Naiˍ htangˍ 16:6 - Pyen

⁶ Aˍsiˆ ang meungˉ hkaoˉ veu, ang buinˉ tangˍ baˍ ya maˍ naeˍ uiˉ saˍ laiˍ, ang hkawˍ laˉ ang seungˍ sangˉ yang na haenˉ tap yao, yawng Hpuˍgiˆ ang meungˉ nae Gaˍlaˍtiˆ ang meungˉ veu hpaiˍ yao lae jiˉ.

Naiˍ htangˍ 16:6 ပူးပေါင်းရင်းမြစ်များ

Naiˍ htangˍ 10:19

Peˍtruˆ nawˍ, yuˍ paˍ yongˍ hkaoˍ veu yang myangˉ jiˉ hingˉ na kuitˆ puiˉ laeˍ beu, Ang hkawˍ laˉ yang na ciˍ sangˍ jiˍ yang. Changˉ sumˍ hu nang na saˉ langˍ ngaeˇ.

Naiˍ htangˍ 11:12

Nuing ba htawˉ nawtˆ kuitˆ naeˉ uiˉ baˍ ca nae, yawng kawngˉ htuˍ yaˍ laˉ mae aeˉ voˍ nae, Ang hkawˍ laˉ ga na ha laˍ ngaeˉ. Ang pawngˍ aiˉ hkoˍ hu uiˉ muiˉ ga kawngˉ htuˍ yaˍ laˉ mae aeˉ yao Kawˉneˍliˆ beu yumˉ veu awngˉ aeˉ yaeˉ.

Naiˍ htangˍ 16:7

Muˆsiˆ ang meungˉ veu hkeu lae beu, Beˍtuˆniˆ ang meungˉ hkaoˉ veu awngˉ lae naeˉ nae kuitˆ yao muiˉ, Yeˍsuˆ beu ang hkawˍ laˉ mangˉ yawng na aˉ hkvangˍ baˍ piˍ.

Naiˍ htangˍ 18:23

Hiˉ keung veu iˉ yaˍ mangˍ ca yao, yang awkˍ taw aengˉ laeˍ yao, Gaˍlaˍtiˆ ang meungˉ nae Hpuˍgiˆ ang meungˉ hkaoˉ veu htiˍ tawngˍ peunˉ yao htiˍ tawngˍ ta peˍ uiˍ na kaˍ piˍ htaengˍ lae jiˉ.

Naiˍ htangˍ 19:10

Yang nyiˍ nuing pi veu hkeu ningˉ mae ha yao, Aˍsiˆ ang meungˉ hkaoˉ veu hkaˉ ca naeˉ uiˉ changˉ hkaˉ hko laˉ hko, Yuˉdaˆ changˉ na baˍ upˍ, Changˉ ceuˉ htiˍ baˍ uiˍ na baˍ upˍ, Ang suingˉ Yeˍsuˆ beu ang tangˍ hingˍ na ya kyaˍ jiˍ.

Naiˍ htangˍ 20:16

Pawˉluˆ nawˍ Aˍsiˆ ang meungˉ veu ang mangˍ nae baˍ ya ca naeˉ uiˉ saˍ laiˍ, Eˉfeˉsuˆ vengˍ veu baˍ saoˍ nae lae lotˍ lotˍ yao kaˉ huˍ veu lae naeˉ nae yang kuitˆ chae laeˍ jiˍ. Ang kaˍ taw nae baoˉ vaˍ, Peˍteˍkoˆteˍ nuing veu Yeˍruˆsaˍlaemˍ vengˍ veu ya ca taw naeˉ uiˉ saˍ laiˍ, yang ang vaiˍ nae lae siˉ naeˉ.

Naiˍ htangˍ 20:28

Nawng ngaˍ aˍ sangˍ yang beu ang to na baˍ upˍ, soˉ ang muˉ hkaˉ hko laˉ hko na baˍ upˍ, maenˍ nae hak sa laˍ voˍ. Ang suingˉ Hpaˍcaoˍ nawˍ, yang beu siˍ nae vuiˉ jiˉ ang muˉ na piˉ caˍ piˉ tangˉ naeˉ uiˉ saˍ laiˍ, Ang hkawˍ laˉ ang seungˍ sangˉ nawng na piˉ hak sa laˍ naeˍ uiˉ piˉ hpeuˍ laˍ byaˇ.

Naiˍ htangˍ 20:4

Pawˉluˆ kawngˉ aeˉ jiˉ changˉ uiˉ, Beˍriˆ vengˍ changˍ Pawˉluˆ beu ang yaˍ Sawˉpaˍtaˍruˆ, Hteˉsaˍlawˉniˆ vengˍ changˍ, Aˍriˍtaˍhkuˆ nae Seˍkuˍduˆ, Deˍbeˍ vengˍ changˍ Gaˍyuˆ, Aˍsiˆ ang meungˉ changˉ Tuˆhkiˆ nae Taˍroˆhpeˍ nae Tiˉmoˉseˍ yawng yaˇ.

Naiˍ htangˍ 21:27

Cetˍ nuing hingˉ saˉ puing laˉ beu, Aˍsiˆ ang meungˉ veu laˉ jiˉ Yuˉdaˆ changˉ htiˍ baˍ uiˉ aˍ, Pawˉluˆ na ang buinˉ paˉ kyaˉ cawngˉ ang huiˍ hkaoˍ veu ya myangˉ yao, changˉ ang muˉ uiˉ na htuing lae biˍ jiˍ. Haeˉ mae beu, yawng Pawˉluˆ na hpui peunˉ yao haoˉ yao ciˍ jiˍ yang,

Naiˍ htangˍ 6:9

Haeˉ mae beu, changˉ htiˍ baˍ uiˍ hta laˉ yao Saˍteˍhpanˍ na hteng lang ga jiˉ. Yawng ngaˍ caeˉ naeˉ uiˉ changˉ nae ha naeˉ Yuˉdaˆ changˉ ceuˉ hpawm lang kyaˉ na chaˍ lang naeˉ changˉ uiˉ aˍ, Kuˆreˍneˍ changˍ, Aˍleˍsaˍdraˉ changˉ, Kiˉliˉkiˆ changˉ nae Aˍsiˆ meungˉ changˉ uiˉ yaˇ.

Naiˍ htangˍ 8:29

Haeˉ mae beu, Hpiˆliˆpuˆ na Ang hkawˍ laˉ mangˉ ciˍ sangˍ jiˍ. Aˍ mawngˍ lawˍ lawˍ hingˍ mangˉ kawngˉ htuˍ yaˍ laˉ mae aeˉ voˍ nae.