Naiˍ htangˍ 1:24 - Pyen

^24-25 Yawng ang buinˉ paˉ yao ciˍ jiˍ yang, Changˉ yaˍ hkaˉ hko laˉ hko beu nuing ba na bae yao ca naeˉ mangˉ Hpaˍcaoˍ veuˉ, Yuˉdaˆ maˇ ta peˍ beu aˉ yaˍ na paek taw saˍ yao yang ca kyaˉ hingˉ keung laengˉ laeˍ yao siˉ byaˇ. Yang beu kanˉ na vaˍ laeˍ naeˍ uiˉ saˍ laiˍ, ta peˍ beu aˉ yaˍ hingˍ na ya naeˉ uiˉ saˍ laiˍ nyiˍ hu ningˉ hkaoˉ veu nang cheˉ yuˉ yao chiˉ jiˉ htiˍ hu mangˉ na maˍ lao nae ang buinˉ paˉ jiˉ.

Naiˍ htangˍ 1:24 ပူးပေါင်းရင်းမြစ်များ

Naiˍ htangˍ 14:23

Yawng ang caˍ cheˉ yao, ang buinˉ paˉ naeˉ hkaoˉ veu, Hkritˆ yanˍ ang muˉ kaˉ hko laˉ hko saˍ laiˍ awnˍ hoˉ yaˍ manˍ htiˍ baˍ uiˍ na cheˉ taw yao, yawng yumˉ yao ca naeˉ Ang suingˉ Hpaˍcaoˍ beu laˍ puˍ hkaoˍ veu ap yao piˍ jiˍ.

Naiˍ htangˍ 15:8

Nuing ba na bae naeˉ Hpaˍcaoˍ maˇ, gu na Ang hkawˍ laˉ ang seungˍ sangˉ piˍ laˉ jiˍ lawˉ, yawng na muiˉ piˍ naeˍ hkaoˉ veu, yawng ya muiˉ hap yuˉ naeˉ nae saˉ hkiˉ hkamˉ jiˉ.

Naiˍ htangˍ 6:6

Naiˍ htangˍ uiˍ tawngˍ naˍ veu yawng na chiˉ yao, naiˍ htangˍ uiˍ ang buinˉ paˉ yao yawng htaˍ veu laˍ puˍ boeˉ nga biˍ jiˍ.