Naiˍ htangˍ 11:27 - Pyen

²⁷ Ang nyamˍ hingˍ uiˉ hkaoˉ veu, Hpaˍcaoˍ beu pa rawˉ hpaet htiˍ baˍ uiˍ Yeˍruˆsaˍlaemˍ vengˍ nae Anˍtiˉokˆ vengˍ veu laˉ jiˉ.

Naiˍ htangˍ 11:27 ပူးပေါင်းရင်းမြစ်များ

Naiˍ htangˍ 11:20

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.

Naiˍ htangˍ 11:22

Ningˉ awˍ lawng ningˉ na Yeˍruˆsaˍlaemˍ vengˍ hkaoˍ veu ca naeˉ Hkritˆ yanˍ ang muˉ uiˉ ya kyaˍ beu, Baˍnaˍbaˆ na Anˍtiˉokˆ vengˍ veu piˉ aeˉ jiˉ.

Naiˍ htangˍ 13:1

Anˍtiˉokˆ Hkritˆ yanˍ ang muˉ hkaoˉ veu, pa rawˉ hpaet nae maˍ naeˍ uiˉ changˉ uiˉ ca jiˉ. Changˉ hingˉ uiˉ aˍ Baˍnaˍbaˆ, Niˇgaˍ nae maengˉ jiˉ Siˉmunˍ, Kuˆreˍneˍ ang meungˉ changˉ Luˆkiˆ, ang suingˉ Heˍrot Anˍtiˆpaˆ beu ang changˍ Maˍneˍ nae Sawˉluˆ yawng yaˇ.

Naiˍ htangˍ 14:26

Hiˉ keung veu heuˍ ta yao, Suˉriˆ ang meungˉ Anˍtiˉokˆ vengˍ veu aeˉ laeˍ jiˍ. Vengˍ hingˍ hkaoˉ veu caeˉ langˉ saˍ beu yaˉ yetˍ Hpaˍcaoˍ beu kanˉ vaˍ naeˍ uiˉ saˍ laiˍ, ang buinˉ piˍ jiˉ mangˉ Hpaˍcaoˍ beu laˍ puˍ hkaoˍ veu, hao yaˉ yetˍ na ap yao piˍ saˍ jiˍ. Ya muiˉ kanˉ hingˉ na yaˉ yetˍ vaˍ puing byaˇ.

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 15:30

Yawng hanˍ hu awkˍ taw aengˉ yao Anˍtiˉokˆ vengˍ veu hkeu aeˉ beu, yumˉ saˉ naeˉ uiˉ changˉ ang byaˍ uiˍ na haoˉ chawnˉ yao, yawng na ang laiˍ hingˍ piˍ jiˍ.

Naiˍ htangˍ 15:32

Yuˉdaˆ nae Siˍlaˆ yaˉ yetˍ muiˍ, pa rawˉ hpaet hpeuˍ naeˍ pa nae, yumˉ naeˉ saˉ naeˉ uiˉ changˉ uiˉ na ang byaˍ maˍ biˍ jiˍ hkaoˉ veu, kaˍ piˍ yao yawng na yiˍ naenˉ laˉ biˍ jiˍ.

Naiˍ htangˍ 18:22

Kaeˉsaˍriˆ vengˍ veu hkeu lae yao, yang Yeˍruˆsaˍlaemˍ vengˍ veu lae yao Hkritˆ yanˍ ang muˉ na myangˉ nga lae lang peunˉ yao, Anˍtiˉokˆ vengˍ veu aeˉ laeˍ jiˍ.

Naiˍ htangˍ 2:17

Hpaˍcaoˍ ciˍ jiˍ yang, Tawngˍ tin veu ang nyamˍ hingˍ hkaoˉ veu changˉ ceuˉ uiˉ hkaˉ hko laˉ hko htaˍ veu ga beu Ang hkawˍ laˉ hingˉ piˍ naeˍ. Nawng beu ang yaˍ ang hkyaˉ uiˉ pa rawˉ hpaet tangˍ ciˍ naeˍ. Nawng beu yaˍ hkaˍ uiˍ yuˍ paˍ yongˍ na ya myangˉ naeˉ. Nawng beu yaˍ mangˍ uiˍ muiˉ mae buinˉ buinˉ yaˍ naeˍ.

Naiˍ htangˍ 21:4

Hiˉ keung veu ta peˍ htiˍ baˍ uiˍ na gu saˉ myangˉ yao, cetˍ nuing veu tiˍ hkeu ca yaeˉ. Taˍ peˍ hingˍ uiˉ aˍ, Pawˉluˆ Yeˍruˆsaˍlaemˍ vengˍ veu baˍ ya lae naeˉ uiˉ saˍ laiˍ, Ang hkawˍ laˉ nawˍ ta peˍ uiˍ na ha biˍ jiˍ.

Naiˍ htangˍ 21:9

Hpaˍcaoˍ beu naiˍ htangˍ hpeuˍ nae uiˉ yang beu hkaˍ ba yaˍ hanˍ hu ang ca. Hkaˍ ba yaˍ hanˍ hu hingˉ uiˉ yaˍ biˍ yaˇ.

Naiˍ htangˍ 6:5

Yawng ciˍ nae na changˉ ang muˉ uiˉ hkaˉ hko laˉ hko nuing ba capˆ yao changˉ hingˉ uiˉ na cheˉ yuˉ jiˉ. Yumˉ naeˉ uiˉ nae Ang hkawˍ laˉ ang seungˍ sangˉ htiˍ puing nae ca naeˉ Saˍteˍhpanˍ htiˍ hu nae, Hpiˆliˆpuˆ, Pawˉhkawˍ, Niˆkaˍnawˍ, Tiˉmonˍ, Paˍmeˍnaˆ nae Yuˉdaˆ ang liˍ yuˉ naeˉ Anˍtiˉokˆ vengˍ changˍ Niˆkawˆlaˆ yawng na cheˉ yuˉ jiˉ.