Naiˍ htangˍ 11:29 - Pyen

²⁹ Haeˉ mae yao, ta peˍ htiˍ baˍ uiˉ aˍ, aˍ sangˍ yang hkiˍ jiˍ cha jiˉ lawˉ, Yuˉdaˆ ang meungˉ hkaoˉ veu ca naeˉ yumˉ naeˉ saˉ naeˉ uiˉ changˉ na pawngˍ naeˍ uiˉ saˍ laiˍ kuitˆ chae laeˍ jiˍ.

Naiˍ htangˍ 11:29 ပူးပေါင်းရင်းမြစ်များ

Naiˍ htangˍ 1:15

Hingˉ nyamˍ hkaoˍ veu yumˉ naeˉ saˉ naeˉ uiˉ changˉ htiˍ pakˍ nyiˍ cheˍ hu laˉ mae hpawm lang yao ca jiˉ changˉ kawngˉ nuingˉ veu Peˍtruˆ hta laˉ yao hkai jiˉ yang,

Naiˍ htangˍ 11:1

Changˉ ceuˉ htiˍ baˍ uiˍ Hpaˍcaoˍ beu ang tangˍ na hap yuˉ naeˉ awˍ lawng na Yuˉdaˆ ang meungˉ hkaoˉ veu ca naeˉ naiˍ htangˍ uiˍ nae yumˉ naeˉ saˉ naeˉ uiˉ changˉ htiˍ baˍ uiˍ ya kyaˍ jiˍ.

Naiˍ htangˍ 11:26

Yang na ya myangˉ beu, Anˍtiˉokˆ vengˍ veu suiˍ langˉ jiˉ. Yaˇ yetˍ aˍ htiˍ nuing pi lumˉ lumˉ Hkritˆ yanˍ ang muˉ kawngˉ hpawm lang yao, changˉ ang muˉ uiˉ na maˍ biˍ jiˍ. Taˍ peˍ htiˍ baˍ uiˍ na Hkritˆ yanˍ nae haoˉ naeˉ uiˉ ang maengˉ na, Anˍtiˉokˆ vengˍ veu maengˉ taw laˉ jiˉ.

Naiˍ htangˍ 13:52

Anˍtiˉokˆ vengˍ veu ta peˍ htiˍ baˍ uiˉ aˍ, mawnˍ pyawˉ naeˉ uiˉ na baˍ upˍ, ang hkawˍ laˉ ang seungˍ sangˉ na baˍ upˍ, htiˍ puing ca jiˉ.

Naiˍ htangˍ 14:20

Caˇ, ta peˍ uiˍ yang na cung cawtˍ piˍ yao, yang hta laˉ yao vengˍ hkaoˍ veu aeˉ laeˍ jiˍ. Kaˉ nawngˍ veu htiˍ nuing hingˉ ngang beu Pawˉluˆ Baˍnaˍbaˆ kawngˉ htuˍ yaˍ laˉ mae Deˍbeˍ vengˍ veu aeˉ laeˍ jiˍ.

Naiˍ htangˍ 14:22

Taˍ peˍ uiˍ nuing ba yiˍ naenˉ laˉ yao, yumˉ naeˉ hkaoˉ veu yiˍ hkiˍ naeˍ uiˉ saˍ laiˍ, yawng na kaˍ piˍ jiˍ. Hpaˍcaoˍ upˆ peungˍ nae na hap yuˉ naeˉ uiˉ saˍ laiˍ gu tuk naeˉ hpan naeˉ na ang byaˍ ya hkamˉ buˉ naeˉ yaˇ nae yawng na maˍ biˍ jiˍ.

Naiˍ htangˍ 24:17

Ang pi iˉ yaˍ mangˍ nae caeˉ langˉ yao, ga beu changˉ ceuˍ ang saˍ ang baeˍ na pawngˍ naeˍ uiˉ htiˍ baˍ nae, Hpaˍcaoˍ na tanˍ seuˍ uiˍ ga hanˉ yao langˉ byaˇ.

Naiˍ htangˍ 4:34

Yawng hkaoˉ veu changˉ ang saˍ baeˍ htiˍ hu nae muiˉ baˍ ca. Yawng ngaˍ naˍ uiˍ, yumˉ uiˉ ca naeˉ changˉ uiˉ aˍ yawng beu ang keungˍ kawˉ uiˉ na kawngˍ kaˍ yao ya jiˉ hpuˉ hingˉ uiˉ na hanˉ na langˉ yao,

Naiˍ htangˍ 6:1

Hingˉ nyamˍ hkaoˍ veu ta peˍ uiˍ byaˍ laˉ yao, Heˍlaˍsaˆ tangˍ ciˍ naeˍ Yuˉdaˆ changˉ uiˉ nae Heˍbraeˉ tangˍ ciˍ naeˍ Yuˉdaˆ changˉ uiˉ hteng lang jiˉ. Aˉ mae yao nae baoˇ cu nuing caˍ keungˍ peungˍ naeˍ hkaoˉ veu, yawng beu Heˍlaˍsaˆ tangˍ ciˍ naeˍ mae maiˉ ba uiˉ aˍ caˍ keungˍ baˍ ya nae pa yaˇ.

Naiˍ htangˍ 9:19

Daˍmaˍsaetˆ vengˍ hkaoˍ veu ta peˍ uiˍ kawngˉ yang tiˍ hkaoˍ htiˍ nyamˍ ca yao,

Naiˍ htangˍ 9:25

yang beu ta peˍ uiˍ muˍ hkiˍ veu Sawˉluˆ na suiˍ yao, hkongˍ longˍ veu kan yao vengˍ kamˉ htuikˍ htaˍ veu yang na poiˉ taw aeˉ jiˉ.