Naiˍ htangˍ 15:7 - Pyen

⁷ Awˍ lawng ningˉ na ang byaˍ cangˍ sing cat peunˉ lang yao, Peˍtruˆ hta laˉ yao yawng na ha biˍ jiˍ yang, Yaˍ changˍ mawngˉ namˉ yawng veuˉ, ga pa nae yao Changˉ ceuˉ htiˍ baˍ uiˍ mawnˍ pyawˉ naeˉ ang buinˉ tangˍ na ya kyaˍ yao yumˉ naeˉ uiˉ saˍ laiˍ, kaˉ huˍ veu nae nawng hkaoˉ veu Hpaˍcaoˍ ga na cheˉ yuˉ laˍ jiˍ na nawng ang bae yaˇ.

Naiˍ htangˍ 15:7 ပူးပေါင်းရင်းမြစ်များ

Naiˍ htangˍ 1:16

Yaˍ changˍ mawngˉ namˉ yawng veuˉ, Camˉ lik hkaoˉ veu taemˉ yao chiˉ jiˉ ningˉ ngaˍ ya puing laˉ naeˉ maˉ manˉ yaˇ. Hingˉ ngaˍ aˉ lumˍ nae baoˉ vaˍ, Yeˍsuˆ na hpui naeˉ uiˉ changˉ na kaˉ ba maˍ biˍ naeˍ mangˉ Yuˉdaˆ lawng hingˉ na kaˉ huˍ veu muiˉ Ang hkawˍ laˉ ang seungˍ sangˉ Daˍvet beu miˍ tu na cuˉ yao ciˍ saˍ jiˍ hingˉ tangˍ yaˇ.

Naiˍ htangˍ 1:24

Yawng ang buinˉ paˉ yao ciˍ jiˍ yang, Changˉ yaˍ hkaˉ hko laˉ hko beu nuing ba na bae yao ca naeˉ mangˉ Hpaˍcaoˍ veuˉ, Yuˉdaˆ maˇ ta peˍ beu aˉ yaˍ na paek taw saˍ yao yang ca kyaˉ hingˉ keung laengˉ laeˍ yao siˉ byaˇ. Yang beu kanˉ na vaˍ laeˍ naeˍ uiˉ saˍ laiˍ, ta peˍ beu aˉ yaˍ hingˍ na ya naeˉ uiˉ saˍ laiˍ nyiˍ hu ningˉ hkaoˉ veu nang cheˉ yuˉ yao chiˉ jiˉ htiˍ hu mangˉ na maˍ lao nae ang buinˉ paˉ jiˉ.

Naiˍ htangˍ 10:19

Peˍtruˆ nawˍ, yuˍ paˍ yongˍ hkaoˍ veu yang myangˉ jiˉ hingˉ na kuitˆ puiˉ laeˍ beu, Ang hkawˍ laˉ yang na ciˍ sangˍ jiˍ yang. Changˉ sumˍ hu nang na saˉ langˍ ngaeˇ.

Naiˍ htangˍ 10:20

Hta laˉ yao aeˉ bao. Nuing ba htawˇ kuitˆ nawtˆ kuitˆ nae baˍ ca jo. Yawng kawngˉ aeˉ voˍ. Aˉ mae yao nae baoˇ, ga yawng na sa luiˍ yaeˍ yaˇ nae ciˍ sangˍ jiˍ.

Naiˍ htangˍ 13:2

Yawng Ang suingˉ Hpaˍcaoˍ na koˉ koiˍ yao ang caˍ cheˉ yao ca beu, Ang hkawˍ laˉ ang seungˍ sangˉ ciˍ jiˍ. Ga piˉ vaˍ jiˍ kanˉ na Baˍnaˍbaˆ nae Sawˉluˆ vaˍ naeˍ uiˉ saˍ laiˍ, yaˉ yetˍ na cheˉ yuˉ yao chiˉ voˍ nae ha biˍ jiˍ.

Naiˍ htangˍ 15:14

Hpaˍcaoˍ nawˍ, kaˉ hu veu, Changˉ ceuˉ htiˍ baˍ uiˍ beu changˉ htiˍ baˍ uiˍ na yang beu changˉ ceuˉ hpeuˍ laˍ naeˍ uiˉ saˍ laiˍ cheˉ yuˉ yao yawng na saˍ kyaˍ kyaˍ jiˍ uiˉ awˍ lawng Siˉmunˍ hkai yao maˍ laˍ byaˇ.

Naiˍ htangˍ 15:2

Pawˉluˆ nae Baˍnaˍbaˆ changˉ hingˉ uiˉ na baˍ yaˍ lang nae hteng peunˉ lang yao, awˍ lawng ningˉ na naˉ lae hu naeˉ nae, Hkritˆ yanˍ ang muˉ, Pawˉluˆ Baˍnaˍbaˆ nae awˍ htaˍ veu changˉ uiˉ na cheˉ yuˉ yao, Yeˍruˆsaˍlaemˍ vengˍ veu ca naeˉ naiˍ htangˍ uiˍ awn hoˉ yaˍ mangˍ htiˍ baˍ uiˍ kawngˉ piˉ lae jiˉ.

Naiˍ htangˍ 15:39

Haeˉ mae yao, hingˉ lawng hingˉ pa nae, yaˉ yetˍ baˍ yaˍ lang nae hpakˍ nga lang jiˉ. Baˍnaˍbaˆ nawˍ Maˍkuˆ na suiˍ yao, Kuˇpaˉruˆ cunˉ veu heuˍ ta aengˉ jiˉ.

Naiˍ htangˍ 20:24

Caˇ, ga ya yaw naeˍ hingˉ kaˉ ba na tawnˍ tin veu tiˍ hkeu ga yawˍ peunˍ yao, Ang suingˉ Yeˍsuˆ ga na kanˉ piˍ laˍ jiˍ lawˉ, Hpaˍcaoˍ beu ang buinˉ na chaˍ lang naeˉ uiˉ mawnˍ pyawˉ naeˉ uiˉ ang buinˉ tangˍ na saˉ hkiˉ hkamˉ peunˉ baoˉ vaˍ, ga beu a sak ningˉ ang huˍ ang hka nae gaˇ baˍ sawnˍ.

Naiˍ htangˍ 21:16

Kaeˉsaˍriˆ vengˍ veu ca naeˉ uiˉ taˍ peˍ htiˍ baˍ uiˍ gu kawngˉ htuˍ yaˍ laˉ mae lae yao, Maˍnaˍsonˍ nae maengˉ jiˉ changˉ hiˉ mangˉ kawngˉ yuˍ naeˍ nae, gu na yang kawngˉ suiˍ yao sa lae langˍ ngaeˉ. Yaˇ ta peˍ hpeuˍ yaeˍ mangˍ ngangˍ jiˉ uiˉ changˉ htiˍ hu yaˇ.

Naiˍ htangˍ 3:18

Hpaˍcaoˍ nawˍ yang beu Hkritˆ ya tuk ya hpan naeˉ nae yang beu pa rawˉ hpaet uiˉ na cuˉ yao kaˉ huˍ veu nae ciˍ jiˍ lawˉ yang hingˉ lawˉ vaˍ puing byaˇ.

Naiˍ htangˍ 4:25

Naˇ Ang hkawˍ laˉ ang seungˍ sangˉ na cuˉ yao, nang beu yaˍ cenˍ gu beu a vangˉ Daˍvet beu miˍ tu veu ningˉ mae ciˍ jiˍ. Ba ceuˉ ha yao Changˉ ceuˉ htiˍ baˍ uiˍ nuing ba inˍ chuiˍ chuiˉ laˍ naeˇ. Ba ceuˉ ha yao changˉ ang byaˍ uiˍ ang buinˉ baˍ ca nae uiˉ na kuitˆ yao vaˍ naeˇ.

Naiˍ htangˍ 9:15

Caˇ, Ang suingˉ Yeˍsuˆ yang na ha biˍ jiˍ yang, Aeˉ bao, aˉ mae yao nae baoˉ vaˍ, changˉ hiˉ maˇ, Changˉ ceuˉ htiˍ baˍ uiˍ kawngˉ nae ang suingˉ mae nuing suiˍ huˍ veu na baˍ upˍ, ga beu ang maengˉ na maˍ yao lae naeˉ uiˉ yaˇ ga cheˉ yuˉ jiˉ mangˉ hpeuˍ naeˍ yaˇ.