Naiˍ htangˍ 12:7 - Pyen

⁷ Htiˍ chitˍ laˍ hkaoˍ veu, Ang suingˉ Hpaˍcaoˍ beu buingˍ htaˍ naiˍ htangˍ htiˍ hu taw laˉ yao, ang hawngˉ hingˉ hkaoˉ veu ang chit pa laˉ jiˉ. Yaˇ Peˍtruˆ beu nuingˉ pyaˉ hkongˍ na htak yao, Vaiˍ nae hta laˉ bao nae yang na hta hkae jiˉ. Haeˉ mae beu, samˉ laˍ tuiˍ uiˍ, yang laˍ puˍ veu kaˍ hae hko laeˍ jiˍ.

Naiˍ htangˍ 12:7 ပူးပေါင်းရင်းမြစ်များ

Naiˍ htangˍ 10:30

Kawˉneˍliˆ ha biˍ jiˍ yang, Caeˉ langˉ saˍ jiˍ hanˍ nuing veu, miˍ hkiˍ sumˍ sumˍ naˍ riˍ ningˉ nyamˍ veu, ga yumˉ veu ang buinˉ paˉ yao ca yaeˉ. Haeˉ mae beu, ang chit ang pa ang kaˍ tum tum nga laeˍ jiˍ changˉ htiˍ hu ga tawngˍ na veu chung yao ciˍ ngaeˉ.

Naiˍ htangˍ 12:23

Ang suingˉ Heˍrot nawˍ, yang ang to na kuitˆ huiˍ laeˍ yao Hpaˍcaoˍ na baˍ chiˍ mawng nae pa, tiˍ chitˍ nae Ang suingˉ Hpaˍcaoˍ beu buingˍ htaˍ naiˍ htangˍ uiˍ yang na ciˍ yanˍ luiˍ jiˍ. Haeˉ mae beu, yang ang to hkaoˉ veu hpaˉ paw tawngˉ biˍ yao ang saˍ chae jiˉ.

Naiˍ htangˍ 12:6

Ang suingˉ Heˍrot na seuˉ laˉ mae hkeu yao Peˍtruˆ na yuˉ taw lae naeˍ nae ha naeˉ hingˉ hkiˍ beu, Peˍtruˆ na samˉ laˍ tuiˍ nyiˍ senˍ hpui yao chiˉ jiˉ. Yaˇ luk suikˆ nyiˍ hu kawngˉ nuingˉ veu yuˍ nuˍ awngˉ ngangˉ yao, hawˍ hu uiˉ muiˉ htawngˉ laˉ kaw ang nyiˉ veu hawˍ yao ca jiˉ.

Naiˍ htangˍ 12:8

Buingˍ htaˍ naiˍ htangˍ yang na ha biˍ jiˍ yang, Tawngˍ sitˍ sitˍ nga laeˍ yao hkiˉ naw naw laeo nae ha biˍ yao, yang haeˉ mae ha jiˉ. Peunˉ na yao, Nang beu hkaˍ lao ang huiˍ hingˍ tum yao ga nawngˍ veu hkeˍ lao nae, yang na ha biˍ jiˍ.

Naiˍ htangˍ 16:26

Tiˍ chitˍ nae miˍ siˉ uin haengˍ laˉ yao, htawngˉ tawngˍ pawk yangˍ uin uin an an hpeuˍ laˉ jiˉ. Langˉ kaw hkaˉ hko laˉ hko uiˉ hpawng hko laeˍ yao, changˉ hkaˉ hko laˉ hko uiˉ na hpui yao chiˉ jiˉ samˉ laˍ tuiˍ uiˍ muiˉ hpuiˉ hko laeˍ jiˍ.

Naiˍ htangˍ 2:24

Hta yao muiˉ, Hpaˍcaoˍ nawˍ yang na siˉ naeˉ uiˉ hkaoˉ veu piˉ caeˉ saˍ yao, yaˇ siˉ yao muiˉ yang na piˉ teˍ laˉ laeˍ byaˇ. Aˉ mae yao nae baoˇ, siˉ naeˉ hingˉ ngaˍ yang na baˍ hpui kaˍ yaˍ taw.

Naiˍ htangˍ 5:19

Caˇ, muˍ hkiˍ beu, Ang suingˉ Hpaˍcaoˍ beu buingˍ htaˍ naiˍ htangˍ htiˍ hu maˇ, htawngˉ veu langˉ kaw hingˉ hpawng nga lui yao, yawng na suiˍ awkˍ nga aengˉ yao ha biˍ jiˍ yang,

Naiˍ htangˍ 9:3

Yang Daˍmaˍsaetˆ vengˍ veu aeˉ beu, vengˍ htang veu hkeu aeˉ yao, buingˍ htaˍ veu ang chit yangˍ yang na tiˍ chitˍ nae htawngˉ luiˍ biˍ jiˍ.