Naiˍ htangˍ 17:14 - Pyen

¹⁴ Haeˉ mae beu, yumˉ naeˉ saˉ naeˉ uiˉ changˉ ngaˍ, Pawˉluˆ na chaˍ maeˍ langˍ ba veu tiˍ hkeu ang vaiˍ nae piˉ lae jiˉ. Caˇ, Siˍlaˆ nae Tiˉmoˉseˍ yaˉ yetˍ na hiˉ keung veu ca saˍ biˍ jiˍ.

Naiˍ htangˍ 17:14 ပူးပေါင်းရင်းမြစ်များ

Naiˍ htangˍ 1:15

Hingˉ nyamˍ hkaoˍ veu yumˉ naeˉ saˉ naeˉ uiˉ changˉ htiˍ pakˍ nyiˍ cheˍ hu laˉ mae hpawm lang yao ca jiˉ changˉ kawngˉ nuingˉ veu Peˍtruˆ hta laˉ yao hkai jiˉ yang,

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 16:1

Haeˉ mae beu, Pawˉluˆ nawˍ, Deˍbeˍ vengˍ nae Luˉtaˍraˆ vengˍ veu hkeu aeˉ jiˉ. Luˉtaˍraˆ vengˍ hkaoˍ veu Tiˉmoˉseˍ nae maengˉ jiˉ ta peˍ htiˍ hu ca jiˉ. Yang beu ang muing maˇ yumˉ naeˉ uiˉ changˉ Yuˉdaˆ ang ba hpeuˍ yao, yang beu ang vangˉ maˇ Heˍlaˍsaˆ changˉ hpeuˍ jiˍ.

Naiˍ htangˍ 17:10

Yumˉ naeˉ saˉ naeˉ changˉ uiˉ muiˉ, Pawˉluˆ nae Siˍlaˆ yaˉ yetˍ na Beˍriˆ vengˍ veu muˍ hkiˍ beu piˉ aeˉ jiˉ. Yaˉ yetˍ hiˉ keung veu hkeu aeˉ beu, Yuˉdaˆ changˉ ceuˉ hpawm lang kyaˉ veu awngˉ aeˉ jiˉ.

Naiˍ htangˍ 17:15

Pawˉluˆ na sa aeˉ laeˍ jiˍ changˉ uiˉ aˍ, Aˍhtenˍ vengˍ veu tiˍ hkeu sa aeˉ laeˍ jiˍ. Siˍlaˆ nae Tiˉmoˉseˍ yang kawngˉ ang vaiˍ nae laˉ naeˉ uiˉ saˍ laiˍ, Pawˉluˆ yawng na ang tangˍ sangˍ yao yawng muiˉ laˉ laeˍ jiˍ.

Naiˍ htangˍ 17:4

Yuˉdaˆ changˉ htiˍ baˍ baˍ uiˍ, yumˉ saˉ laˉ yao Pawˉluˆ nae Siˍlaˆ yaˉ yetˍ kawngˉ pawˉ saw laˉ jiˉ. Hpaˍcaoˍ na koˉ koiˍ naeˍ Heˍlaˍsaˆ changˉ uiˉ ang byaˍ yumˉ saˉ laˉ yao, ang maengˉ ang ca hkaˍ ba yaˍ htiˍ baˍ uiˍ muiˉ yumˉ yao byaˍ laˍ jiˉ.

Naiˍ htangˍ 17:6

Yaˉ yetˍ na baˍ saˍ myangˉ nga nae yao, Yaˍsonˍ nae yang beu yumˉ naeˉ saˉ naeˉ uiˉ changˉ htiˍ baˍ na upˆ peungˍ naeˍ uiˉ kawngˉ chuingˉ nga laengˉ yao ciˍ jiˍ. Nuingˉ chaˍ hkaˉ hko laˉ hko na tiˍ suk tiˍ sak laˍ naeˍ uiˉ htiˍ baˍ uiˍ, ningˉ keung muiˉ hkeu lui byaˇ.

Naiˍ htangˍ 18:5

Siˍlaˆ nae Tiˉmoˉseˍ Maˍkeˍdawˉniˆ ang meungˉ veu awkˍ taw luiˍ yao, Pawˉluˆ kawngˉ hkeu lui beu, ya caeˉ ang buinˉ maˍ yao, Yeˍsuˆ nawˍ Hkrit mangˍ yaˇ nae coˇ caˇ yao saˉ hkiˉ hkamˉ jiˉ.

Naiˍ htangˍ 19:22

Yang na pawngˍ naeˍ uiˉ htiˍ baˍ hkaoˍ veu, Tiˉmoˉseˍ nae Eˉraˍtaˆ nyiˍ hu yaˉ yetˍ na Maˍkeˍdawˉniˆ ang meungˉ veu yang piˉ aeˉ peunˉ yao, yang ang to Aˍsiˆ ang meungˉ veu tiˍ hkaoˍ tiˍ nyamˍ ca saˍ jiˍ.

Naiˍ htangˍ 20:3

Pawˉluˆ hiˉ keung veu sumˍ ha laˍ mawk ca peunˉ yao, heuˍ ta yao Suˉriˆ ang meungˉ veu aeˉ laeˍ naeˍ nae ca jiˉ. Haeˉ mae beu, Yuˉdaˆ changˉ uiˉ yang na saeˍ naeˍ uiˉ kanˉ sing lang jiˉ pa nae, Maˍkeˍdawˉniˆ ang meungˉ kaˉ seu aeˉ laeˍ naeˍ nae yang kuitˆ yao chiˉ jiˉ.

Naiˍ htangˍ 9:25

yang beu ta peˍ uiˍ muˍ hkiˍ veu Sawˉluˆ na suiˍ yao, hkongˍ longˍ veu kan yao vengˍ kamˉ htuikˍ htaˍ veu yang na poiˉ taw aeˉ jiˉ.

Naiˍ htangˍ 9:30

Hingˉ awˍ lawng na yumˉ naeˉ saˉ naeˉ uiˉ changˉ yaˍ kyaˍ beu, yang na Kaeˉsaˍriˆ vengˍ veu suiˍ aengˉ yao Taˍsuˆ vengˍ veu hkeu yang na piˉ aeˉ laeˍ jiˍ.