laˉ mae caiˍ yaˍ jiˍ.

Naiˍ htangˍ 21:28

Iˉsaˍreˍlaˆ changˉ htiˍ baˍ yawng veuˉ, pawngˍ lui laˍ bao. Changˉ niˇ maˇ, gu changˉ ceuˉ uiˉ na baˍ upˍ, ang liˍ ang kawngˍ na baˍ upˍ, ca kyaˉ ningˉ na baˍ upˍ, ningˉ uiˉ na hu buinˉ naeˉ uiˉ saˍ laiˍ aˉ keung veu ca naeˉ changˉ uiˉ na maˍ biˍ naeˍ mangˉ changˉ htiˍ hu yaˇ. Ningˉ htaˍ veu muiˉ yang Changˉ ceuˉ htiˍ baˍ uiˍ na ang buinˉ paˉ kyaˉ cawngˉ ang huiˍ veu suiˍ langˉ yao, ang seungˍ sangˉ ningˉ na chaˍ kaeˍ kyaˍ taeng nga byaˇ nae ha biˍ jiˍ.

Naiˍ htangˍ 28:24

Yang maˍ biˍ jiˍ tangˍ na changˉ htiˍ baˍ baˍ yumˉ laˉ yao, caˇ, htiˍ baˍ uiˍ baˍ yumˍ.

Naiˍ htangˍ 4:23

Peˍtruˆ nae Yoˉhanˍ yaˉ yetˍ na poiˉ awkˍ luiˍ laeˍ yao, yawng yaˍ changˍ uiˉ kawngˉ aeˉ laeˍ yao, yit pa rawˉ hek ang huiˍ uiˍ nae changˉ ceuˉ uiˉ beu ang kaeˍ uiˍ hkai lang jiˉ na kyaˍ jiˍ uiˉ na upˍ kyaˍ laeˍ biˍ jiˍ.