Naiˍ htangˍ 15:22 - Pyen

²² Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 15:22 ပူးပေါင်းရင်းမြစ်များ

Naiˍ htangˍ 1:23

Haeˉ mae yao, yawng changˉ nyiˍ hu beu ang maengˉ na haoˉ jiˉ. Yoˉsaep nae maengˉ jiˉ htiˍ hu maˇ hao yang na Yuˉtuˆ nae muiˉ haoˉ yao htiˍ baˍ baˍ yang na Baˍsaˍbaˆ nae maengˉ jiˉ. Nyiˍ hu htiˍ hu maˇ Maˍhtiˆ nae maengˉ jiˉ.

Naiˍ htangˍ 11:19

Haeˉ mae beu, Saˍteˍhpanˍ na tangˍ yao hkanˍ yaˍ chuiˍ yaˍ jiˍ na ya hkamˉ jiˉ pa, Yeˍruˆsaˍlaemˍ vengˍ hkaoˍ veu ca naeˉ yumˉ naeˉ saˉ naeˉ uiˉ changˉ ang byaˍ hpakˍ lang yao, Hpiˆniˆ ang meungˉ, Kuˇpaˉruˆ cunˉ nae Anˍtiˉokˆ vengˍ veu tiˍ hkeu aeˉ yao, Yuˉdaˆ changˉ uiˉ na yawng ang buinˉ tangˍ maˍ biˍ jiˍ.

Naiˍ htangˍ 11:20

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.

Naiˍ htangˍ 11:22

Ningˉ awˍ lawng ningˉ na Yeˍruˆsaˍlaemˍ vengˍ hkaoˍ veu ca naeˉ Hkritˆ yanˍ ang muˉ uiˉ ya kyaˍ beu, Baˍnaˍbaˆ na Anˍtiˉokˆ vengˍ veu piˉ aeˉ jiˉ.

Naiˍ htangˍ 11:27

Ang nyamˍ hingˍ uiˉ hkaoˉ veu, Hpaˍcaoˍ beu pa rawˉ hpaet htiˍ baˍ uiˍ Yeˍruˆsaˍlaemˍ vengˍ nae Anˍtiˉokˆ vengˍ veu laˉ jiˉ.

Naiˍ htangˍ 15:23

Yaˉ yetˍ hanˉ nangˉ laeˍ jiˍ ang laiˍ hingˍ hkaoˉ veu ningˉ mae taemˉ jiˉ. Naiˍ htangˍ uiˍ hkaoˉ veu awn hoˉ ang kaeˍ htiˍ baˍ uiˍ nae, Anˍtiˉokˆ vengˍ, Suˉriˆ ang meungˉ nae Kiˉliˉkiˆ ang meungˉ veu duingˉ naeˉ Changˉ ceuˉ htiˍ baˍ uiˍ hkaoˉ veu yumˉ naeˉ saˉ naeˉ uiˉ changˉ htiˍ baˍ uiˍ na hak naeˉ uiˉ ang tangˍ sangˍ yao fakˍ laˍ laiˍ.

Naiˍ htangˍ 15:25

Ningˉ pa nae yao, gu sing lang cat lang yao, nuing ba htiˍ suiˍ laˍ mae taengˍ nga laeˍ yao, nawng kawngˉ lae naeˉ uiˉ saˍ laiˍ changˉ nyiˍ hu cheˉ yuˉ yaeˉ. Gu beu Ang suingˉ Yeˍsuˆ Hkritˆ saˍ laiˍ aˍ sangˍ yang beu a sak na tanˍ na jiˉ gu hak naeˉ Baˍnaˍbaˆ nae Pawˉluˆ kawngˉ yaˉ yetˍ na piˉ lae jiˉ.

Naiˍ htangˍ 15:27

Hingˉ pa nae, ang laiˍ hkaoˍ veu taemˉ jiˉ awˍ lawng ningˉ na nawng na maˍ laˍ naeˍ uiˉ saˍ laiˍ Yuˉdaˆ nae Siˍlaˆ na nawng kawngˉ sa luiˍ laˍ yaeˍ.

Naiˍ htangˍ 15:3

Haeˉ mae yao, Hkritˆ yanˍ ang muˉ yawng na piˉ aeˉ beu, yawng ngaˍ Hpiˆniˆ ang meungˉ nae Saˍmaˍriˆ ang meungˉ na hpaiˍ jiˍ. Haeˉ mae beu, Changˉ ceuˉ htiˍ baˍ uiˍ nuing ba penˉ laˉ laeˍ jiˍ awˍ lawng na hkai bae biˍ yao, yumˉ naeˉ saˉ naeˉ uiˉ changˉ uiˉ mawnˍ saˉ jiˉ.

Naiˍ htangˍ 15:30

Yawng hanˍ hu awkˍ taw aengˉ yao Anˍtiˉokˆ vengˍ veu hkeu aeˉ beu, yumˉ saˉ naeˉ uiˉ changˉ ang byaˍ uiˍ na haoˉ chawnˉ yao, yawng na ang laiˍ hingˍ piˍ jiˍ.

Naiˍ htangˍ 15:32

Yuˉdaˆ nae Siˍlaˆ yaˉ yetˍ muiˍ, pa rawˉ hpaet hpeuˍ naeˍ pa nae, yumˉ naeˉ saˉ naeˉ uiˉ changˉ uiˉ na ang byaˍ maˍ biˍ jiˍ hkaoˉ veu, kaˍ piˍ yao yawng na yiˍ naenˉ laˉ biˍ jiˍ.

Naiˍ htangˍ 15:40

Yumˉ naeˉ saˉ naeˉ changˉ uiˉ aˍ, Ang buinˉ piˍ naeˍ mangˉ Ang suingˉ Hpaˍcaoˍ beu laˍ puˍ hkaoˍ veu sa kap ha peunˉ naeˉ nawngˍ veu, Pawˉluˆ nawˍ, Siˍlaˆ na cheˉ yuˉ yao awkˍ taw aengˉ jiˉ.

Naiˍ htangˍ 16:19

Yang beu yumˉ suingˉ htiˍ baˍ uiˉ aˍ, yawng ca pang laˉ naeˉ nyamˍ baˍ ca jiˉ laˉ nae kuitˆ bae laeˍ beu, Pawˉluˆ nae Siˍlaˆ yaˉ yetˍ na yawng hpui yao, changˉ myangˉ lang kyaˉ veu ang suingˉ htiˍ baˍ uiˍ kawngˉ chuingˉ nga laengˉ jiˉ.

Naiˍ htangˍ 16:25

Muˍ hkiˍ tiˍ hkuinˍ laˉ mawk ngang beu Pawˉluˆ nae Siˍlaˆ yaˉ yetˍ ang buinˉ paˉ yao Hpaˍcaoˍ na cheuˉ yao chiˍ mawng yao ca jiˉ. Htawngˉ hkaoˉ veu ca naeˉ changˉ uiˉ yaˉ yetˍ beu ang tangˍ hingˍ na naˉ yao ca jiˉ.

Naiˍ htangˍ 16:29

Haeˉ mae beu, htawngˉ changˉ awn hoˉ maˇ, yang beu changˉ uiˉ na miˍ htawˍ cawˍ luiˍ lao nae haoˉ yao huinˍ awngˍ nga laengˉ jiˉ. Yang hkae did did naeˉ hkaoˉ veu Pawˉluˆ nae Siˍlaˆ yaˉ yetˍ tawngˍ naˍ veu bawk ngangˉ lae jiˉ.

Naiˍ htangˍ 17:10

Yumˉ naeˉ saˉ naeˉ changˉ uiˉ muiˉ, Pawˉluˆ nae Siˍlaˆ yaˉ yetˍ na Beˍriˆ vengˍ veu muˍ hkiˍ beu piˉ aeˉ jiˉ. Yaˉ yetˍ hiˉ keung veu hkeu aeˉ beu, Yuˉdaˆ changˉ ceuˉ hpawm lang kyaˉ veu awngˉ aeˉ jiˉ.

Naiˍ htangˍ 17:14

Haeˉ mae beu, yumˉ naeˉ saˉ naeˉ uiˉ changˉ ngaˍ, Pawˉluˆ na chaˍ maeˍ langˍ ba veu tiˍ hkeu ang vaiˍ nae piˉ lae jiˉ. Caˇ, Siˍlaˆ nae Tiˉmoˉseˍ yaˉ yetˍ na hiˉ keung veu ca saˍ biˍ jiˍ.

Naiˍ htangˍ 17:4

Yuˉdaˆ changˉ htiˍ baˍ baˍ uiˍ, yumˉ saˉ laˉ yao Pawˉluˆ nae Siˍlaˆ yaˉ yetˍ kawngˉ pawˉ saw laˉ jiˉ. Hpaˍcaoˍ na koˉ koiˍ naeˍ Heˍlaˍsaˆ changˉ uiˉ ang byaˍ yumˉ saˉ laˉ yao, ang maengˉ ang ca hkaˍ ba yaˍ htiˍ baˍ uiˍ muiˉ yumˉ yao byaˍ laˍ jiˉ.

Naiˍ htangˍ 18:5

Siˍlaˆ nae Tiˉmoˉseˍ Maˍkeˍdawˉniˆ ang meungˉ veu awkˍ taw luiˍ yao, Pawˉluˆ kawngˉ hkeu lui beu, ya caeˉ ang buinˉ maˍ yao, Yeˍsuˆ nawˍ Hkrit mangˍ yaˇ nae coˇ caˇ yao saˉ hkiˉ hkamˉ jiˉ.

Naiˍ htangˍ 8:14

Saˍmaˍriˆ changˉ uiˉ Hpaˍcaoˍ beu ciˍ tangˍ na hap yuˉ naeˉ awˍ lawng Yeˍruˆsaˍlaemˍ vengˍ hkaoˍ veu ca naeˉ naiˍ htangˍ uiˍ ya kyaˍ yao, yawng Peˍtruˆ nae Yoˉhanˍ na hingˉ keung veu piˉ lae jiˉ.