Naiˍ htangˍ 10:36 - Pyen

³⁶ Hpaˍcaoˍ, Iˉsaˍreˍlaˆ changˉ uiˉ na piˍ jiˍ uiˉ ang tangˍ na nawng ang bae yaˇ. Ciˍ tangˍ hingˉ ngaˍ, hkaˉ hko laˉ hko htaˍ veu Ang suingˉ hpeuˍ naeˍ, Yeˍsuˆ Hkrit pa nae mawnˍ pyawˉ naeˉ uiˉ ang buinˉ tangˍ na chaˍ lang naeˉ ang buinˉ tangˍ hingˍ yaˇ.

Naiˍ htangˍ 10:36 ပူးပေါင်းရင်းမြစ်များ

Naiˍ htangˍ 10:37

Yoˉhanˍ maˍ jiˍ baˆtiˆsamˍ piˍ naeˍ htiˍ ceuˍ hingˍ nawngˍ veu, Gaˍliˉlaeˉ ang meungˉ veu tangˍ yao Yuˉdaˆ ang meungˉ ku ti ti veu mawnˍ pyawˉ naeˉ uiˉ ang buinˉ tangˍ hingˍ pya aengˉ jiˉ.

Naiˍ htangˍ 11:19

Haeˉ mae beu, Saˍteˍhpanˍ na tangˍ yao hkanˍ yaˍ chuiˍ yaˍ jiˍ na ya hkamˉ jiˉ pa, Yeˍruˆsaˍlaemˍ vengˍ hkaoˍ veu ca naeˉ yumˉ naeˉ saˉ naeˉ uiˉ changˉ ang byaˍ hpakˍ lang yao, Hpiˆniˆ ang meungˉ, Kuˇpaˉruˆ cunˉ nae Anˍtiˉokˆ vengˍ veu tiˍ hkeu aeˉ yao, Yuˉdaˆ changˉ uiˉ na yawng ang buinˉ tangˍ maˍ biˍ jiˍ.

Naiˍ htangˍ 13:32

Ang puˉ yaˍ mangˍ uiˍ na Hpaˍcaoˍ saˉ caˉ piˍ saˍ jiˍ lawˉ, mawnˍ pyawˉ naeˉ ang buinˉ tangˍ ningˍ yaˉ yetˍ nawng na maˍ laˍ naeˍ yaˇ.

Naiˍ htangˍ 13:46

Pawˉluˆ nae Baˍnaˍbaˆ yaˉ yetˍ nuing ba hatˆ naeˉ hkaoˉ veu ciˍ jiˍ yang, Hpaˍcaoˍ beu ang tangˍ ningˍ nawng na kaˉ huˍ veu ya upˍ kyaˍ laˍ naeˍ yaˇ. Caˇ, nawng ngaˍ Hpaˍcaoˍ beu ang tangˍ na paek taw saˍ yao, tuingˍ co tuingˍ cat a sak na ya yao baˍ kuingˍ lang nae nawng tawˉ nawng kuitˆ laeˍ yao, gaˉ yetˍ Changˉ ceuˉ htiˍ baˍ uiˍ kawngˉ lae naˇ.

Naiˍ htangˍ 2:36

Hingˉ pa nae Iˉsaˍreˍlaˆ changˉ hkaˉ hko laˉ hko ningˉ na maenˍ nae bae voˍ. Nawng laˍ kang htaˍ veu htaˍ siˍ jiˉ Yeˍsuˆ ningˉ mangˉ na Hpaˍcaoˍ nawˍ Ang suingˉ piˉ hpeuˍ laˉ jiˉ. Yaˇ Hpaˍcaoˍ sa luiˍ naeˍ nae satˉ caˉ chiˉ jiˉ Hkrit mangˍ yaˇ nae Peˍtruˆ ciˍ jiˍ.

Naiˍ htangˍ 5:31

Iˉsaˍreˍlaˆ changˉ uiˉ naˍ hokˍ na kuitˆ puiˉ laeˍ yao, naˍ hokˍ poiˉ taw naeˉ uiˉ saˍ laiˍ, Hpaˍcaoˍ nawˍ yawng na up peungˍ naeˍ mangˉ hpeuˍ yao, htaiˍ awkˍ naeˍ mangˉ hpeuˍ biˍ naeˍ, yang beu laˍ maˍ kaˍ seu yang na chiˍ ta laeˍ saˍ biˍ byaˇ.