Naiˍ htangˍ 1:16 - Pyen

¹⁶ Yaˍ changˍ mawngˉ namˉ yawng veuˉ, Camˉ lik hkaoˉ veu taemˉ yao chiˉ jiˉ ningˉ ngaˍ ya puing laˉ naeˉ maˉ manˉ yaˇ. Hingˉ ngaˍ aˉ lumˍ nae baoˉ vaˍ, Yeˍsuˆ na hpui naeˉ uiˉ changˉ na kaˉ ba maˍ biˍ naeˍ mangˉ Yuˉdaˆ lawng hingˉ na kaˉ huˍ veu muiˉ Ang hkawˍ laˉ ang seungˍ sangˉ Daˍvet beu miˍ tu na cuˉ yao ciˍ saˍ jiˍ hingˉ tangˍ yaˇ.

Naiˍ htangˍ 1:16 ပူးပေါင်းရင်းမြစ်များ

Naiˍ htangˍ 1:20

Chiˍ mawng naeˉ ang laiˍ uiˍ hkaoˍ veu ningˉ mae taemˉ saˍ jiˍ. Yang ca kyaˉ hingˉ ngaˍ changˉ ang kyap piˉ hpeuˍ vo. Changˉ htiˍ hu na muiˉ baˍ piˍ ca. Yang beu aˉ yaˍ hingˍ na muiˉ hao na ya piˍ laeˍ biˍ vo nae taemˉ saˍ jiˍ.

Naiˍ htangˍ 13:15

Ang liˍ ang kawngˍ ang laiˍ hingˍ nae pa rawˉ hpaet uiˉ beu ang laiˍ hingˍ hao hpatˆ peunˉ yao, Yuˉdaˆ changˉ ceuˉ hpawm lang kyaˉ veu ang kaeˍ htiˍ baˍ uiˍ, yaˉ yetˍ kawngˉ changˉ piˉ lae yao, yaˍ changˍ mawngˉ namˉ htiˍ baˍ yawng veuˉ, changˉ ningˉ uiˉ na kaˍ piˍ seuˍ ang tangˍ ang ca nae baoˇ piˍ htaengˍ vo nae ha biˍ jiˍ.

Naiˍ htangˍ 13:38

Ningˉ pa nae, yaˍ changˉ mawngˉ namˉ htiˍ baˍ yawng veuˉ, ningˉ na bae bu. Changˉ ningˉ mangˉ pa nae naˍ hokˍ poiˉ taw naeˉ uiˉ awˍ lawng nawng na hkai bae laˍ naeˍ yaˇ.

Naiˍ htangˍ 15:13

Yaˉ yetˍ hkaˍ muˍ hkai peunˉ beu, Yaˍkok ciˍ jiˍ yang, Yaˍ changˍ mawngˉ namˉ yawng veuˉ, ga tangˍ ningˍ na naˉ voˍ.

Naiˍ htangˍ 15:7

Awˍ lawng ningˉ na ang byaˍ cangˍ sing cat peunˉ lang yao, Peˍtruˆ hta laˉ yao yawng na ha biˍ jiˍ yang, Yaˍ changˍ mawngˉ namˉ yawng veuˉ, ga pa nae yao Changˉ ceuˉ htiˍ baˍ uiˍ mawnˍ pyawˉ naeˉ ang buinˉ tangˍ na ya kyaˍ yao yumˉ naeˉ uiˉ saˍ laiˍ, kaˉ huˍ veu nae nawng hkaoˉ veu Hpaˍcaoˍ ga na cheˉ yuˉ laˍ jiˍ na nawng ang bae yaˇ.

Naiˍ htangˍ 2:23

Kaˉ huˍ veu Hpaˍcaoˍ bae laeˍ lang yao kuitˆ chae laeˍ jiˍ lawˉ, Yeˍsuˆ na nawng kawngˉ ap laˍ naeˍ yaˇ. Nawng ngaˍ changˉ haiˉ uiˉ htiˍ baˍ na cuˉ yao yang na laˍ kang htaˍ veu htaˍ kap byaˇ.

Naiˍ htangˍ 2:37

Haeˉ mae ya kyaˍ beu, changˉ uiˉ nuing ba manˍ hawngˉ yao, ang pawngˍ aiˉ yawng veuˉ, gu aˉ mae ya ha naeˉ nae Peˍtruˆ nae naiˍ htangˍ htiˍ baˍ uiˍ na naˉ jiˉ.

Naiˍ htangˍ 22:1

Ga beu Yuˉdaˆ changˉ htiˍ baˍ yawng veuˉ, nawng mae kaˍ huˍ veu ga beu awˍ lawng ga hkai laeˍ laˍ naeˍ tangˍ na iˉ yaˍ naˉ laˍ beun voˍ nae ha biˍ jiˍ.

Naiˍ htangˍ 23:1

Haeˉ mae beu, Pawˉluˆ nawˍ Yuˉdaˆ awn hoˉ ang muˉ na maenˍ nae hu yao ciˍ jiˍ, Yaˍ changˍ mawngˉ namˉ yawng veuˉ, miˉ nuing tiˍ hkeu Hpaˍcaoˍ tawngˍ naˍ veu ga ya vaˍ jiˍ uiˉ kanˉ pa nae ga beu bae hkiˍ naeˍ uiˉ nuing ba ningˉ, ga htaˍ veu naˍ hokˍ baˍ chiˍ.

Naiˍ htangˍ 23:6

Hpawm lang naeˉ changˉ htiˍ baˍ hingˍ uiˉ Saˍduˆkaeˉ hpeuˍ yao, htiˍ baˍ baˍ Hpaˍriˆsaeˉ hpeuˍ naeˍ na Pawˉluˆ ya bae beu, aˉ muˍ tatˆ naeˉ uiˉ ang muˉ na yang ha biˍ jiˍ, Yaˍ changˍ mawngˉ namˉ yawng veuˉ, ga Hpaˍriˆsaeˉ hpeuˍ yao, Hpaˍriˆsaeˉ beu ang yaˍ muiˍ uiˉ yaˇ. Siˉ jiˉ changˉ uiˉ teˍ laˉ laeˍ naeˍ na kuitˆ yao ca naeˍ pa ga aˉ muˍ tatˆ naeˉ na ya hkamˉ naeˉ yaˇ nae kaˍ haengˍ haoˉ jiˉ.

Naiˍ htangˍ 28:17

Sumˍ nuing hkeu laˉ yao, Pawˉluˆ nawˍ hiˉ keung ca naeˉ Yuˉdaˆ changˉ uiˉ hkaoˉ veu awn hoˉ uiˉ na haoˉ va jiˉ. Yawng hpawm lang beu, Pawˉluˆ yawng na ha biˍ jiˍ, Yaˍ changˍ mawngˉ namˉ yawng veuˉ, gu beu changˉ ceuˉ uiˉ na baˍ up, ang hpiˍ ang puˉ uiˉ beu ang liˍ na baˍ up, ga htiˍ ceuˍ na baˍ tiˍ si yao muiˉ, Yeˍruˆsaˍlaemˍ vengˍ hkaoˉ veu Yuˉdaˆ changˉ uiˉ ga na hpui laˍ yao, Roˉmaˆ changˉ uiˉ beu laˍ puˍ hkaoˍ veu ap nga laˍ byaˇ.

Naiˍ htangˍ 28:25

Yawng htiˍ hu nae htiˍ hu baˍ meunˍ lang nae yao, awkˍ taw aengˉ jiˉ. Caˇ, yawng baˍ awkˍ taw aengˉ beu kaˉ huˍ veu, Pawˉluˆ yawng na ciˍ tangˍ ningˍ tiˍ htaeˍ hkai biˍ jiˍ. Ang hkawˍ laˉ ang seungˍ sangˉ nawˍ, pa rawˉ hpaet Iˉsaˍyaˆ na cuˉ yao nawng beu ang hpiˍ ang puˉ uiˉ na hkai biˍ jiˍ ang tangˍ uiˉ aˍ, ang capˆ maˉ manˉ yaˇ. Ang tangˍ hingˉ ngaˍ,

Naiˍ htangˍ 7:2

Saˍteˍhpanˍ tawpˍ laeˍ jiˍ yang, Yaˍ changˍ mawngˉ namˉ nae ang vangˉ yawng veuˉ, iˉ yaˍ naˉ beun. Gu beu ang vangˉ Aˍbraˍhamˍ nawˍ, Haˍranˍ vengˍ veu baˍ duingˍ laengˉ suing nae beu, Meˍsoˉpoˉtaˍmiˆ ang meungˉ hkaoˉ veu ca jiˉ. Haeˉ mae beu mun hpungˉ ang huiˍ Hpaˍcaoˍ yang kawngˉ taw laˉ yao ha biˍ jiˍ yang,