Naiˍ htangˍ 15:4 - Pyen

⁴ Yawng Yeˍruˆsaˍlaemˍ vengˍ veu hkeu lui beu, Hkritˆ yanˍ ang muˉ, naiˍ htangˍ uiˍ nae, awn hoˉ yaˍ mangˍ htiˍ baˍ uiˍ yawng na hap yuˉ jiˉ. Haeˉ mae beu, Hpaˍcaoˍ yaˉ yetˍ na caiˍ yaˍ jiˍ uiˉ kanˉ, hkaˉ vaˍ jiˍ uiˉ kanˉ hkaˉ hko laˉ hko yaˉ yetˍ muiˍ yawng na hkai bae biˍ jiˍ.

Naiˍ htangˍ 15:4 ပူးပေါင်းရင်းမြစ်များ

Naiˍ htangˍ 11:30

Yawng kuitˆ chae lae yao chiˉ jiˉ laˉ mae ha peunˉ yao, Baˍnaˍbaˆ nae Sawˉluˆ laˍ puˍ hkaoˍ veu awnˍ hoˉ yaˍ manˍ uiˍ htiˍ baˍ na fakˍ laeˍ biˍ jiˍ.

Naiˍ htangˍ 14:27

Yaˉ yetˍ hkeu laˉ beu, Hkritˆ yanˍ ang muˉ na haoˉ chawnˉ jiˉ. Hpaˍcaoˍ yaˉ yetˍ na cuˉ yao ha jiˉ uiˉ kanˉ na baˍ upˍ, Changˉ ceuˉ htiˍ baˍ uiˍ yumˉ taw naeˉ uiˉ saˍ laiˍ, Hpaˍcaoˍ langˉ kaw hpawng biˍ jiˍ na baˍ upˍ, yaˉ yetˍ ha biˍ jiˍ.

Naiˍ htangˍ 15:12

Haeˉ mae beu, hkaˉ hpawm laˉ jiˉ uiˉ changˉ uiˉ kyapˆ nae ca jiˉ. Baˍnaˍbaˆ nae Pawˉluˆ yaˉ yetˍ na Hpaˍcaoˍ laˍ htiˍ tanˇ hkoˇ piˍ yao, Changˉ ceuˉ htiˍ baˍ uiˍ kawngˉ manˍ kyaˍ na mek laek hkaˍ naˍ uiˍ na hkaˉ ha jiˉ uiˉ awˍ lawng na yaˉ yetˍ ha biˍ naeˍ na yawng naˉ jiˉ.

Naiˍ htangˍ 15:2

Pawˉluˆ nae Baˍnaˍbaˆ changˉ hingˉ uiˉ na baˍ yaˍ lang nae hteng peunˉ lang yao, awˍ lawng ningˉ na naˉ lae hu naeˉ nae, Hkritˆ yanˍ ang muˉ, Pawˉluˆ Baˍnaˍbaˆ nae awˍ htaˍ veu changˉ uiˉ na cheˉ yuˉ yao, Yeˍruˆsaˍlaemˍ vengˍ veu ca naeˉ naiˍ htangˍ uiˍ awn hoˉ yaˍ mangˍ htiˍ baˍ uiˍ kawngˉ piˉ lae jiˉ.

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 15:3

Haeˉ mae yao, Hkritˆ yanˍ ang muˉ yawng na piˉ aeˉ beu, yawng ngaˍ Hpiˆniˆ ang meungˉ nae Saˍmaˍriˆ ang meungˉ na hpaiˍ jiˍ. Haeˉ mae beu, Changˉ ceuˉ htiˍ baˍ uiˍ nuing ba penˉ laˉ laeˍ jiˍ awˍ lawng na hkai bae biˍ yao, yumˉ naeˉ saˉ naeˉ uiˉ changˉ uiˉ mawnˍ saˉ jiˉ.

Naiˍ htangˍ 15:6

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ awˍ lawng ningˉ na sing lang naeˉ nae hpawm lang ga jiˉ.

Naiˍ htangˍ 16:4

Yawng vengˍ htiˍ baˍ uiˍ beu hpaiˍ yao aeˉ beu, Yeˍruˆsaˍlaemˍ vengˍ veu ca naeˉ naiˍ htangˍ uiˍ nae changˉ awn hoˉ uiˉ tatˆ chae yao chiˉ jiˉ hingˉ uiˉ na vaˍ yao lae naeˉ uiˉ saˍ laiˍ, htiˍ chaˍ yawng na upˍ kyaˍ biˍ jiˍ.

Naiˍ htangˍ 18:27

Aˍpawˉluˆ nawˍ Aˍhkaˍyaˆ ang meungˉ kaˉ seu hpaiˍ yao lae siˉ beu, yumˉ naeˉ saˉ naeˉ uiˉ changˉ yang na kaˍ piˍ htaengˍ yao, hingˉ pakˍ kaˍ seu ca naeˉ uiˉ yang na hap yuˉ naeˉ uiˉ saˍ laiˍ ta peˍ uiˍ na ang laiˍ taemˉ yao piˍ jiˍ. Hiˉ keung veu ca naeˉ uiˉ changˉ ngaˍ, Hpaˍcaoˍ beu ang buinˉ pa nae yumˉ saˉ laˉ jiˉ. Yang hiˉ keung veu hkeu lae beu, yawng na ang byaˍ pawngˍ van jiˉ.

Naiˍ htangˍ 21:17

Gu Yeˍruˆsaˍlaemˍ vengˍ veu hkeu lae beu, yaˍ changˍ mawngˉ namˉ uiˉ gu na mawnˍ mawnˍ saˍ saˉ hap yuˉ langˍ ngaeˉ.

Naiˍ htangˍ 21:19

Pawˉluˆ nawˍ yawng na laˍ puˍ kuinˍ lang jiˉ ang tangˍ ciˍ peunˍ lang yao, yang kanˉ vaˍ jiˍ hkaoˉ veu Changˉ ceuˉ htiˍ baˍ uiˍ saˍ laiˍ Hpaˍcaoˍ peunˍ cawngˉ jiˉ uiˉ kanˉ htiˍ baˍ uiˍ awˍ lawng, htiˍ ceuˍ peunˉ yao htiˍ ceuˍ yawng na maˍ biˍ jiˍ.