Naiˍ htangˍ 16:9 - Pyen

⁹ Muˍ hkiˍ beu Pawˉluˆ nawˍ, yuˍ paˍ yongˍ hkaoˍ veu Maˍkeˍdawˉniˆ changˉ htiˍ hu cung yao ca naeˉ na ya myangˉ jiˉ. Pawˉluˆ na paˉ yao ciˍ jiˍ yang, Maˍkeˍdawˉniˆ ang meungˉ veu laˉ yao gu na pawngˍ lao nae ha biˍ jiˍ.

Naiˍ htangˍ 16:9 ပူးပေါင်းရင်းမြစ်များ

Naiˍ htangˍ 10:3

Htiˍ nuing hingˉ ngang beu, muˍ hkiˍ sumˍ naˍ riˍ veu Hpaˍcaoˍ beu buingˍ htaˍ naiˍ htangˍ htiˍ hu yuˍ paˍ yongˍ hkaoˍ veu yang kawngˉ luingˉ jiˉ na yang ya myangˉ jiˉ. Buingˍ htaˍ naiˍ htangˍ maˇ Kawˉneˍliˆ veuˉ, nae yang na haoˉ jiˉ.

Naiˍ htangˍ 10:30

Kawˉneˍliˆ ha biˍ jiˍ yang, Caeˉ langˉ saˍ jiˍ hanˍ nuing veu, miˍ hkiˍ sumˍ sumˍ naˍ riˍ ningˉ nyamˍ veu, ga yumˉ veu ang buinˉ paˉ yao ca yaeˉ. Haeˉ mae beu, ang chit ang pa ang kaˍ tum tum nga laeˍ jiˍ changˉ htiˍ hu ga tawngˍ na veu chung yao ciˍ ngaeˉ.

Naiˍ htangˍ 16:10

Yuˍ paˍ yongˍ hkaoˍ veu yang ningˉ mae ya myangˉ peunˉ yao, Maˍkeˍdawˉniˆ changˉ na mawnˍ pyawˉ naeˉ uiˉ ang buinˉ tangˍ maˍ naeˍ uiˉ saˍ laiˍ, Hpaˍcaoˍ gu na haoˉ ngangˉ laˍ jaˇ nae ya bae yao, htiˍ chitˍ nae Maˍkeˍdawˉniˆ ang meungˉ veu ya aeˉ naeˉ uiˉ saˍ lai gu ha yae.

Naiˍ htangˍ 16:12

Hingˉ vengˍ hiˍ keung ca yao awkˍ taw aengˉ yao, Hpiˆliˆpiˆ vengˍ veu hkeu lae yaeˉ. Vengˍ hingˍ nga Maˍkeˍdawˉniˆ ang meungˉ hkaoˉ veu Roˉmaˆ changˉ uiˉ chiˉ jiˉ vengˍ ang huiˍ hpeuˍ jiˍ. Gu hiˉ keung iˉ yaˍ ang mangˍ ca saˍ yaeˍ.

Naiˍ htangˍ 18:5

Siˍlaˆ nae Tiˉmoˉseˍ Maˍkeˍdawˉniˆ ang meungˉ veu awkˍ taw luiˍ yao, Pawˉluˆ kawngˉ hkeu lui beu, ya caeˉ ang buinˉ maˍ yao, Yeˍsuˆ nawˍ Hkrit mangˍ yaˇ nae coˇ caˇ yao saˉ hkiˉ hkamˉ jiˉ.

Naiˍ htangˍ 19:21

Ningˉ uiˉ hpeuˍ peunˍ laˉ naeˉ nawngˍ veu, Pawˉluˆ yang beu nuing ba hkaoˉ veu kuitˆ yao chiˉ jiˉ. Maˍkeˍdawˉniˆ ang meungˉ nae Aˍhkaˍyaˆ ang meungˉ na hpaiˍ peunˍ nga laengˉ yao, Yeˍruˆsaˍlaemˍ vengˍ veu lae naeˉ. Yang ciˍ jiˍ, Ga hingˉ keung veu hkeu peunˉ lae yao Roˉmaˆ vengˍ veu muiˉ ga ya aeˉ naeˉ nae ciˍ jiˍ.

Naiˍ htangˍ 19:22

Yang na pawngˍ naeˍ uiˉ htiˍ baˍ hkaoˍ veu, Tiˉmoˉseˍ nae Eˉraˍtaˆ nyiˍ hu yaˉ yetˍ na Maˍkeˍdawˉniˆ ang meungˉ veu yang piˉ aeˉ peunˉ yao, yang ang to Aˍsiˆ ang meungˉ veu tiˍ hkaoˍ tiˍ nyamˍ ca saˍ jiˍ.

Naiˍ htangˍ 19:29

Hingˉ mae ha yao, vengˍ hingˍ hkaoˉ veu baˍ taepˍ baˍ yuing nae htiˍ puing hpeuˍ laˉ yao, Pawˉluˆ kawngˉ hkeˍ cangˉ naeˉ uiˉ Maˍkeˍdawˉniˆ changˉ Gaˍyuˆ nae Aˍriˍtaˍhkuˆ nae mangˉ yaˉ yetˍ na yawng kuinˍ awngˍ yao, changˉ ang byaˍ myangˉ lang kyaˉ hingˉ keung huinˍ awngˍ nga laengˉ jiˉ.

Naiˍ htangˍ 20:1

Baˍ taepˍ baˍ yuing nae hingˉ kyap nga aengˉ yao, Pawˉluˆ nawˍ, ta peˍ uiˍ na haoˉ yao kaˍ piˍ peunˍ yao, yawng na hpakˍ lang yao Maˍkeˍdawˉniˆ ang meungˉ veu lae jiˉ.

Naiˍ htangˍ 20:3

Pawˉluˆ hiˉ keung veu sumˍ ha laˍ mawk ca peunˉ yao, heuˍ ta yao Suˉriˆ ang meungˉ veu aeˉ laeˍ naeˍ nae ca jiˉ. Haeˉ mae beu, Yuˉdaˆ changˉ uiˉ yang na saeˍ naeˍ uiˉ kanˉ sing lang jiˉ pa nae, Maˍkeˍdawˉniˆ ang meungˉ kaˉ seu aeˉ laeˍ naeˍ nae yang kuitˆ yao chiˉ jiˉ.

Naiˍ htangˍ 27:2

Aˍsiˆ ang meungˉ hkaoˉ veu chaˍ maeˍ lang ba htang veu ca naeˉ vengˍ uiˍ beu aeˉ naeˉ uiˉ, Aˍdaˍmuˆtiˆ vengˍ changˍ uiˍ beu heuˍ uiˍ na gu ta yao lae yaeˉ. Maˍkeˍdawˉniˆ ang meungˉ hkaoˉ veu Hteˉsaˍlawˉniˆ vengˍ changˍ Aˍriˍtaˍhkuˆ muiˉ, gu kawngˉ ngaeˉ jiˉ yaˇ.

Naiˍ htangˍ 9:38

Luˆdaˆ vengˍ nae Yuˆpeˍ vengˍ na duiˍ naeˍ yao, Peˍtruˆ Luˆdaˆ vengˍ veu ca naeˉ awˍ lawng na ta peˍ uiˍ kyaˍ beu, yawng changˉ nyiˍ hu na tawk yaˍ yao, ang nyamˍ ningˍ hkaoˉ veu gu kawngˉ ang vaiˍ nae lui laˍ bao nae yaˉ yetˍ yang na paˉ lae jiˉ.