Naiˍ htangˍ 13:30 - Pyen

³⁰ Caˇ, Hpaˍcaoˍ nawˍ yang na siˉ naeˉ hkaoˉ veu piˉ teˍ laˉ laeˍ jiˍ.

Naiˍ htangˍ 13:30 ပူးပေါင်းရင်းမြစ်များ

Naiˍ htangˍ 10:40

Caˇ, sumˍ nuing hkeu beu, Hpaˍcaoˍ yang na piˉ teˍ laˉ laeˍ yao, changˉ htiˍ baˍ baˍ uiˍ na yang ang to hingˉ piˉ myangˉ jiˉ.

Naiˍ htangˍ 13:33

Hpaˍcaoˍ nawˍ, gu beu ang puˉ uiˉ na saˉ caˉ piˍ saˍ jiˍ lawˉ puing hko laˉ byaˇ. Yawng beu ang yaˍ hpeuˍ naeˍ uiˉ gu na yang taeng puing laˍ naeˍ yaˇ. Chiˍ mawng naeˉ ang laiˍ nyiˍ lumˍ htiˍ lumˍ hkaoˍ veu taemˉ jiˉ lawˉ, Naˇ ga beu Ang yaˍ mangˍ yaˇ. Miˉ nuing gaˇ nang beu Ang vangˉ mangˉ hpeuˍ laˉ byaˇ nae taemˉ yao chiˉ saˍ jiˍ.

Naiˍ htangˍ 13:34

Hingˉ htaˍ veu muiˉ, Hpaˍcaoˍ nawˍ, Yeˍsuˆ na siˉ kyaˉ veu teˍ laˍ laeˍ yao, puˍ naeˍ kuingˉ naeˉ uiˉ hkaoˉ veu htiˍ cangˍ nae muiˉ baˍ ya hkeu aeˉ laeˍ nae Hpaˍcaoˍ ningˉ mae ciˍ jiˍ. Daˍvet nawˍ, seungˍ sangˉ nae yiˍ naenˉ naeˉ uiˉ ang buinˉ htiˍ baˍ uiˍ na ya jiˉ lawˉ, ga nawng na hingˉ mae piˍ laˍ nae yaˇ nae ha biˍ jiˍ.

Naiˍ htangˍ 13:37

Caˇ, Hpaˍcaoˍ piˉ taeˍ laˉ naeˍ jiˍ maˇ puˍ keungˉ naeˉ na baˍ ya myangˉ.

Naiˍ htangˍ 17:31

Aˉ mae yao nae baoˉ vaˍ, yang cheˉ yuˉ jiˉ htiˍ hu mangˉ na cuˉ yao, nuingˉ chaˍ yaˍ uiˍ na sui naeˉ pawng naeˉ hkaoˉ veu aˉ muˍ tatˆ naeˉ uiˉ saˍ laiˍ, yang nuing hpat yao chiˉ byaˇ. Ningˉ mangˉ na Hpaˍcaoˍ maˉ manˉ cheˉ yuˉ yao chiˉ jiˉ nae changˉ hkaˉ hko laˉ hko ya bae naeˉ uiˉ saˍ laiˍ, siˉ kyaˉ hkaoˉ veu yang na piˉ teˍ laˉ laeˍ byaˇ nae Pawˉluˆ yawng na maˍ biˍ jiˍ.

Naiˍ htangˍ 2:24

Hta yao muiˉ, Hpaˍcaoˍ nawˍ yang na siˉ naeˉ uiˉ hkaoˉ veu piˉ caeˉ saˍ yao, yaˇ siˉ yao muiˉ yang na piˉ teˍ laˉ laeˍ byaˇ. Aˉ mae yao nae baoˇ, siˉ naeˉ hingˉ ngaˍ yang na baˍ hpui kaˍ yaˍ taw.

Naiˍ htangˍ 2:32

Yeˍsuˆ ningˉ mangˉ na Hpaˍcaoˍ piˉ teˍ yaˍ laˉ laeˍ jiˍ. Gu hkaˉ hko laˉ hko muiˉ ningˉ awˍ lawng na sak seˍ hkamˉ naeˉ changˉ uiˉ yaˉ.

Naiˍ htangˍ 3:13

Aˍbraˍhamˍ, Iˉcak, Yaˍkok yawng beu Hpaˍcaoˍ gu ang hpiˍ puˉ uiˉ beu Hpaˍcaoˍ nawˍ yang beu yaˍ cenˍ Yeˍsuˆ mangˉ na laˍ htiˍ tanˉ hkoˉ piˉ taw laˉ byaˇ. Ang suingˉ hiˉ mangˉ na nawng ngaˍ ang suingˉ Piˉlatˆ laˍ puˍ hkaoˍ veu ap yao ang suingˉ hiˉ maˇ poiˉ awkˍ laeˍ naeˍ nae kuitˆ yao muiˉ nawng ngaˍ Piˉlatˆ mae kaˍ huˍ veu yang na paek taw saˍ byaˇ.

Naiˍ htangˍ 3:15

A sak teˍ yaˍ naeˍ uiˉ saˍ laiˍ Ang suingˉ mangˉ na nawng ngaˍ saeˍ byaˇ. Hta yao muiˉ, Hpaˍcaoˍ nawˍ yang na siˉ yao piˉ teˍ laˍ laeˍ byaˇ nae gu aˍ sak seˍ hkamˉ naeˉ uiˉ changˉ yaˇ.

Naiˍ htangˍ 3:26

Nawng hkaˉ hko laˉ hko naˍ hokˍ na paek taw yao Hpaˍcaoˍ nawng na ang buinˉ piˍ laˍ seuˍ, Hpaˍcaoˍ maˇ yang beu yaˍ cenˍ na cheˉ yuˉ yao, nawng kawngˉ kaˉ huˍ veu saˍ luiˍ laˍ jiˍ nae Peˍtruˆ yawng na ha biˍ jiˍ.

Naiˍ htangˍ 4:10

nawng hkaˉ hko laˉ hko nae Iˉsaˍreˍlaˆ changˉ uiˉ hkaˉ hko laˉ hko ningˉ na bae bu. Nawng laˍ kang htaˍ veu htaˍ siˍ yao siˉ kyaˉ veu piˉ teˍ laˉ laeˍ jiˍ Hpaˍcaoˍ mangˉ Naˍzaˍraet changˉ Yeˍsuˆ Hkritˆ beu ang maengˉ pa nae, changˉ ningˉ uiˉ hpa yat pyo laˉ yao, nawng tawngˍ naˍ veu cung yao ca ngaeˉ yaˇ.