Naiˍ htangˍ 15:2 - Pyen

² Pawˉluˆ nae Baˍnaˍbaˆ changˉ hingˉ uiˉ na baˍ yaˍ lang nae hteng peunˉ lang yao, awˍ lawng ningˉ na naˉ lae hu naeˉ nae, Hkritˆ yanˍ ang muˉ, Pawˉluˆ Baˍnaˍbaˆ nae awˍ htaˍ veu changˉ uiˉ na cheˉ yuˉ yao, Yeˍruˆsaˍlaemˍ vengˍ veu ca naeˉ naiˍ htangˍ uiˍ awn hoˉ yaˍ mangˍ htiˍ baˍ uiˍ kawngˉ piˉ lae jiˉ.

Naiˍ htangˍ 15:2 ပူးပေါင်းရင်းမြစ်များ

Naiˍ htangˍ 10:23

Haeˉ mae yao, Peˍtruˆ yawng na haoˉ awngˉ yao yumˉ veu maenˍ piˉ saoˍ jiˍ. Saw hta paenˉ laˉ yao yawng kawngˉ htuˍ yaˍ laˉ mae aeˉ jiˉ. Yuˆpeˍ vengˍ hkaoˍ veu ca naeˉ yumˉ naeˉ saˉ naeˉ changˉ uiˉ muiˉ yang kawngˉ lae jiˉ.

Naiˍ htangˍ 11:12

Nuing ba htawˉ nawtˆ kuitˆ naeˉ uiˉ baˍ ca nae, yawng kawngˉ htuˍ yaˍ laˉ mae aeˉ voˍ nae, Ang hkawˍ laˉ ga na ha laˍ ngaeˉ. Ang pawngˍ aiˉ hkoˍ hu uiˉ muiˉ ga kawngˉ htuˍ yaˍ laˉ mae aeˉ yao Kawˉneˍliˆ beu yumˉ veu awngˉ aeˉ yaeˉ.

Naiˍ htangˍ 11:30

Yawng kuitˆ chae lae yao chiˉ jiˉ laˉ mae ha peunˉ yao, Baˍnaˍbaˆ nae Sawˉluˆ laˍ puˍ hkaoˍ veu awnˍ hoˉ yaˍ manˍ uiˍ htiˍ baˍ na fakˍ laeˍ biˍ jiˍ.

Naiˍ htangˍ 15:25

Ningˉ pa nae yao, gu sing lang cat lang yao, nuing ba htiˍ suiˍ laˍ mae taengˍ nga laeˍ yao, nawng kawngˉ lae naeˉ uiˉ saˍ laiˍ changˉ nyiˍ hu cheˉ yuˉ yaeˉ. Gu beu Ang suingˉ Yeˍsuˆ Hkritˆ saˍ laiˍ aˍ sangˍ yang beu a sak na tanˍ na jiˉ gu hak naeˉ Baˍnaˍbaˆ nae Pawˉluˆ kawngˉ yaˉ yetˍ na piˉ lae jiˉ.

Naiˍ htangˍ 15:27

Hingˉ pa nae, ang laiˍ hkaoˍ veu taemˉ jiˉ awˍ lawng ningˉ na nawng na maˍ laˍ naeˍ uiˉ saˍ laiˍ Yuˉdaˆ nae Siˍlaˆ na nawng kawngˉ sa luiˍ laˍ yaeˍ.

Naiˍ htangˍ 15:4

Yawng Yeˍruˆsaˍlaemˍ vengˍ veu hkeu lui beu, Hkritˆ yanˍ ang muˉ, naiˍ htangˍ uiˍ nae, awn hoˉ yaˍ mangˍ htiˍ baˍ uiˍ yawng na hap yuˉ jiˉ. Haeˉ mae beu, Hpaˍcaoˍ yaˉ yetˍ na caiˍ yaˍ jiˍ uiˉ kanˉ, hkaˉ vaˍ jiˍ uiˉ kanˉ hkaˉ hko laˉ hko yaˉ yetˍ muiˍ yawng na hkai bae biˍ jiˍ.

Naiˍ htangˍ 16:4

Yawng vengˍ htiˍ baˍ uiˍ beu hpaiˍ yao aeˉ beu, Yeˍruˆsaˍlaemˍ vengˍ veu ca naeˉ naiˍ htangˍ uiˍ nae changˉ awn hoˉ uiˉ tatˆ chae yao chiˉ jiˉ hingˉ uiˉ na vaˍ yao lae naeˉ uiˉ saˍ laiˍ, htiˍ chaˍ yawng na upˍ kyaˍ biˍ jiˍ.

Naiˍ htangˍ 21:18

Kaˉ nawngˍ veu htiˍ nuing hingˉ ngang beu, Pawˉluˆ nawˍ gu kawngˉ htuˍ yaˍ lawˉ, Yaˍkok kawngˉ lae yao, awn hoˉ yaˍ mangˍ uiˍ hkaˉ hko laˉ hko muiˉ hpawm lang yao ca jiˉ.