Naiˍ htangˍ 14:1 - Pyen

¹ Yaˉ yetˍ Iˉkawˉniˆ vengˍ veu hkeu yao, Yuˉdaˆ changˉ ceuˉ hpawm lang kyaˉ hkaoˉ veu htuˍ yaˍ laˉ mae awngˉ lae jiˉ. Hiˉ keung yaˉ yetˍ maenˍ nae maˍ biˍ yao, Yuˉdaˆ changˉ nae Heˍlaˍsaˆ changˉ uiˉ ang byaˍ yumˉ saˉ laˉ jiˉ.

Naiˍ htangˍ 14:1 ပူးပေါင်းရင်းမြစ်များ

Naiˍ htangˍ 11:21

Ang suingˉ Hpaˍcaoˍ beu laˍ htiˍ tanˉ hkoˇ yawng kawngˉ htuˍ yaˍ laˉ mae ca yao, changˉ ang byaˍ yumˉ saˉ laˉ yao Ang suingˉ Yeˍsuˆ kawngˉ hpap yao lui laeˍ jiˍ.

Naiˍ htangˍ 13:43

Hpawm lang kyaˉ veu changˉ uiˉ hpakˍ ngangˍ lang beu, Yuˉdaˆ changˉ uiˉ nae Hpaˍcaoˍ na koˉ koiˍ naeˍ Yuˉdaˆ ang liˍ ang kawngˍ caiˍ yaˍ naeˍ uiˉ changˉ ang byaˍ Pawˉluˆ nae Baˍnaˍbaˆ kawngˉ hkeˍ aeˉ jiˉ. Hpaˍcaoˍ beu ang buinˉ hkaoˉ veu yiˍ naenˉ hkiˍ naeˍ uiˉ saˍ laiˍ, yaˉ yetˍ yawng na maˍ biˍ yao yawng na kaˍ piˍ jiˍ.

Naiˍ htangˍ 13:46

Pawˉluˆ nae Baˍnaˍbaˆ yaˉ yetˍ nuing ba hatˆ naeˉ hkaoˉ veu ciˍ jiˍ yang, Hpaˍcaoˍ beu ang tangˍ ningˍ nawng na kaˉ huˍ veu ya upˍ kyaˍ laˍ naeˍ yaˇ. Caˇ, nawng ngaˍ Hpaˍcaoˍ beu ang tangˍ na paek taw saˍ yao, tuingˍ co tuingˍ cat a sak na ya yao baˍ kuingˍ lang nae nawng tawˉ nawng kuitˆ laeˍ yao, gaˉ yetˍ Changˉ ceuˉ htiˍ baˍ uiˍ kawngˉ lae naˇ.

Naiˍ htangˍ 13:5

Kuˇpaˉruˆ cunˉ Saˍlaˍmiˆ vengˍ veu yaˇ yetˍ hkeu lae beu, Yuˉdaˆ changˉ uiˉ beu hpawm lang kyaˉ hkaoˉ veu htiˍ baˍ uiˍ beu Hpaˍcaoˍ beu ang buinˉ tangˍ maˍ biˍ jiˍ. Yoˉhanˍ muiˍ yaˉ yetˍ na pawngˍ van jiˉ.

Naiˍ htangˍ 13:51

Yaˉ yetˍ aˍ changˉ hingˉ uiˉ htaˍ veu nuing ba baˍ capˍ nae uiˉ na maˍ bae biˍ naeˍ uiˉ saˍ laiˍ, laˍ hkuiˍ hpaˍ vaˍ veu hka laˉ yangˍ kyangˍ nga laeˍ saˍ yao Iˉkawˉniˆ vengˍ veu aeˉ jiˉ.

Naiˍ htangˍ 14:19

Hingˉ nawngˍ veu, Anˍtiˉokˆ vengˍ nae Iˉkawˉniˆ vengˍ veu duingˉ naeˉ Yuˉdaˆ changˉ htiˍ baˍ uiˇ, changˉ ang muˉ uiˉ na hkai capˆ lang yao, Yawng Pawˉluˆ na law ba paek jiˉ. Yang siˉ byaˇ nae kuitˆ yao, yang na vengˍ ang nyiˉ veu seu yao paek aeˉ jiˉ.

Naiˍ htangˍ 14:2

Caˇ, baˍ yumˍ nae uiˉ Yuˉdaˆ changˉ htiˍ baˍ uiˉ aˍ, Changˉ ceuˉ htiˍ baˍ uiˍ na htuing nga biˍ yao, yaˍ changˍ mawngˉ namˉ uiˉ na hu buinˉ naeˉ uiˉ saˍ laiˍ ha jiˉ.

Naiˍ htangˍ 14:21

Deˍbeˍ vengˍ hingˍ hkaoˉ veu Pawˉluˆ nae Baˍnaˍbaˆ yaˉ yetˍ mawnˍ pyawˉ naeˉ uiˉ ang buinˉ tangˍ maˍ biˍ yao, changˉ ang byaˍ na taˍ peˍ hpeuˍ laˉ biˍ jiˍ. Nae yao, Luˉtaˍraˆ vengˍ, Iˉkawˉniˆ vengˍ nae Piˆsiˇdiˆ ang meungˉ Anˍtiˉokˆ vengˍ hkaoˍ veu aeˉ laeˍ jiˍ.

Naiˍ htangˍ 16:1

Haeˉ mae beu, Pawˉluˆ nawˍ, Deˍbeˍ vengˍ nae Luˉtaˍraˆ vengˍ veu hkeu aeˉ jiˉ. Luˉtaˍraˆ vengˍ hkaoˍ veu Tiˉmoˉseˍ nae maengˉ jiˉ ta peˍ htiˍ hu ca jiˉ. Yang beu ang muing maˇ yumˉ naeˉ uiˉ changˉ Yuˉdaˆ ang ba hpeuˍ yao, yang beu ang vangˉ maˇ Heˍlaˍsaˆ changˉ hpeuˍ jiˍ.

Naiˍ htangˍ 16:2

Ta peˍ hiˍ maˇ, Luˉtaˍraˆ vengˍ nae Iˉkawˉniˆ vengˍ veu duingˉ naeˉ yumˉ naeˉ saˉ naeˉ uiˉ changˉ hkaoˉ veu ang maengˉ ang maenˍ uiˍ changˉ htiˍ hu hpeuˍ jiˍ.

Naiˍ htangˍ 17:12

Haeˉ mae yao, yawng hkaoˉ veu Yuˉdaˆ changˉ ang byaˍ yumˉ saˉ laˉ jiˉ. Mun hpungˇ ang ca Heˍlaˍsaˆ changˉ ceuˉ hkaˍ ba yaˍ nae kaˍ hpaˍ yaˍ htiˍ baˍ uiˍ muiˉ, yumˉ saˉ laˉ jiˉ uiˉ byaˍ yao hkeˍ laˍ jiˉ.

Naiˍ htangˍ 17:17

Haeˉ mae yao, yaˇ Yuˉdaˆ changˉ ceuˉ hpawm lang kyaˉ veu Yuˉdaˆ changˉ nae Hpaˍcaoˍ na koˉ koiˍ naeˍ uiˉ changˉ na baˍ upˍ, cu nuing katˆ hkaoˉ veu myangˉ lang naeˉ changˉ uiˉ na baˍ up, sing lang cat lang yao ca jiˉ.

Naiˍ htangˍ 17:4

Yuˉdaˆ changˉ htiˍ baˍ baˍ uiˍ, yumˉ saˉ laˉ yao Pawˉluˆ nae Siˍlaˆ yaˉ yetˍ kawngˉ pawˉ saw laˉ jiˉ. Hpaˍcaoˍ na koˉ koiˍ naeˍ Heˍlaˍsaˆ changˉ uiˉ ang byaˍ yumˉ saˉ laˉ yao, ang maengˉ ang ca hkaˍ ba yaˍ htiˍ baˍ uiˍ muiˉ yumˉ yao byaˍ laˍ jiˉ.

Naiˍ htangˍ 18:4

Cu sin Yuˉdaˆ changˉ ceuˉ uiˉ hpawm lang kyaˉ veu, Yuˉdaˆ changˉ uiˉ na baˍ up, Heˍlaˍsaˆ changˉ uiˉ na baˍ up, maˍ taw naeˉ uiˉ saˍ laiˍ yawng na sing cat sangˍ jiˍ.

Naiˍ htangˍ 18:8

Kaˍliˉpuˆ nae maengˉ jiˉ ang buinˉ paˉ kyaˉ cawngˉ veu awn hoˉ htiˍ huˍ mangˉ beu, yumˉ changˉ hkaˉ hko laˉ hko uiˉ aˍ, Ang suingˉ Yeˍsuˆ na yumˉ saˉ laˉ jiˉ. Kawˉrenˍhtuˆ changˉ ang byaˍ Pawˉluˆ maˍ naeˍ na ya kyaˍ yao yumˉ naeˉ hkaoˉ veu baˆtiˆsamˍ hkamˉ yuˉ jiˉ.

Naiˍ htangˍ 19:10

Yang nyiˍ nuing pi veu hkeu ningˉ mae ha yao, Aˍsiˆ ang meungˉ hkaoˉ veu hkaˉ ca naeˉ uiˉ changˉ hkaˉ hko laˉ hko, Yuˉdaˆ changˉ na baˍ upˍ, Changˉ ceuˉ htiˍ baˍ uiˍ na baˍ upˍ, Ang suingˉ Yeˍsuˆ beu ang tangˍ hingˍ na ya kyaˍ jiˍ.

Naiˍ htangˍ 19:17

Eˉfeˉsuˆ vengˍ hkaoˍ veu hkaˉ ca naeˉ uiˉ changˉ hkaˉ hko laˉ hko, Yuˉdaˆ changˉ na baˍ up, Changˉ ceuˉ htiˍ baˍ uiˍ na baˍ upˍ, ningˉ awˍ lawng na ya kyaˍ ya bae jiˉ. Yawng hkaˉ hko laˉ hko hkae yao, Ang suingˉ Yeˍsuˆ beu ang maengˉ na chiˍ huiˍ chiˍ mawng jiˉ.

Naiˍ htangˍ 19:8

Hingˉ nawngˍ veu, Pawˉluˆ nawˍ Yuˉdaˆ changˉ ceuˉ hpawm lang kyaˉ veu awngˉ nga laengˉ yao, nuing ba hatˆ naeˉ hkaoˉ veu sumˍ ha veu tiˍ hkeu maˍ biˍ jiˍ. Yawng kawngˉ sin cat lang yao Hpaˍcaoˍ beu ang meungˉ hingˉ na yumˉ laˉ naeˉ uiˉ saˍ laiˍ yang coˇ caˇ yao maˍ biˍ jiˍ.

Naiˍ htangˍ 2:47

Yawng Hpaˍcaoˍ na chiˍ mawng yao changˉ uiˉ hkaˉ hko laˉ hko yawng na nuing ba capˆ jiˉ. Cu nuing Hpaˍcaoˍ maˇ htaiˍ awkˍ jiˍ na ya jiˉ changˉ uiˉ muiˉ yawng ang muˉ hkaoˉ veu piˉ byaˍ laˉ jiˉ.

Naiˍ htangˍ 20:21

Hpaˍcaoˍ tawngˍ na veu naˍ hokˍ na kuitˆ puiˉ laeˍ na baˍ upˍ, gu beu Yeˍsuˆ Hkritˆ na yumˉ naeˉ na baˍ upˍ, Yuˉdaˆ changˉ nae Changˉ ceuˉ htiˍ baˍ uiˍ na ga saˉ hkiˉ hkamˉ peunˉ jiˉ awˍ lawng na muiˉ nawng bae byaˇ.

Naiˍ htangˍ 21:28

Iˉsaˍreˍlaˆ changˉ htiˍ baˍ yawng veuˉ, pawngˍ lui laˍ bao. Changˉ niˇ maˇ, gu changˉ ceuˉ uiˉ na baˍ upˍ, ang liˍ ang kawngˍ na baˍ upˍ, ca kyaˉ ningˉ na baˍ upˍ, ningˉ uiˉ na hu buinˉ naeˉ uiˉ saˍ laiˍ aˉ keung veu ca naeˉ changˉ uiˉ na maˍ biˍ naeˍ mangˉ changˉ htiˍ hu yaˇ. Ningˉ htaˍ veu muiˉ yang Changˉ ceuˉ htiˍ baˍ uiˍ na ang buinˉ paˉ kyaˉ cawngˉ ang huiˍ veu suiˍ langˉ yao, ang seungˍ sangˉ ningˉ na chaˍ kaeˍ kyaˍ taeng nga byaˇ nae ha biˍ jiˍ.

Naiˍ htangˍ 9:20

Yeˍsuˆ nawˍ Hpaˍcaoˍ beu Ang yaˍ mangˍ yaˇ nae tiˍ chitˍ nae hkaoˉ veu Yuˉdaˆ changˉ ceuˉ hpawm lang kyaˉ veu yang ang buinˉ tangˍ maˍ jiˍ.