Naiˍ htangˍ 17:10 - Pyen

¹⁰ Yumˉ naeˉ saˉ naeˉ changˉ uiˉ muiˉ, Pawˉluˆ nae Siˍlaˆ yaˉ yetˍ na Beˍriˆ vengˍ veu muˍ hkiˍ beu piˉ aeˉ jiˉ. Yaˉ yetˍ hiˉ keung veu hkeu aeˉ beu, Yuˉdaˆ changˉ ceuˉ hpawm lang kyaˉ veu awngˉ aeˉ jiˉ.

Naiˍ htangˍ 17:10 ပူးပေါင်းရင်းမြစ်များ

Naiˍ htangˍ 1:15

Hingˉ nyamˍ hkaoˍ veu yumˉ naeˉ saˉ naeˉ uiˉ changˉ htiˍ pakˍ nyiˍ cheˍ hu laˉ mae hpawm lang yao ca jiˉ changˉ kawngˉ nuingˉ veu Peˍtruˆ hta laˉ yao hkai jiˉ yang,

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 17:1

Hingˉ nawngˍ veu, Pawˉluˆ nae Siˍlaˆ yaˉ yetˍ Aˍhpiˉpawˉliˆ vengˍ nae Aˍpawˉlawˉniˆ vengˍ hingˍ na hpaiˍ yao, Hteˉsaˍlawˉniˆ vengˍ veu hkeu lae jiˉ. Hiˉ keung veu Yuˉdaˆ changˉ yawng beu Yuˉdaˆ changˉ ceuˉ hpawm lang kyaˉ ang ca.

Naiˍ htangˍ 17:2

Pawˉluˆ yang ha myang jiˉ laˉ mae, yawng kawngˉ awngˉ lae yao, sumˍ sin veu tiˍ hkeu camˉ lik na cuˉ yao yawng kawngˉ sin cat lang yao ca jiˉ.

Naiˍ htangˍ 17:4

Yuˉdaˆ changˉ htiˍ baˍ baˍ uiˍ, yumˉ saˉ laˉ yao Pawˉluˆ nae Siˍlaˆ yaˉ yetˍ kawngˉ pawˉ saw laˉ jiˉ. Hpaˍcaoˍ na koˉ koiˍ naeˍ Heˍlaˍsaˆ changˉ uiˉ ang byaˍ yumˉ saˉ laˉ yao, ang maengˉ ang ca hkaˍ ba yaˍ htiˍ baˍ uiˍ muiˉ yumˉ yao byaˍ laˍ jiˉ.

Naiˍ htangˍ 17:6

Yaˉ yetˍ na baˍ saˍ myangˉ nga nae yao, Yaˍsonˍ nae yang beu yumˉ naeˉ saˉ naeˉ uiˉ changˉ htiˍ baˍ na upˆ peungˍ naeˍ uiˉ kawngˉ chuingˉ nga laengˉ yao ciˍ jiˍ. Nuingˉ chaˍ hkaˉ hko laˉ hko na tiˍ suk tiˍ sak laˍ naeˍ uiˉ htiˍ baˍ uiˍ, ningˉ keung muiˉ hkeu lui byaˇ.

Naiˍ htangˍ 20:4

Pawˉluˆ kawngˉ aeˉ jiˉ changˉ uiˉ, Beˍriˆ vengˍ changˍ Pawˉluˆ beu ang yaˍ Sawˉpaˍtaˍruˆ, Hteˉsaˍlawˉniˆ vengˍ changˍ, Aˍriˍtaˍhkuˆ nae Seˍkuˍduˆ, Deˍbeˍ vengˍ changˍ Gaˍyuˆ, Aˍsiˆ ang meungˉ changˉ Tuˆhkiˆ nae Taˍroˆhpeˍ nae Tiˉmoˉseˍ yawng yaˇ.

Naiˍ htangˍ 9:20

Yeˍsuˆ nawˍ Hpaˍcaoˍ beu Ang yaˍ mangˍ yaˇ nae tiˍ chitˍ nae hkaoˉ veu Yuˉdaˆ changˉ ceuˉ hpawm lang kyaˉ veu yang ang buinˉ tangˍ maˍ jiˍ.

Naiˍ htangˍ 9:25

yang beu ta peˍ uiˍ muˍ hkiˍ veu Sawˉluˆ na suiˍ yao, hkongˍ longˍ veu kan yao vengˍ kamˉ htuikˍ htaˍ veu yang na poiˉ taw aeˉ jiˉ.