Naiˍ htangˍ 13:2 - Pyen

² Yawng Ang suingˉ Hpaˍcaoˍ na koˉ koiˍ yao ang caˍ cheˉ yao ca beu, Ang hkawˍ laˉ ang seungˍ sangˉ ciˍ jiˍ. Ga piˉ vaˍ jiˍ kanˉ na Baˍnaˍbaˆ nae Sawˉluˆ vaˍ naeˍ uiˉ saˍ laiˍ, yaˉ yetˍ na cheˉ yuˉ yao chiˉ voˍ nae ha biˍ jiˍ.

Naiˍ htangˍ 13:2 ပူးပေါင်းရင်းမြစ်များ

Naiˍ htangˍ 10:19

Peˍtruˆ nawˍ, yuˍ paˍ yongˍ hkaoˍ veu yang myangˉ jiˉ hingˉ na kuitˆ puiˉ laeˍ beu, Ang hkawˍ laˉ yang na ciˍ sangˍ jiˍ yang. Changˉ sumˍ hu nang na saˉ langˍ ngaeˇ.

Naiˍ htangˍ 10:30

Kawˉneˍliˆ ha biˍ jiˍ yang, Caeˉ langˉ saˍ jiˍ hanˍ nuing veu, miˍ hkiˍ sumˍ sumˍ naˍ riˍ ningˉ nyamˍ veu, ga yumˉ veu ang buinˉ paˉ yao ca yaeˉ. Haeˉ mae beu, ang chit ang pa ang kaˍ tum tum nga laeˍ jiˍ changˉ htiˍ hu ga tawngˍ na veu chung yao ciˍ ngaeˉ.

Naiˍ htangˍ 13:3

Haeˉ mae beu, yawng ang caˍ cheˉ yao, ang buinˉ paˉ peunˉ naeˉ nawngˍ veu, yaˉ yetˍ htaˍ veu laˍ puˍ boeˉ nga biˍ yao poiˉ aeˉ jiˉ.

Naiˍ htangˍ 13:4

Ang hkawˍ laˉ ang seungˍ sangˉ Baˍnaˍbaˆ nae Sawˉluˆ yaˉ yetˍ na piˉ aeˉ jiˉ lawˉ Seˍluˍkiˆ vengˍ veu aeˉ jiˉ. Peunˉ na yao, Kuˇpaˉruˆ cunˉ veu heuˍ ta yao aeˉ jiˉ.

Naiˍ htangˍ 14:26

Hiˉ keung veu heuˍ ta yao, Suˉriˆ ang meungˉ Anˍtiˉokˆ vengˍ veu aeˉ laeˍ jiˍ. Vengˍ hingˍ hkaoˉ veu caeˉ langˉ saˍ beu yaˉ yetˍ Hpaˍcaoˍ beu kanˉ vaˍ naeˍ uiˉ saˍ laiˍ, ang buinˉ piˍ jiˉ mangˉ Hpaˍcaoˍ beu laˍ puˍ hkaoˍ veu, hao yaˉ yetˍ na ap yao piˍ saˍ jiˍ. Ya muiˉ kanˉ hingˉ na yaˉ yetˍ vaˍ puing byaˇ.

Naiˍ htangˍ 20:28

Nawng ngaˍ aˍ sangˍ yang beu ang to na baˍ upˍ, soˉ ang muˉ hkaˉ hko laˉ hko na baˍ upˍ, maenˍ nae hak sa laˍ voˍ. Ang suingˉ Hpaˍcaoˍ nawˍ, yang beu siˍ nae vuiˉ jiˉ ang muˉ na piˉ caˍ piˉ tangˉ naeˉ uiˉ saˍ laiˍ, Ang hkawˍ laˉ ang seungˍ sangˉ nawng na piˉ hak sa laˍ naeˍ uiˉ piˉ hpeuˍ laˍ byaˇ.

Naiˍ htangˍ 22:21

Yang tawpˍ laeˍ langˍ ngaeˉ, Awkˍ taw aengˉ bao. Ga nang na ang veuˍ veu ca naeˉ Changˉ ceuˉ htiˍ baˍ uiˍ kawngˉ piˉ aeˉ laˍ naeˍ yaˇ nae Pawˉluˆ yawng na ha biˍ jiˍ.

Naiˍ htangˍ 4:36

Haeˉ mae beu, Kuˇpaˉruˆ cunˉ veu keutˆ yaˍ lui jiˉ Leˍviˆ changˉ, Yoˉsaep nae maengˉ jiˉ uiˉ changˉ htiˍ hu ang ca. Naiˍ htangˍ uiˍ yang na ang maengˉ ang suiˍ Baˍnaˍbaˆ nae maengˉ biˍ jiˍ. Baˍnaˍbaˆ nae maengˉ jiˉ a tekˆ paeˍ hingˉ ngaˍ, kaˍ piˍ naeˍ mangˉ nae haoˉ naeˉ ha siˉ naeˉ yaˇ.

Naiˍ htangˍ 6:4

Gu aˍ ang buinˉ paˉ yao ang buinˉ tangˍ maˍ naeˍ kanˉ ningˉ na aˉ lawˍ beu muiˉ vaˍ naeˍ nae ha biˍ jiˍ.

Naiˍ htangˍ 8:29

Haeˉ mae beu, Hpiˆliˆpuˆ na Ang hkawˍ laˉ mangˉ ciˍ sangˍ jiˍ. Aˍ mawngˍ lawˍ lawˍ hingˍ mangˉ kawngˉ htuˍ yaˍ laˉ mae aeˉ voˍ nae.

Naiˍ htangˍ 9:15

Caˇ, Ang suingˉ Yeˍsuˆ yang na ha biˍ jiˍ yang, Aeˉ bao, aˉ mae yao nae baoˉ vaˍ, changˉ hiˉ maˇ, Changˉ ceuˉ htiˍ baˍ uiˍ kawngˉ nae ang suingˉ mae nuing suiˍ huˍ veu na baˍ upˍ, ga beu ang maengˉ na maˍ yao lae naeˉ uiˉ yaˇ ga cheˉ yuˉ jiˉ mangˉ hpeuˍ naeˍ yaˇ.