Naiˍ htangˍ 10:2 - Pyen

² Yaˇ yang beu yumˉ tawngˍ naiˍ hkaoˍ veu ang yaˍ hkyaˉ uiˉ na Hpaˍcaoˍ na hkae hkiˍ yao saˍ nyamˉ naeˉ uiˉ yaˇ. Yaˇ hao na saˍ kyaˍ kyaˍ naeˍ hkaoˉ veu ang saˍ baeˍ yaˍ na ang byaˍ tanˍ biˍ yao, Hpaˍcaoˍ kawngˉ aˉ lawˍ beun muiˉ ang buinˉ paˉ yao ca jiˉ.

Naiˍ htangˍ 10:2 ပူးပေါင်းရင်းမြစ်များ

Naiˍ htangˍ 10:22

Yawng ha biˍ jiˍ yang, Changˉ sui changˉ pawng, Hpaˍcaoˍ na hkae yao, Yuˉdaˆ changˉ hkaˉ hko laˍ hko yang lawng na sak seˍ hkamˉ naeˉ Kawˉneˍliˆ nae maengˉ jiˉ luk suikˆ yinˍ cangˉ htiˍ hu ang ca. Nang na yang yumˉ veu haoˉ awngˉ laˍ yao, nang beu ang tangˍ na naˉ naeˉ uiˉ saˍ laiˍ, buingˍ htaˍ naiˍ htangˍ ang seungˍ sangˉ yang na piˉ bae byaˇ nae yawng ciˍ jiˍ.

Naiˍ htangˍ 10:31

Kawˉneˍliˆ veuˉ, nang ang buinˉ paˉ naeˉ na Hpaˍcaoˍ ya kyaˍ yao, nang saˍ kyaˍ kyaˍ yao tanˍ biˍ jiˍ uiˉ na muiˉ Hpaˍcaoˍ kuitˆ puiˉ yao ang ca yaˇ.

Naiˍ htangˍ 10:35

Changˉ ceuˉ hkaˉ hko laˉ hko hkaoˉ veu Hpaˍcaoˍ na hkae yao, ang suing pawng kanˉ na vaˍ naeˍ uiˉ changˉ na yang nuing ba capˆ naeˉ.

Naiˍ htangˍ 10:4

Kawˉneˍliˆ yang na maenˍ nae hu yao hkae naeˉ hkaoˉ veu, Ang suingˉ veuˉ, ba ceuˉ ha naeˇ nae naˉ jiˉ. Buingˍ htaˍ naiˍ htangˍ yang na ciˍ sangˍ jiˍ. Nang ang buinˉ paˉ tangˍ nae tanˍ biˍ jiˍ uiˉ Hpaˍcaoˍ nuing ba ceuk yao nang na cuiˍ yaˍ laˍ jiˍ.

Naiˍ htangˍ 10:7

Yang na ciˍ sangˍ naeˍ buingˍ htaˍ naiˍ htangˍ maˇ laengˉ laeˍ yao, yang beu yaˍ cenˍ nyiˍ hu yaˉ yetˍ, yawng kawngˉ aˉ lawˍ beun muiˉ ca naeˉ luk suikˆ uiˉ hkaoˉ veu Hpaˍcaoˍ na saˍ nyamˉ naeˉ htiˍ hu mangˉ na haoˉ jiˉ.

Naiˍ htangˍ 11:14

Nang nae nang beu yumˉ changˉ uiˉ hkaˉ hko laˉ hko aˉ mae ha yao htaiˍ awkˍ naeˍ uiˉ na ya naeˉ uiˉ saˍ laiˍ, yaˇ nawng na upˍ laˍ naeˍ yaˇ nae gu na htiˍ cangˍ upˍ laeˍ laˍ naeˍ.

Naiˍ htangˍ 13:16

Haeˉ mae beu, Pawˉluˆ hta laˉ yao laˍ puˍ kang nae aˍ ciˍ caeoˍ jo nae ha biˍ yao, Iˉsaˍreˍlaˆ changˉ ceuˉ uiˉ nae Hpaˍcaoˍ na hkae naeˉ uiˉ changˉ ceuˉ htiˍ baˍ yawng veuˉ, naˉ baoˍ.

Naiˍ htangˍ 13:26

Aˍbraˍhamˍ ang ceuˉ canˉ ang luˍ han uiˉ nae, nawng hkaoˉ veu Hpaˍcaoˍ na hkae naeˉ yaˍ changˍ mawngˉ namˉ yawng veuˉ, Hpaˍcaoˍ gu na htaiˍ awkˍ naeˍ uiˉ awˍ lawng piˉ kyaˍ peunˍ la byaˇ.

Naiˍ htangˍ 13:50

Caˇ, Yuˉdaˆ changˉ uiˉ aˍ, Hpaˍcaoˍ na saˍ nyamˉ naeˉ uiˉ laˍ htiˍ ang ca uiˉ hkaˍ ba yaˍ htiˍ baˍ uiˍ nae, vengˍ hingˍ hkaoˉ veu ca naeˉ awn hoˉ htiˍ baˍ uiˍ na htuing nga biˍ jiˍ. Pawˉluˆ nae Baˍnaˍbaˆ na hkanˍ yaˍ chuiˍ yaˍ naeˍ na yawng ya caeˉ vaˍ yao, yaˉ yetˍ na ang meungˉ hingˉ naiˍ hkaoˍ veu hkeˍ taw jiˉ.

Naiˍ htangˍ 18:8

Kaˍliˉpuˆ nae maengˉ jiˉ ang buinˉ paˉ kyaˉ cawngˉ veu awn hoˉ htiˍ huˍ mangˉ beu, yumˉ changˉ hkaˉ hko laˉ hko uiˉ aˍ, Ang suingˉ Yeˍsuˆ na yumˉ saˉ laˉ jiˉ. Kawˉrenˍhtuˆ changˉ ang byaˍ Pawˉluˆ maˍ naeˍ na ya kyaˍ yao yumˉ naeˉ hkaoˉ veu baˆtiˆsamˍ hkamˉ yuˉ jiˉ.

Naiˍ htangˍ 2:5

Haeˉ mae beu, Hpaˍcaoˍ na saˍ nyamˉ naeˉ Yuˉdaˆ changˉ uiˉ aˍ Yeˍruˆsaˍlaemˍ vengˍ hkaoˍ veu ca jiˉ. Yawng ngaˍ nuingˉ chaˍ htaˍ veu ca naeˉ ang meungˉ ang byaˍ veu lui jiˉ changˉ uiˉ yaˇ.

Naiˍ htangˍ 22:12

Hiˉ keung veu Aˍnaˍniˆ nae maengˉ jiˉ mangˉ changˉ htiˍ hu ang ca. Yaˇ hiˉ keung duingˉ naeˉ Yuˉdaˆ changˉ hkaˉ hko laˉ hko hkaoˉ veu ang maengˉ ang maenˍ nae yao ang liˍ ang kawngˍ veu Hpaˍcaoˍ na ang saˍ nyamˉ hkiˍ.

Naiˍ htangˍ 8:2

Hpaˍcaoˍ na saˍ nyamˉ naeˉ uiˉ changˉ uiˉ aˍ, Saˍteˍhpanˍ na hyang nga lae yao, yang pa nae ungˉ haoˉ jiˉ.

Naiˍ htangˍ 9:11

Ang suingˉ Yeˍsuˆ yang na ha biˍ jiˍ yang, Hta laˉ yao kaˉ ba ang pawng nae haoˉ naeˉ hingˉ senˍ veu aeˉ voˍ. Yuˉdaˆ yumˉ veu Taˍsuˆ vengˍ changˍ Sawˉluˆ na hu aeˉ voˍ. Yaˇ ang buinˉ paˉ yao ca ngaeˉ yaˇ.

Naiˍ htangˍ 9:31

Haeˉ mae beu, Yuˉdaˆ ang meungˉ, Gaˍliˉlaeˉ ang meungˉ nae Saˍmaˍriˆ ang meungˉ ku ti ti veu Hkritˆ yanˍ ang muˉ uiˉ, ca buiˍ duingˉ buiˍ nae ca yao, huiˍ mawng laˉ jiˉ. Ang suingˉ Hpaˍcaoˍ na hkae naeˉ hkaoˉ veu na baˍ upˍ, Ang hkawˍ laˉ ang seungˍ sangˉ yawng na kaˍ piˍ htaengˍ nae aeˉ laˉ yao hpae laˉ geuˉ laˉ jiˉ.

Naiˍ htangˍ 9:36

Yuˆpeˍ vengˍ hkaoˍ veu Taˍbiˉtaˆ nae maenˉ jiˉ mangˉ ta peˍ hkaˍ ba yaˍ htiˍ hu ca jiˉ. Ang maengˉ hingˉ ngaˍ Heˍlaˍsaˆ tangˍ nae baoˇ, Dawˍkaˍ nae yaˇ. Hkaˍ ba yaˍ hingˍ maˇ, ang maenˍ kanˍ htiˍ baˍ nae, hao na hak yao tanˍ siˍ naeˉ uiˉ nuing ba htiˍ puing ang ca.