Naiˍ htangˍ 11:26 - Pyen

²⁶ Yang na ya myangˉ beu, Anˍtiˉokˆ vengˍ veu suiˍ langˉ jiˉ. Yaˇ yetˍ aˍ htiˍ nuing pi lumˉ lumˉ Hkritˆ yanˍ ang muˉ kawngˉ hpawm lang yao, changˉ ang muˉ uiˉ na maˍ biˍ jiˍ. Taˍ peˍ htiˍ baˍ uiˍ na Hkritˆ yanˍ nae haoˉ naeˉ uiˉ ang maengˉ na, Anˍtiˉokˆ vengˍ veu maengˉ taw laˉ jiˉ.

Naiˍ htangˍ 11:26 ပူးပေါင်းရင်းမြစ်များ

Naiˍ htangˍ 1:15

Hingˉ nyamˍ hkaoˍ veu yumˉ naeˉ saˉ naeˉ uiˉ changˉ htiˍ pakˍ nyiˍ cheˍ hu laˉ mae hpawm lang yao ca jiˉ changˉ kawngˉ nuingˉ veu Peˍtruˆ hta laˉ yao hkai jiˉ yang,

Naiˍ htangˍ 11:20

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.

Naiˍ htangˍ 11:22

Ningˉ awˍ lawng ningˉ na Yeˍruˆsaˍlaemˍ vengˍ hkaoˍ veu ca naeˉ Hkritˆ yanˍ ang muˉ uiˉ ya kyaˍ beu, Baˍnaˍbaˆ na Anˍtiˉokˆ vengˍ veu piˉ aeˉ jiˉ.

Naiˍ htangˍ 11:27

Ang nyamˍ hingˍ uiˉ hkaoˉ veu, Hpaˍcaoˍ beu pa rawˉ hpaet htiˍ baˍ uiˍ Yeˍruˆsaˍlaemˍ vengˍ nae Anˍtiˉokˆ vengˍ veu laˉ jiˉ.

Naiˍ htangˍ 11:29

Haeˉ mae yao, ta peˍ htiˍ baˍ uiˉ aˍ, aˍ sangˍ yang hkiˍ jiˍ cha jiˉ lawˉ, Yuˉdaˆ ang meungˉ hkaoˉ veu ca naeˉ yumˉ naeˉ saˉ naeˉ uiˉ changˉ na pawngˍ naeˍ uiˉ saˍ laiˍ kuitˆ chae laeˍ jiˍ.

Naiˍ htangˍ 14:20

Caˇ, ta peˍ uiˍ yang na cung cawtˍ piˍ yao, yang hta laˉ yao vengˍ hkaoˍ veu aeˉ laeˍ jiˍ. Kaˉ nawngˍ veu htiˍ nuing hingˉ ngang beu Pawˉluˆ Baˍnaˍbaˆ kawngˉ htuˍ yaˍ laˉ mae Deˍbeˍ vengˍ veu aeˉ laeˍ jiˍ.

Naiˍ htangˍ 14:22

Taˍ peˍ uiˍ nuing ba yiˍ naenˉ laˉ yao, yumˉ naeˉ hkaoˉ veu yiˍ hkiˍ naeˍ uiˉ saˍ laiˍ, yawng na kaˍ piˍ jiˍ. Hpaˍcaoˍ upˆ peungˍ nae na hap yuˉ naeˉ uiˉ saˍ laiˍ gu tuk naeˉ hpan naeˉ na ang byaˍ ya hkamˉ buˉ naeˉ yaˇ nae yawng na maˍ biˍ jiˍ.

Naiˍ htangˍ 14:23

Yawng ang caˍ cheˉ yao, ang buinˉ paˉ naeˉ hkaoˉ veu, Hkritˆ yanˍ ang muˉ kaˉ hko laˉ hko saˍ laiˍ awnˍ hoˉ yaˍ manˍ htiˍ baˍ uiˍ na cheˉ taw yao, yawng yumˉ yao ca naeˉ Ang suingˉ Hpaˍcaoˍ beu laˍ puˍ hkaoˍ veu ap yao piˍ jiˍ.

Naiˍ htangˍ 14:27

Yaˉ yetˍ hkeu laˉ beu, Hkritˆ yanˍ ang muˉ na haoˉ chawnˉ jiˉ. Hpaˍcaoˍ yaˉ yetˍ na cuˉ yao ha jiˉ uiˉ kanˉ na baˍ upˍ, Changˉ ceuˉ htiˍ baˍ uiˍ yumˉ taw naeˉ uiˉ saˍ laiˍ, Hpaˍcaoˍ langˉ kaw hpawng biˍ jiˍ na baˍ upˍ, yaˉ yetˍ ha biˍ jiˍ.

Naiˍ htangˍ 14:28

Hingˉ keung veu, yaˉ yetˍ ta peˍ uiˍ kawngˍ iˉ yaˍ ang mangˍ ca jiˉ.

Naiˍ htangˍ 18:27

Aˍpawˉluˆ nawˍ Aˍhkaˍyaˆ ang meungˉ kaˉ seu hpaiˍ yao lae siˉ beu, yumˉ naeˉ saˉ naeˉ uiˉ changˉ yang na kaˍ piˍ htaengˍ yao, hingˉ pakˍ kaˍ seu ca naeˉ uiˉ yang na hap yuˉ naeˉ uiˉ saˍ laiˍ ta peˍ uiˍ na ang laiˍ taemˉ yao piˍ jiˍ. Hiˉ keung veu ca naeˉ uiˉ changˉ ngaˍ, Hpaˍcaoˍ beu ang buinˉ pa nae yumˉ saˉ laˉ jiˉ. Yang hiˉ keung veu hkeu lae beu, yawng na ang byaˍ pawngˍ van jiˉ.

Naiˍ htangˍ 19:9

Caˇ, yawng hkaoˉ veu changˉ htiˍ baˍ baˍ nuing ba kaenˍ hka yao baˍ yumˍ. Yawng changˉ ningˉ mawk veu mae kaˍ huˍ veu Kaˉ ba ang liˍ ang kawngˍ lawng hingˉ na baˍ saˍ baˍ nyamˍ nae ciˍ jiˍ. Haeˉ mae beu, yang yawng kawngˉ awkˍ taw aengˉ yao, ta peˍ uiˍ na suiˍ yao Tuˆraˍnuˆ beu cawngˉ hkaoˉ veu cu nuing sing cat lang ga jiˉ.

Naiˍ htangˍ 20:1

Baˍ taepˍ baˍ yuing nae hingˉ kyap nga aengˉ yao, Pawˉluˆ nawˍ, ta peˍ uiˍ na haoˉ yao kaˍ piˍ peunˍ yao, yawng na hpakˍ lang yao Maˍkeˍdawˉniˆ ang meungˉ veu lae jiˉ.

Naiˍ htangˍ 20:30

Ningˉ htaˍ veu muiˉ, nawng hkaoˉ veu changˉ htiˍ baˍ baˍ hta laˉ yao, ta peˍ htiˍ baˍ uiˍ na yawng kawngˉ lae naeˉ uiˉ saˍ laiˍ saw saeˉ yao ciˍ tangˍ ang pawng uiˉ na piˉ koiˍ laˉ naeˉ.

Naiˍ htangˍ 21:4

Hiˉ keung veu ta peˍ htiˍ baˍ uiˍ na gu saˉ myangˉ yao, cetˍ nuing veu tiˍ hkeu ca yaeˉ. Taˍ peˍ hingˍ uiˉ aˍ, Pawˉluˆ Yeˍruˆsaˍlaemˍ vengˍ veu baˍ ya lae naeˉ uiˉ saˍ laiˍ, Ang hkawˍ laˉ nawˍ ta peˍ uiˍ na ha biˍ jiˍ.

Naiˍ htangˍ 26:28

Ang suingˉ Aˍgiˉpaˆ maˇ Pawˉluˆ na ha biˍ jiˍ, Tiˍ chit nae hkaoˉ veu ga Hkritˆ yanˍ hpeuˍ laˉ naeˍ uiˉ saˍ laiˍ nang kuitˆ yao cangˉ ngaeˉ jiˉ leˍ nae ha biˍ jiˍ.

Naiˍ htangˍ 6:1

Hingˉ nyamˍ hkaoˍ veu ta peˍ uiˍ byaˍ laˉ yao, Heˍlaˍsaˆ tangˍ ciˍ naeˍ Yuˉdaˆ changˉ uiˉ nae Heˍbraeˉ tangˍ ciˍ naeˍ Yuˉdaˆ changˉ uiˉ hteng lang jiˉ. Aˉ mae yao nae baoˇ cu nuing caˍ keungˍ peungˍ naeˍ hkaoˉ veu, yawng beu Heˍlaˍsaˆ tangˍ ciˍ naeˍ mae maiˉ ba uiˉ aˍ caˍ keungˍ baˍ ya nae pa yaˇ.

Naiˍ htangˍ 6:5

Yawng ciˍ nae na changˉ ang muˉ uiˉ hkaˉ hko laˉ hko nuing ba capˆ yao changˉ hingˉ uiˉ na cheˉ yuˉ jiˉ. Yumˉ naeˉ uiˉ nae Ang hkawˍ laˉ ang seungˍ sangˉ htiˍ puing nae ca naeˉ Saˍteˍhpanˍ htiˍ hu nae, Hpiˆliˆpuˆ, Pawˉhkawˍ, Niˆkaˍnawˍ, Tiˉmonˍ, Paˍmeˍnaˆ nae Yuˉdaˆ ang liˍ yuˉ naeˉ Anˍtiˉokˆ vengˍ changˍ Niˆkawˆlaˆ yawng na cheˉ yuˉ jiˉ.

Naiˍ htangˍ 9:19

Daˍmaˍsaetˆ vengˍ hkaoˍ veu ta peˍ uiˍ kawngˉ yang tiˍ hkaoˍ htiˍ nyamˍ ca yao,

Naiˍ htangˍ 9:38

Luˆdaˆ vengˍ nae Yuˆpeˍ vengˍ na duiˍ naeˍ yao, Peˍtruˆ Luˆdaˆ vengˍ veu ca naeˉ awˍ lawng na ta peˍ uiˍ kyaˍ beu, yawng changˉ nyiˍ hu na tawk yaˍ yao, ang nyamˍ ningˍ hkaoˉ veu gu kawngˉ ang vaiˍ nae lui laˍ bao nae yaˉ yetˍ yang na paˉ lae jiˉ.