Naiˍ htangˍ 13:16 - Pyen

¹⁶ Haeˉ mae beu, Pawˉluˆ hta laˉ yao laˍ puˍ kang nae aˍ ciˍ caeoˍ jo nae ha biˍ yao, Iˉsaˍreˍlaˆ changˉ ceuˉ uiˉ nae Hpaˍcaoˍ na hkae naeˉ uiˉ changˉ ceuˉ htiˍ baˍ yawng veuˉ, naˉ baoˍ.

Naiˍ htangˍ 13:16 ပူးပေါင်းရင်းမြစ်များ

Naiˍ htangˍ 10:2

Yaˇ yang beu yumˉ tawngˍ naiˍ hkaoˍ veu ang yaˍ hkyaˉ uiˉ na Hpaˍcaoˍ na hkae hkiˍ yao saˍ nyamˉ naeˉ uiˉ yaˇ. Yaˇ hao na saˍ kyaˍ kyaˍ naeˍ hkaoˉ veu ang saˍ baeˍ yaˍ na ang byaˍ tanˍ biˍ yao, Hpaˍcaoˍ kawngˉ aˉ lawˍ beun muiˉ ang buinˉ paˉ yao ca jiˉ.

Naiˍ htangˍ 10:35

Changˉ ceuˉ hkaˉ hko laˉ hko hkaoˉ veu Hpaˍcaoˍ na hkae yao, ang suing pawng kanˉ na vaˍ naeˍ uiˉ changˉ na yang nuing ba capˆ naeˉ.

Naiˍ htangˍ 12:17

Peˍtruˆ yawng na aˍ ciˍ caeoˍ jo nae laˍ puˍ mangˍ nga biˍ yao, Ang suingˉ Hpaˍcaoˍ yang na htawngˉ hkaoˉ veu aˉ mae yuˉ taw laˍ jiˍ hingˉ awˍ lawng yawng na hkai bae biˍ jiˍ. Nawng aeˉ yao Yaˍkok nae yumˉ naeˉ saˉ naeˉ uiˉ changˉ uiˉ na ningˉ awˍ lawng ningˉ piˉ kyaˍ aeˉ laeˍ bu nae ha biˍ yao awkˍ taw aengˉ yao htiˍ tawngˍ veu aeˉ laeˍ laeˍ jiˍ.

Naiˍ htangˍ 13:26

Aˍbraˍhamˍ ang ceuˉ canˉ ang luˍ han uiˉ nae, nawng hkaoˉ veu Hpaˍcaoˍ na hkae naeˉ yaˍ changˍ mawngˉ namˉ yawng veuˉ, Hpaˍcaoˍ gu na htaiˍ awkˍ naeˍ uiˉ awˍ lawng piˉ kyaˍ peunˍ la byaˇ.

Naiˍ htangˍ 13:46

Pawˉluˆ nae Baˍnaˍbaˆ yaˉ yetˍ nuing ba hatˆ naeˉ hkaoˉ veu ciˍ jiˍ yang, Hpaˍcaoˍ beu ang tangˍ ningˍ nawng na kaˉ huˍ veu ya upˍ kyaˍ laˍ naeˍ yaˇ. Caˇ, nawng ngaˍ Hpaˍcaoˍ beu ang tangˍ na paek taw saˍ yao, tuingˍ co tuingˍ cat a sak na ya yao baˍ kuingˍ lang nae nawng tawˉ nawng kuitˆ laeˍ yao, gaˉ yetˍ Changˉ ceuˉ htiˍ baˍ uiˍ kawngˉ lae naˇ.

Naiˍ htangˍ 19:33

Haeˉ mae beu, Yuˉdaˆ changˉ uiˉ aˍ, Aˍleˍsaˍduˆ nae maengˉ jiˉ htiˍ hu mangˉ na changˉ hiˉ mawk veu mae kaˍ huˍ veu naengˍ awngˍ yao yang hkaˍ muˍ hkaiˍ naeˉ uiˉ saˍ laiˍ, changˉ ang muˉ hkaoˉ veu changˉ uiˉ yang na kaˍ piˍ jiˍ. Haeˉ mae yao yang changˉ ningˉ mawk ningˉ na hkaˍ muˍ hkai biˍ siˍ yao, yang laˍ puˍ kang laeˍ yao maˍ biˍ jiˍ.

Naiˍ htangˍ 2:14

Haeˉ mae beu, Peˍtruˆ nawˍ naiˍ htangˍ htiˍ cheˍ nyiˍ hu uiˉ kawngˉ htuˍ yaˍ laˉ mae cung yao, ang tangˍ kaˍ haengˍ nae changˉ uiˉ na maˍ biˍ jiˍ. Yuˉdaˆ ang meungˉ veu duingˉ naeˉ changˉ uiˉ nae Yeˍruˆsaˍlaemˍ vengˍ hkaoˍ veu ca naeˉ changˉ hkaˉ hko laˉ hko uiˉ yawng veuˉ, ga beu ciˍ tangˍ ningˍ na naˉ yao, awˍ lawng ningˉ na bae biˍ bao.

Naiˍ htangˍ 2:22

Iˉsaˍreˍlaˆ changˉ yawng veuˉ, ciˍ tangˍ ningˍ na naˉ bao. Nawng bae jiˉ hingˉ lawˉ Hpaˍcaoˍ maˇ Naˍzaˍraet changˉ Yeˍsuˆ na cuˉ yao kanˉ ang huiˍ uiˍ nae manˍ kyaˍ uiˍ naˍ mek laek hkaˍ naˍ uiˍ na yang awˍ lawng nawng maenˍ nae ang bae yaˇ.

Naiˍ htangˍ 21:40

Yinˍ cangˉ mangˉ yang na aˉ hkvangˍ piˍ yao Pawˉluˆ nawˍ, ca pawngˉ htaˍ veu cung yao laˍ puˍ maˍ biˍ jiˍ. Yawng kyapˆ nae ca beu, Pawˉluˆ yawng na Heˍbraeˉ tangˍ ciˍ yao ha biˍ jiˍ,

Naiˍ htangˍ 22:22

Ciˍ tangˍ ningˍ veu tiˍ hkeu yawng yang beu tangˍ na kyapˆ nae ca yao naˉ jiˉ. Haeˉ mae beu, yawng ang tangˍ kaˍ haengˍ nae ciˍ yao haoˉ jiˉ. Niˉ mae uiˉ changˉ na nuingˉ chaˍ htaˍ nawˆ paek taw bao. Yang teˍ yaˍ yao baˍ kuingˍ nae yawng ciˍ jiˍ.

Naiˍ htangˍ 3:12

Peˍtruˆ hingˉ na myangˉ yao, changˉ ang byaˍ uiˍ na yang ha biˍ jiˍ yang, Iˉsaˍreˍlaˆ changˉ yawng veuˉ, ba ceuˉ ha yao ningˉ awˍ lawng na nawng manˍ yao ca ngaeˇ. Changˉ ningˉ mangˉ kaˉ ba yawˍ hkiˍ jiˍ ningˉ ngaˍ gaˉ yetˍ beu laˍ htiˍ tanˉ hkoˉ nae cheˉ naeˉ kam naeˉ hingˉ hkaoˉ veu ha taw biˍ jiˍ uiˉ baˍ aˍ. Ba ceuˉ ha yao gaˉ yetˍ na hu chawk chawk langˍ ngaeˇ.