Naiˍ htangˍ 15:30 - Pyen

³⁰ Yawng hanˍ hu awkˍ taw aengˉ yao Anˍtiˉokˆ vengˍ veu hkeu aeˉ beu, yumˉ saˉ naeˉ uiˉ changˉ ang byaˍ uiˍ na haoˉ chawnˉ yao, yawng na ang laiˍ hingˍ piˍ jiˍ.

Naiˍ htangˍ 15:30 ပူးပေါင်းရင်းမြစ်များ

Naiˍ htangˍ 11:19

Haeˉ mae beu, Saˍteˍhpanˍ na tangˍ yao hkanˍ yaˍ chuiˍ yaˍ jiˍ na ya hkamˉ jiˉ pa, Yeˍruˆsaˍlaemˍ vengˍ hkaoˍ veu ca naeˉ yumˉ naeˉ saˉ naeˉ uiˉ changˉ ang byaˍ hpakˍ lang yao, Hpiˆniˆ ang meungˉ, Kuˇpaˉruˆ cunˉ nae Anˍtiˉokˆ vengˍ veu tiˍ hkeu aeˉ yao, Yuˉdaˆ changˉ uiˉ na yawng ang buinˉ tangˍ maˍ biˍ jiˍ.

Naiˍ htangˍ 11:20

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.

Naiˍ htangˍ 11:27

Ang nyamˍ hingˍ uiˉ hkaoˉ veu, Hpaˍcaoˍ beu pa rawˉ hpaet htiˍ baˍ uiˍ Yeˍruˆsaˍlaemˍ vengˍ nae Anˍtiˉokˆ vengˍ veu laˉ jiˉ.

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 15:31

Ang laiˍ hingˍ na ang tangˍ haenˍ nae hpatˆ beu, yawng na kaˍ piˍ htaengˍ jiˍ pa nae mawnˍ pyawˉ jiˉ.

Naiˍ htangˍ 16:4

Yawng vengˍ htiˍ baˍ uiˍ beu hpaiˍ yao aeˉ beu, Yeˍruˆsaˍlaemˍ vengˍ veu ca naeˉ naiˍ htangˍ uiˍ nae changˉ awn hoˉ uiˉ tatˆ chae yao chiˉ jiˉ hingˉ uiˉ na vaˍ yao lae naeˉ uiˉ saˍ laiˍ, htiˍ chaˍ yawng na upˍ kyaˍ biˍ jiˍ.

Naiˍ htangˍ 21:22

Hingˉ pa nae, aˉ mae ha naeˇ, nang hkeu lui jiˉ awˍ lawng ningˉ na yawng maˉ manˉ kyaˍ naeˍ uiˉ yaˇ.

Naiˍ htangˍ 23:33

Aˍ mawngˍ ta naeˉ luk suitˆ uiˉ aˍ, Kaeˉsaˍriˆ vengˍ veu hkeu lae beu, ang suingˉ huiˍ mangˍ na ang laiˍ piˍ yao, Pawˉluˆ na muiˉ yang kawngˉ suiˍ luingˉ yao chiˉ jiˉ.

Naiˍ htangˍ 6:2

Haeˉ mae beu, naiˍ htangˍ htiˍ cheˍ nyiˍ hu uiˉ aˍ ta peˍ hkaˉ hko laˉ hko uiˉ na haoˉ chawnˉ yao ha biˍ jiˍ. Gu Hpaˍcaoˍ beu kanˉ na paek nga saˍ yao caˍ keungˍ tangˍ kawˉ peungˍ naeˍ uiˉ kanˉ na vaˍ naeˍ ningˉ ngaˍ baˍ yaˍ.