Naiˍ htangˍ 10:43 - Pyen

⁴³ Yang na hkaˉ yumˉ naeˉ uiˉ changˉ hkaˉ hko laˉ hko, yang beu ang maengˉ pa nae, naˍ hokˍ poiˉ naeˉ na ya naeˉ yaˇ nae Hpaˍcaoˍ beu pa rawˉ hpaet hkaˉ hko laˉ hko uiˉ yang awˍ lawng na sak seˍ hkamˉ yao chiˉ jiˉ nae, Peˍtruˆ ciˍ sangˍ jiˍ.

Naiˍ htangˍ 10:43 ပူးပေါင်းရင်းမြစ်များ

Naiˍ htangˍ 15:9

Hpaˍcaoˍ nawˍ yawng na nae gu na baˍ piˍ peungˍ lang laˍ. Yumˉ naeˉ pa nae, yawng na naˍ hokˍ poiˉ nga biˍ yao yawng beu nuing ba na muiˉ yang piˉ seungˍ piˉ sangˉ nga laˉ byaˇ.

Naiˍ htangˍ 2:38

Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Naiˍ htangˍ 26:18

Yawng mi nuing myangˉ laˉ yao, vuingˉ vangˉ naeˉ na paek taw saˍ yao, ang chit veu laˉ naeˉ yaˇ. Ningˉ htaˍ veu muiˉ, Saˍtanˍ beu laˍ htiˍ hingˍ na paek taw saˍ yao Hpaˍcaoˍ kawngˉ laˉ naeˉ yaˇ. Hingˉ pa nae yao yawng naˍ hokˍ poiˉ naeˉ na muiˉ ya yao ga na yumˉ laˍ naeˍ hkaoˉ veu seungˍ laˍ sangˉ laˉ jiˍ changˉ uiˉ kawngˉ htuˍ yaˍ laˉ mae ya ca naeˉ yaˇ.

Naiˍ htangˍ 26:22

Caˇ, miˉ nuing veu tiˍ hkeu Hpaˍcaoˍ pawngˍ laˍ yao ga ningˉ keung veu ya cung yao, changˉ hkawˍ changˉ iˉ hkaˉ hko laˉ hko na saˉ hkiˉ hkamˉ yao ca ngaeˉ. Aˉ mae ya hpeuˍ laˍ naeˉ uiˉ awˍ lawng Hpaˍcaoˍ beu pa rawˉ hpaet uiˉ aˍ Moˉseˍ ciˍ jiˍ hingˉ lawˉ yaˇ ga ciˍ naeˍ.

Naiˍ htangˍ 3:16

Nawng ya bae ya myangˉ jiˉ laˍ hkuiˍ baˍ maenˍ nae uiˉ changˉ ningˉ mangˉ kaˍ ca laˉ laeˍ jiˍ ningˉ ngaˍ, Yeˍsuˆ beu ang maengˉ na yumˉ naeˉ saˉ naeˉ pa yaˇ. Ang maengˉ hingˉ ngaˍ yang na kaˍ piˉ ca laˉ laeˍ jiˍ. Yumˉ naeˉ saˉ naeˉ hingˉ ngaˍ Yeˍsuˆ paˉ nae ya yao, yumˉ naeˉ saˉ naeˉ hingˉ ngaˍ nawng mae nuing suiˍ tawngˍ naˍ veu changˉ ningˉ mangˉ na maenˍ nae ca buiˍ duingˉ buiˍ laˉ laeˍ biˍ byaˇ.

Naiˍ htangˍ 3:18

Hpaˍcaoˍ nawˍ yang beu Hkritˆ ya tuk ya hpan naeˉ nae yang beu pa rawˉ hpaet uiˉ na cuˉ yao kaˉ huˍ veu nae ciˍ jiˍ lawˉ yang hingˉ lawˉ vaˍ puing byaˇ.