Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Naiˍ htangˍ 11:23 - Pyen

23 Yang hiˉ keung hkeu yao Hpaˍcaoˍ beu ang buinˉ na ya myangˉ yao mawnˍ pyawˉ jiˉ. Nawng nuing ba yiˍ naenˉ nae Ang suingˉ Yeˍsuˆ na puing ing voˍ nae yawng hkaˉ hko laˉ hko uiˉ na yang kaˍ piˍ htaengˍ jiˍ.

အခန်းကိုကြည့်ပါ။ ကော်ပီ




Naiˍ htangˍ 11:23
37 ပူးပေါင်းရင်းမြစ်များ  

Hpawm lang kyaˉ veu changˉ uiˉ hpakˍ ngangˍ lang beu, Yuˉdaˆ changˉ uiˉ nae Hpaˍcaoˍ na koˉ koiˍ naeˍ Yuˉdaˆ ang liˍ ang kawngˍ caiˍ yaˍ naeˍ uiˉ changˉ ang byaˍ Pawˉluˆ nae Baˍnaˍbaˆ kawngˉ hkeˍ aeˉ jiˉ. Hpaˍcaoˍ beu ang buinˉ hkaoˉ veu yiˍ naenˉ hkiˍ naeˍ uiˉ saˍ laiˍ, yaˉ yetˍ yawng na maˍ biˍ yao yawng na kaˍ piˍ jiˍ.


Taˍ peˍ uiˍ nuing ba yiˍ naenˉ laˉ yao, yumˉ naeˉ hkaoˉ veu yiˍ hkiˍ naeˍ uiˉ saˍ laiˍ, yawng na kaˍ piˍ jiˍ. Hpaˍcaoˍ upˆ peungˍ nae na hap yuˉ naeˉ uiˉ saˍ laiˍ gu tuk naeˉ hpan naeˉ na ang byaˍ ya hkamˉ buˉ naeˉ yaˇ nae yawng na maˍ biˍ jiˍ.


Hiˉ keung veu heuˍ ta yao, Suˉriˆ ang meungˉ Anˍtiˉokˆ vengˍ veu aeˉ laeˍ jiˍ. Vengˍ hingˍ hkaoˉ veu caeˉ langˉ saˍ beu yaˉ yetˍ Hpaˍcaoˍ beu kanˉ vaˍ naeˍ uiˉ saˍ laiˍ, ang buinˉ piˍ jiˉ mangˉ Hpaˍcaoˍ beu laˍ puˍ hkaoˍ veu, hao yaˉ yetˍ na ap yao piˍ saˍ jiˍ. Ya muiˉ kanˉ hingˉ na yaˉ yetˍ vaˍ puing byaˇ.


Yumˉ naeˉ saˉ naeˉ changˉ uiˉ aˍ, Ang buinˉ piˍ naeˍ mangˉ Ang suingˉ Hpaˍcaoˍ beu laˍ puˍ hkaoˍ veu sa kap ha peunˉ naeˉ nawngˍ veu, Pawˉluˆ nawˍ, Siˍlaˆ na cheˉ yuˉ yao awkˍ taw aengˉ jiˉ.


Caˇ, ga ya yaw naeˍ hingˉ kaˉ ba na tawnˍ tin veu tiˍ hkeu ga yawˍ peunˍ yao, Ang suingˉ Yeˍsuˆ ga na kanˉ piˍ laˍ jiˍ lawˉ, Hpaˍcaoˍ beu ang buinˉ na chaˍ lang naeˉ uiˉ mawnˍ pyawˉ naeˉ uiˉ ang buinˉ tangˍ na saˉ hkiˉ hkamˉ peunˉ baoˉ vaˍ, ga beu a sak ningˉ ang huˍ ang hka nae gaˇ baˍ sawnˍ.


Gaˇ, ya muiˉ nawng na Hpaˍcaoˍ beu laˍ puˍ hkaoˍ veu nae yang beu ang buinˉ huiˍ naeˍ tangˍ hkaoˍ veu ap laˍ naeˍ yaˇ. Ang buinˉ huiˍ naeˍ ang tangˍ hingˍ nga, nawng na huiˍ laˉ mawng laˉ laˍ hkiˍ yao, seungˍ sangˉ ngangˉ laˉ jiˉ changˉ uiˉ kawngˉ htuˍ yaˍ laˉ mae nawng na ca kyaˉ piˍ laˍ hkiˍ naeˍ yaˇ.


Haeˉ mae beu, Kuˇpaˉruˆ cunˉ veu keutˆ yaˍ lui jiˉ Leˍviˆ changˉ, Yoˉsaep nae maengˉ jiˉ uiˉ changˉ htiˍ hu ang ca. Naiˍ htangˍ uiˍ yang na ang maengˉ ang suiˍ Baˍnaˍbaˆ nae maengˉ biˍ jiˍ. Baˍnaˍbaˆ nae maengˉ jiˉ a tekˆ paeˍ hingˉ ngaˍ, kaˍ piˍ naeˍ mangˉ nae haoˉ naeˉ ha siˉ naeˉ yaˇ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ