Naiˍ htangˍ 15:8 - Pyen

⁸ Nuing ba na bae naeˉ Hpaˍcaoˍ maˇ, gu na Ang hkawˍ laˉ ang seungˍ sangˉ piˍ laˉ jiˍ lawˉ, yawng na muiˉ piˍ naeˍ hkaoˉ veu, yawng ya muiˉ hap yuˉ naeˉ nae saˉ hkiˉ hkamˉ jiˉ.

Naiˍ htangˍ 15:8 ပူးပေါင်းရင်းမြစ်များ

Naiˍ htangˍ 1:24

Yawng ang buinˉ paˉ yao ciˍ jiˍ yang, Changˉ yaˍ hkaˉ hko laˉ hko beu nuing ba na bae yao ca naeˉ mangˉ Hpaˍcaoˍ veuˉ, Yuˉdaˆ maˇ ta peˍ beu aˉ yaˍ na paek taw saˍ yao yang ca kyaˉ hingˉ keung laengˉ laeˍ yao siˉ byaˇ. Yang beu kanˉ na vaˍ laeˍ naeˍ uiˉ saˍ laiˍ, ta peˍ beu aˉ yaˍ hingˍ na ya naeˉ uiˉ saˍ laiˍ nyiˍ hu ningˉ hkaoˉ veu nang cheˉ yuˉ yao chiˉ jiˉ htiˍ hu mangˉ na maˍ lao nae ang buinˉ paˉ jiˉ.

Naiˍ htangˍ 10:47

Haeˉ mae beu, Peˍtruˆ ciˍ jiˍ. Gu Ang hkawˍ laˉ ang seungˍ sangˉ ya jiˉ lawˉ, Ang hkawˍ laˉ ang seungˍ sangˉ ya jiˉ uiˉ changˉ uiˉ na langˉ hkaoˉ veu baˆtiˆsamˍ ya piˍ naeˍ, aˍ sangˍ jeuˇ haenˉ tap taw naeˉ nae naˉ jiˉ.

Naiˍ htangˍ 14:3

Yaˉ yetˍ hiˉ keung veu ang mangˍ ca yao, Yeˍsuˆ hkaoˉ veu nuing ba hatˆ nae taeng nga laeˍ yao maˍ biˍ jiˍ. Ang suingˉ Yeˍsuˆ muiˉ, yaˉ yetˍ na cuˉ yao na mek laek hkaˍ naˍ ha taw naeˉ uiˉ laˍ htiˍ tanˇ hkoˇ uiˉ piˍ naeˍ hkaoˉ veu yang beu ang buinˉ tangˍ maˍ naeˍ uiˉ ang tangˍ saˍ laiˍ saˉ hkiˉ hkamˉ jiˉ.

Naiˍ htangˍ 15:28

Ya hpaeˉ saˍ naeˍ uiˉ ang ceuˉ htiˍ baˍ uiˉ aˍ, awˍ htaˍ veu kanˉ uiˉ nawng htaˍ veu baˍ yaˍ hkeu lui naeˉ uiˉ saˍ laiˍ, Ang hkawˍ laˉ ang seungˍ sangˉ muiˉ, gu muiˉ nuing ba ang capˆ yaˇ.

Naiˍ htangˍ 2:4

Changˉ hkaˉ hko laˉ hko uiˉ hkaoˉ veu Ang hkawˍ laˉ ang seungˍ sangˉ puing laˉ yao, Ang hkawˍ laˉ maˇ yawng na piˉ ciˍ piˉ htamˉ jiˉ laˉ mae hao changˉ ceuˉ uiˉ beu ciˍ tangˍ uiˍ ciˍ jiˍ.

Naiˍ htangˍ 4:31

Haeˉ mae ang buinˉ paˉ peunˉ yao, yawng cu lang kyaˉ hingˉ uin an laˉ jiˉ. Yawng ngaˍ Ang hkawˍ laˉ ang seungˍ sangˉ nae puing kawˉ yao Hpaˍcaoˍ beu ang buinˉ tangˍ na nuing ba hatˆ hatˆ nae maˍ jiˍ.