Naiˍ htangˍ 1:15 - Pyen

¹⁵ Hingˉ nyamˍ hkaoˍ veu yumˉ naeˉ saˉ naeˉ uiˉ changˉ htiˍ pakˍ nyiˍ cheˍ hu laˉ mae hpawm lang yao ca jiˉ changˉ kawngˉ nuingˉ veu Peˍtruˆ hta laˉ yao hkai jiˉ yang,

Naiˍ htangˍ 1:15 ပူးပေါင်းရင်းမြစ်များ

Naiˍ htangˍ 10:23

Haeˉ mae yao, Peˍtruˆ yawng na haoˉ awngˉ yao yumˉ veu maenˍ piˉ saoˍ jiˍ. Saw hta paenˉ laˉ yao yawng kawngˉ htuˍ yaˍ laˉ mae aeˉ jiˉ. Yuˆpeˍ vengˍ hkaoˍ veu ca naeˉ yumˉ naeˉ saˉ naeˉ changˉ uiˉ muiˉ yang kawngˉ lae jiˉ.

Naiˍ htangˍ 11:1

Changˉ ceuˉ htiˍ baˍ uiˍ Hpaˍcaoˍ beu ang tangˍ na hap yuˉ naeˉ awˍ lawng na Yuˉdaˆ ang meungˉ hkaoˉ veu ca naeˉ naiˍ htangˍ uiˍ nae yumˉ naeˉ saˉ naeˉ uiˉ changˉ htiˍ baˍ uiˍ ya kyaˍ jiˍ.

Naiˍ htangˍ 11:12

Nuing ba htawˉ nawtˆ kuitˆ naeˉ uiˉ baˍ ca nae, yawng kawngˉ htuˍ yaˍ laˉ mae aeˉ voˍ nae, Ang hkawˍ laˉ ga na ha laˍ ngaeˉ. Ang pawngˍ aiˉ hkoˍ hu uiˉ muiˉ ga kawngˉ htuˍ yaˍ laˉ mae aeˉ yao Kawˉneˍliˆ beu yumˉ veu awngˉ aeˉ yaeˉ.

Naiˍ htangˍ 11:26

Yang na ya myangˉ beu, Anˍtiˉokˆ vengˍ veu suiˍ langˉ jiˉ. Yaˇ yetˍ aˍ htiˍ nuing pi lumˉ lumˉ Hkritˆ yanˍ ang muˉ kawngˉ hpawm lang yao, changˉ ang muˉ uiˉ na maˍ biˍ jiˍ. Taˍ peˍ htiˍ baˍ uiˍ na Hkritˆ yanˍ nae haoˉ naeˉ uiˉ ang maengˉ na, Anˍtiˉokˆ vengˍ veu maengˉ taw laˉ jiˉ.

Naiˍ htangˍ 11:29

Haeˉ mae yao, ta peˍ htiˍ baˍ uiˉ aˍ, aˍ sangˍ yang hkiˍ jiˍ cha jiˉ lawˉ, Yuˉdaˆ ang meungˉ hkaoˉ veu ca naeˉ yumˉ naeˉ saˉ naeˉ uiˉ changˉ na pawngˍ naeˍ uiˉ saˍ laiˍ kuitˆ chae laeˍ jiˍ.

Naiˍ htangˍ 12:17

Peˍtruˆ yawng na aˍ ciˍ caeoˍ jo nae laˍ puˍ mangˍ nga biˍ yao, Ang suingˉ Hpaˍcaoˍ yang na htawngˉ hkaoˉ veu aˉ mae yuˉ taw laˍ jiˍ hingˉ awˍ lawng yawng na hkai bae biˍ jiˍ. Nawng aeˉ yao Yaˍkok nae yumˉ naeˉ saˉ naeˉ uiˉ changˉ uiˉ na ningˉ awˍ lawng ningˉ piˉ kyaˍ aeˉ laeˍ bu nae ha biˍ yao awkˍ taw aengˉ yao htiˍ tawngˍ veu aeˉ laeˍ laeˍ jiˍ.

Naiˍ htangˍ 14:2

Caˇ, baˍ yumˍ nae uiˉ Yuˉdaˆ changˉ htiˍ baˍ uiˉ aˍ, Changˉ ceuˉ htiˍ baˍ uiˍ na htuing nga biˍ yao, yaˍ changˍ mawngˉ namˉ uiˉ na hu buinˉ naeˉ uiˉ saˍ laiˍ ha jiˉ.

Naiˍ htangˍ 15:1

Haeˉ mae beu, Yuˉdaˆ ang meungˉ veu ca naeˉ Yuˉdaˆ changˉ htiˍ baˍ uiˍ Anˍtiˉokˆ vengˍ veu hkeu lui yao, Nawng ngaˍ Moˉseˍ beu ang liˍ ca naeˉ lawˉ ang hkaw baˍ haen baoˉ vaˍ, htaiˍ awkˍ naeˍ na baˍ ya taw nae yaˍ changˍ mawngˉ namˉ uiˉ na maˍ biˍ jiˍ.

Naiˍ htangˍ 15:3

Haeˉ mae yao, Hkritˆ yanˍ ang muˉ yawng na piˉ aeˉ beu, yawng ngaˍ Hpiˆniˆ ang meungˉ nae Saˍmaˍriˆ ang meungˉ na hpaiˍ jiˍ. Haeˉ mae beu, Changˉ ceuˉ htiˍ baˍ uiˍ nuing ba penˉ laˉ laeˍ jiˍ awˍ lawng na hkai bae biˍ yao, yumˉ naeˉ saˉ naeˉ uiˉ changˉ uiˉ mawnˍ saˉ jiˉ.

Naiˍ htangˍ 16:2

Ta peˍ hiˍ maˇ, Luˉtaˍraˆ vengˍ nae Iˉkawˉniˆ vengˍ veu duingˉ naeˉ yumˉ naeˉ saˉ naeˉ uiˉ changˉ hkaoˉ veu ang maengˉ ang maenˍ uiˍ changˉ htiˍ hu hpeuˍ jiˍ.

Naiˍ htangˍ 16:40

Haeˉ mae beu, yaˉ yetˍ htawngˉ hkaoˉ veu awkˍ taw aengˉ yao, Luˆdiˆ beu yumˉ hkaoˉ veu aeˉ jiˉ. Yaˍ changˍ mawngˉ namˉ uiˉ na ya myangˉ beu, yawng na kaˍ piˍ htaengˍ peunˍ yao, yaˉ yetˍ vengˍ hingˍ hkaoˉ veu awkˍ taw aengˉ jiˉ.

Naiˍ htangˍ 17:10

Yumˉ naeˉ saˉ naeˉ changˉ uiˉ muiˉ, Pawˉluˆ nae Siˍlaˆ yaˉ yetˍ na Beˍriˆ vengˍ veu muˍ hkiˍ beu piˉ aeˉ jiˉ. Yaˉ yetˍ hiˉ keung veu hkeu aeˉ beu, Yuˉdaˆ changˉ ceuˉ hpawm lang kyaˉ veu awngˉ aeˉ jiˉ.

Naiˍ htangˍ 17:14

Haeˉ mae beu, yumˉ naeˉ saˉ naeˉ uiˉ changˉ ngaˍ, Pawˉluˆ na chaˍ maeˍ langˍ ba veu tiˍ hkeu ang vaiˍ nae piˉ lae jiˉ. Caˇ, Siˍlaˆ nae Tiˉmoˉseˍ yaˉ yetˍ na hiˉ keung veu ca saˍ biˍ jiˍ.

Naiˍ htangˍ 17:6

Yaˉ yetˍ na baˍ saˍ myangˉ nga nae yao, Yaˍsonˍ nae yang beu yumˉ naeˉ saˉ naeˉ uiˉ changˉ htiˍ baˍ na upˆ peungˍ naeˍ uiˉ kawngˉ chuingˉ nga laengˉ yao ciˍ jiˍ. Nuingˉ chaˍ hkaˉ hko laˉ hko na tiˍ suk tiˍ sak laˍ naeˍ uiˉ htiˍ baˍ uiˍ, ningˉ keung muiˉ hkeu lui byaˇ.

Naiˍ htangˍ 18:18

Hingˉ nawngˍ veu Pawˉluˆ Kawˉrenˍhtuˆ vengˍ veu iˉ yaˍ mangˍ ca laeˍ yao, yumˉ naeˉ saˉ naeˉ uiˉ changˉ na hpakˍ nga lang yao Suˉriˆ ang meungˉ veu heuˍ ta yao lae jiˉ. Piˉkiˉlaˆ nae Aˍkuˉlaˆ, yaˉ yetˍ muiˍ yang kawngˉ lae jiˉ. Yang saˉ caˉ chiˉ jiˉ lawˉ, Keˍcheˍ vengˍ veu hkeungˉ beu, yang beu ang tuˍ yangˍ seuk tiˍ laeˍ jiˍ.

Naiˍ htangˍ 18:27

Aˍpawˉluˆ nawˍ Aˍhkaˍyaˆ ang meungˉ kaˉ seu hpaiˍ yao lae siˉ beu, yumˉ naeˉ saˉ naeˉ uiˉ changˉ yang na kaˍ piˍ htaengˍ yao, hingˉ pakˍ kaˍ seu ca naeˉ uiˉ yang na hap yuˉ naeˉ uiˉ saˍ laiˍ ta peˍ uiˍ na ang laiˍ taemˉ yao piˍ jiˍ. Hiˉ keung veu ca naeˉ uiˉ changˉ ngaˍ, Hpaˍcaoˍ beu ang buinˉ pa nae yumˉ saˉ laˉ jiˉ. Yang hiˉ keung veu hkeu lae beu, yawng na ang byaˍ pawngˍ van jiˉ.

Naiˍ htangˍ 21:17

Gu Yeˍruˆsaˍlaemˍ vengˍ veu hkeu lae beu, yaˍ changˍ mawngˉ namˉ uiˉ gu na mawnˍ mawnˍ saˍ saˉ hap yuˉ langˍ ngaeˉ.

Naiˍ htangˍ 21:20

Ciˍ tangˍ ningˍ na ya kyaˍ beu, yumˉ naeˉ saˉ naeˉ uiˉ changˉ Hpaˍcaoˍ na chiˍ huiˍ chiˍ mawng jiˉ. Haeˉ mae beu, yawng Pawˉluˆ na ha biˍ jiˍ. Aiˉ veuˉ, Yuˉdaˆ changˉ ceuˉ hkaoˉ veu, yumˉ naeˉ saˉ naeˉ uiˉ changˉ ang hengˉ hu byaˍ laˉ jiˉ na nang ang bae yaˇ. Yawng hkaˉ hko laˉ hko ang liˍ ang kawngˍ hingˍ na ang ha siˉ yaˇ.

Naiˍ htangˍ 21:7

Gu Tuˆruˆ vengˍ veu hta yao, heuˍ ta naeˉ kaˉ ba hingˉ lin ngangˉ beu, Paˍtawˆleˆ vengˍ veu hkeu lae yaeˉ. Hiˉ keung veu ca naeˉ yumˉ naeˉ saˉ naeˉ uiˉ changˉ kawngˉ bawˍ aeˉ yao, yawng kawngˉ htiˍ nuing ca yaeˉ.

Naiˍ htangˍ 22:5

Yit pa rawˉ hek ang kaeˍ nae Yuˉdaˆ awn hoˉ uiˉ muiˉ ga saˍ laiˍ saˉ hkiˉ hkamˉ yao ang kaˍ yaˇ. Yawng kawngˉ Daˍmaˍsaetˆ vengˍ veu ca naeˉ Yuˉdaˆ changˉ uiˉ na hpui naeˉ uiˉ saˍ laiˍ ga ang laiˍ hap yuˉ byaˇ. Ang laiˍ hingˍ uiˉ aˍ, Yeˍruˆsaˍlaemˍ vengˍ veu ca naeˉ yumˉ naeˉ uiˉ changˉ na hpui yao ciˍ yangˍ biˍ yao ang kaˍ yaˇ.

Naiˍ htangˍ 28:14

Hiˉ keung veu gu beu yumˉ naeˉ saˉ naeˉ uiˉ changˉ na myangˉ lang yao, yawng kawngˉ cetˍ nuing bawˍ beun voˍ nae gu na paˉ laˍ ngaeˉ. Gu ningˉ mae ha yao Roˉmaˆ vengˍ veu kaˉ ba yawˍ yao lae yaeˉ.