Naiˍ htangˍ 14:23 - Pyen

²³ Yawng ang caˍ cheˉ yao, ang buinˉ paˉ naeˉ hkaoˉ veu, Hkritˆ yanˍ ang muˉ kaˉ hko laˉ hko saˍ laiˍ awnˍ hoˉ yaˍ manˍ htiˍ baˍ uiˍ na cheˉ taw yao, yawng yumˉ yao ca naeˉ Ang suingˉ Hpaˍcaoˍ beu laˍ puˍ hkaoˍ veu ap yao piˍ jiˍ.

Naiˍ htangˍ 14:23 ပူးပေါင်းရင်းမြစ်များ

Naiˍ htangˍ 1:24

Yawng ang buinˉ paˉ yao ciˍ jiˍ yang, Changˉ yaˍ hkaˉ hko laˉ hko beu nuing ba na bae yao ca naeˉ mangˉ Hpaˍcaoˍ veuˉ, Yuˉdaˆ maˇ ta peˍ beu aˉ yaˍ na paek taw saˍ yao yang ca kyaˉ hingˉ keung laengˉ laeˍ yao siˉ byaˇ. Yang beu kanˉ na vaˍ laeˍ naeˍ uiˉ saˍ laiˍ, ta peˍ beu aˉ yaˍ hingˍ na ya naeˉ uiˉ saˍ laiˍ nyiˍ hu ningˉ hkaoˉ veu nang cheˉ yuˉ yao chiˉ jiˉ htiˍ hu mangˉ na maˍ lao nae ang buinˉ paˉ jiˉ.

Naiˍ htangˍ 11:30

Yawng kuitˆ chae lae yao chiˉ jiˉ laˉ mae ha peunˉ yao, Baˍnaˍbaˆ nae Sawˉluˆ laˍ puˍ hkaoˍ veu awnˍ hoˉ yaˍ manˍ uiˍ htiˍ baˍ na fakˍ laeˍ biˍ jiˍ.

Naiˍ htangˍ 14:26

Hiˉ keung veu heuˍ ta yao, Suˉriˆ ang meungˉ Anˍtiˉokˆ vengˍ veu aeˉ laeˍ jiˍ. Vengˍ hingˍ hkaoˉ veu caeˉ langˉ saˍ beu yaˉ yetˍ Hpaˍcaoˍ beu kanˉ vaˍ naeˍ uiˉ saˍ laiˍ, ang buinˉ piˍ jiˉ mangˉ Hpaˍcaoˍ beu laˍ puˍ hkaoˍ veu, hao yaˉ yetˍ na ap yao piˍ saˍ jiˍ. Ya muiˉ kanˉ hingˉ na yaˉ yetˍ vaˍ puing byaˇ.

Naiˍ htangˍ 15:23

Yaˉ yetˍ hanˉ nangˉ laeˍ jiˍ ang laiˍ hingˍ hkaoˉ veu ningˉ mae taemˉ jiˉ. Naiˍ htangˍ uiˍ hkaoˉ veu awn hoˉ ang kaeˍ htiˍ baˍ uiˍ nae, Anˍtiˉokˆ vengˍ, Suˉriˆ ang meungˉ nae Kiˉliˉkiˆ ang meungˉ veu duingˉ naeˉ Changˉ ceuˉ htiˍ baˍ uiˍ hkaoˉ veu yumˉ naeˉ saˉ naeˉ uiˉ changˉ htiˍ baˍ uiˍ na hak naeˉ uiˉ ang tangˍ sangˍ yao fakˍ laˍ laiˍ.

Naiˍ htangˍ 15:4

Yawng Yeˍruˆsaˍlaemˍ vengˍ veu hkeu lui beu, Hkritˆ yanˍ ang muˉ, naiˍ htangˍ uiˍ nae, awn hoˉ yaˍ mangˍ htiˍ baˍ uiˍ yawng na hap yuˉ jiˉ. Haeˉ mae beu, Hpaˍcaoˍ yaˉ yetˍ na caiˍ yaˍ jiˍ uiˉ kanˉ, hkaˉ vaˍ jiˍ uiˉ kanˉ hkaˉ hko laˉ hko yaˉ yetˍ muiˍ yawng na hkai bae biˍ jiˍ.

Naiˍ htangˍ 15:6

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ awˍ lawng ningˉ na sing lang naeˉ nae hpawm lang ga jiˉ.

Naiˍ htangˍ 20:17

Pawˉluˆ nawˍ Meˍleˍtuˆ vengˍ veu ca yao, Eˉfeˉsuˆ vengˍ veu changˉ na caiˍ yao, Hkritˆ yanˍ ang muˉ awn hoˉ yaˍ mangˍ uiˍ na piˉ haoˉ aeˉ jiˉ.

Naiˍ htangˍ 20:32

Gaˇ, ya muiˉ nawng na Hpaˍcaoˍ beu laˍ puˍ hkaoˍ veu nae yang beu ang buinˉ huiˍ naeˍ tangˍ hkaoˍ veu ap laˍ naeˍ yaˇ. Ang buinˉ huiˍ naeˍ ang tangˍ hingˍ nga, nawng na huiˍ laˉ mawng laˉ laˍ hkiˍ yao, seungˍ sangˉ ngangˉ laˉ jiˉ changˉ uiˉ kawngˉ htuˍ yaˍ laˉ mae nawng na ca kyaˉ piˍ laˍ hkiˍ naeˍ yaˇ.